India Clean Sweep Afirca : દ.આફ્રિકામાં ટીમ ઈન્ડિયાનો શંખનાદ! 3-0થી સિરીઝ જીતી
- કેપ્ટન વૈભવ સૂર્યવંશીએ 127 રન ફટકારી રમતને પલટી નાખી (India Clean Sweep Afirca)
- ભારતે સ્કોરબોર્ડ પર 393 રનનો વિશાળ પહાડ ઉભો કર્યો
- સાઉથ આફ્રિકાની ટીમ માત્ર 160 રનમાં થઈ ઓલઆઉટ
- કિશન સિંઘની ઘાતક બોલિંગ સામે આફ્રિકન બેટ્સમેનો લાચાર
- ભારતે 233 રનના જંગી અંતરથી મેળવી ઐતિહાસિક જીત
India Clean Sweep Afirca : ભારતીય અંડર-19 ક્રિકેટ ટીમે સાઉથ આફ્રિકા સામેની વનડે શ્રેણીમાં પોતાનું વર્ચસ્વ જાળવી રાખતા અંતિમ મેચમાં 233 રને ભવ્ય વિજય મેળવ્યો છે. 7 જાન્યુઆરી, 2026ના રોજ રમાયેલી આ નિર્ણાયક મેચમાં ભારતે યજમાન ટીમને ચારેય ખાણે ચિત કરી શ્રેણીમાં 3-0થી 'ક્લીન સ્વીપ' કરી ઇતિહાસ રચ્યો છે.
On the back of impressive centuries from captain Vaibhav Sooryavanshi and Aaron George, India U19 registered a convincing 2⃣3⃣3⃣-run victory in the 3rd Youth ODI against South Africa 👏
With that, they clean sweep the series 3⃣-0⃣ 🏆 pic.twitter.com/zo3LctigJs
— BCCI (@BCCI) January 7, 2026
વૈભવ અને આરોનનું રનમશીન (India Clean Sweep Afirca)
સ્કોરબોર્ડ પર રનનો પહાડ મેચમાં પ્રથમ બેટિંગ કરવા ઉતરેલી ભારતીય ટીમની શરૂઆત શાનદાર રહી હતી. કેપ્ટન વૈભવ સૂર્યવંશીએ સુકાનીપદને છાજે તેવી આક્રમક રમત બતાવી હતી. તેણે માત્ર 74 બોલમાં 127 રનની તોફાની ઇનિંગ રમી, જેમાં 10 ગગનચુંબી છગ્ગા અને 9 ચોગ્ગાનો સમાવેશ થાય છે. તેની સાથે સલામી બેટ્સમેન આરોન જ્યોર્જે પણ સાથ આપતા 106 બોલમાં 118 રન ફટકાર્યા હતા. આ જોડીના જોરે ભારતે નિર્ધારિત ઓવરોમાં 7 વિકેટ ગુમાવી 393 રનનો વિશાળ સ્કોર ખડક્યો હતો.
આફ્રિકન ટીમની બેટિંગ લાઇન-અપ ધરાશાયી
394 રનના વિશાળ લક્ષ્યાંકનો પીછો કરવા ઉતરેલી સાઉથ આફ્રિકાની ટીમ ભારતીય બોલરો સામે લાચાર દેખાતી હતી. ટીમનો ટોપ ઓર્ડર સંપૂર્ણપણે નિષ્ફળ રહ્યો હતો. ડેનિયલ બોસમેને 40 અને પોલ જેમ્સે 41 રન બનાવી પ્રતિકાર કરવાનો પ્રયાસ કર્યો હતો, પરંતુ કિશન સિંઘની ધારદાર બોલિંગ સામે આફ્રિકાના બેટ્સમેનો ટકી શક્યા નહીં. કિશન સિંઘે 4 ઓવરમાં માત્ર 15 રન આપી 3 મહત્વની વિકેટો ઝડપી હતી. સમગ્ર સાઉથ આફ્રિકાની ટીમ 35 ઓવરમાં માત્ર 160 રન બનાવી ઓલઆઉટ થઈ ગઈ હતી.
આ પણ વાંચો : Vaibhav Suryavanshi Century: વૈભવે આફ્રિકન બોલરોને બરાબરના ધોયા, 63 બોલમાં સદી