Virat Kohli બોર્ડના નિયમથી નથી ખુશ? નામ લીધા વિના કરી મોટી વાત

• BCCI નવી ગાઈડલાઈનને લઈ વિરાટનું નિવેદન
• વિરાટ BCCI ના નવા નિયમથી થયા નારાજ
• તેમના પરિવારો તેમની સાથે હોવા મહત્વપૂર્ણ છે

Virat Kohli: ભૂતપૂર્વ કેપ્ટન અને સ્ટાર બેટ્સમેન વિરાટ કોહલી (Virat Kohli)માને છે કે લાંબા પ્રવાસ દરમિયાન ખેલાડીઓ માટે તેમના પરિવારો તેમની સાથે હોવા મહત્વપૂર્ણ છે કારણ કે તે ખેલાડીઓને મેદાન પર મુશ્કેલ સમયનો સામનો કરતી વખતે સંતુલન જાળવવામાં મદદ કરે છે. વિરાટ કોહલીએ કહ્યું કે “એક ખેલાડી જ્યારે પોતાના પરિવાર પાસે પાછા ફરવાથી મુશ્કેલ તબક્કામાંથી પસાર થઈ રહ્યો હોય છે ત્યારે તેને કેટલું સંતુલન મળે છે તે સમજાવવું ખૂબ મુશ્કેલ છે. મને નથી લાગતું કે લોકો આ કેટલું મહત્વપૂર્ણ છે તે સંપૂર્ણપણે સમજી ગયા હશે. પરિવારનો ક્રિકેટ પર કોઈ નિયંત્રણ નથી, છતાં પણ તેમને ચર્ચામાં લાવવામાં આવે છે અને દૂર રાખવાનું કહેવામાં આવે છે.

BCCIએ જાહેર કરી નવી ગાઈડલાઈન

ઓસ્ટ્રેલિયામાં તાજેતરમાં ભારતની 3-1થી ટેસ્ટ શ્રેણીની હાર બાદ BCCI એ એક નવી ગાઈડલાઈન જારી કરી છે.જેમાં ખેલાડીઓ પ્રવાસ દરમિયાન તેમના પરિવાર સાથે વિતાવી શકે તે સમયને મર્યાદિત કરવામાં આવ્યો. આ નિર્દેશ મુજબ ફક્ત 45 દિવસથી વધુના પ્રવાસમાં, ખેલાડીઓના નજીકના પરિવારના સભ્યો પહેલા બે અઠવાડિયા પછી તેમની સાથે જોડાઈ શકે છે અને તેઓ વધુમાં વધુ 14 દિવસ રહી શકે છે.તે જ સમયે ટૂંકા પ્રવાસોમાં, ખેલાડીના પરિવારને તેની સાથે ફક્ત એક અઠવાડિયા માટે રહેવાની મંજૂરી છે.

આ પણ  વાંચો -Hockey Players wedding: આ 2 ખેલાડી બની રહ્યા છે લાઈફ પાર્ટનર, આ તારીખે થશે લગ્ન

વિરાટ કોહલીએ આ વાત કહી

કોહલીએ કહ્યું જો તમે કોઈપણ ખેલાડીને પૂછો કે શું તે ઇચ્છે છે કે તેનો પરિવાર હંમેશા તેની સાથે રહે, તો જવાબ હશે - હા. કોઈ પણ પોતાના રૂમમાં એકલા બેસીને ઉદાસ રહેવા માંગતું નથી. અમે સામાન્ય રહેવા માંગીએ છીએ, જેથી રમતગમતને એક જવાબદારી તરીકે જોવામાં આવે. જ્યારે તમે તમારી જવાબદારી નિભાવો છો, ત્યારે તમે પાછા જીવનમાં આવો છો. તેમણે આગળ કહ્યું, "એ સ્વાભાવિક છે કે તમે તમારી જવાબદારી નિભાવો, પછી તમારા ઘરે પાછા ફરો, પરિવાર સાથે સમય વિતાવો અને સામાન્ય પારિવારિક જીવન જીવો.આ મારા માટે ખરેખર ખુશીની ક્ષણ છે.મારા પરિવાર સાથે સમય વિતાવવાની તક ન મળવાનો અનુભવ હું ક્યારેય ગુમાવવા માંગતો નથી.