Studio on Wheels: સીંગ-ચણા ખાઈને કર્યો પ્રચાર, 1975 ની કટોકટીના સાક્ષી! ભાજપના પૂર્વ મહામંત્રી અને HUDCO ડિરેક્ટર K.C. Patel એ ખોલ્યા રાજકીય રહસ્યો

રાજકીય શરૂઆત અને સંઘર્ષના દિવસો

કે.સી. પટેલે જણાવ્યું કે તેમની રાજકીય સફર 1972 માં જનસંઘ (Jan Sangh) ના સમયથી શરૂ થઈ હતી. તે સમયે તેમનું નિશાન 'દીપક' (Deepak) હતું અને તેઓ ઘરે-ઘરે જઈને બિલ્લા વહેંચતા હતા. પ્રચારના દિવસો યાદ કરતા તેમણે કહ્યું કે, તે સમયે સાધનો મર્યાદિત હતા. તેઓ જીપમાં બેસીને સીંગ-ચણા ખાઈને અને પાણી પીને આખો દિવસ પ્રચાર કરતા હતા. આજે પણ પાટણની દીવાલો પર તે સમયે હાથેથી દોરેલા કમળ ના નિશાન જોવા મળે છે, જે તે સમયના કાર્યકર્તાઓની મહેનત દર્શાવે છે.

1975 ની કટોકટી (Emergency) ના સાક્ષી

1975 માં જ્યારે દેશમાં કટોકટી (Emergency) લાદવામાં આવી, ત્યારે કે.સી. પટેલ તેના સક્રિય સાક્ષી રહ્યા હતા. તેમણે નવનિર્માણ આંદોલન (Navnirman Movement) માં ભાગ લીધો હતો અને કટોકટી દરમિયાન જેલમાં ગયેલા નેતાઓ માટે ગુપ્ત રીતે પત્રિકાઓ વહેંચવાનું અને દીવાલો પર સ્લોગન લખવાનું કામ કર્યું હતું. તેમણે અટલ બિહારી વાજપેયી (Atal Bihari Vajpayee) ની ઐતિહાસિક સભાને પણ યાદ કરી, જેમાં અટલજીએ પોતાના મોડા આવવા બદલ હેલિકોપ્ટર ન હોવાનું રમુજી કારણ આપી જનમેદનીને મંત્રમુગ્ધ કરી દીધી હતી.

Studio on Wheels
સંઘર્ષ, સમર્પણ અને પાટણના વિકાસ પર વિશેષ સંવાદ
ભાજપના પૂર્વ મહામંત્રી અને HUDCO ડિરેક્ટર શ્રી કે.સી.પટેલ સાથે ખાસ વાતચીત
આજે રાત્રે 8.25 કલાકે
માત્ર ગુજરાત ફર્સ્ટ પર@kcpatelbjpguj @jdgujarati #KCPatel #HUDCO #BJP #Patan #GujaratFirst #ExclusiveInterview… pic.twitter.com/JsiGLcdp9n

— Gujarat First (@GujaratFirst) March 5, 2026

પાટણ (Patan) નો વિકાસ અને સાંસ્કૃતિક વારસો

પાટણના વિકાસ અંગે વાત કરતા તેમણે જણાવ્યું કે, એક સમયે જ્યાં ગંદકી હતી તે ગુંગળી તળાવ આજે 'આનંદ સરોવર' (Anand Sarovar) તરીકે પાટણનું ઘરેણું બન્યું છે. વડાપ્રધાન નરેન્દ્ર મોદી (Narendra Modi) ના પ્રયાસોથી 'રાણી કી વાવ' (Rani Ki Vav) નું સાતેય માળનું ખોદકામ પૂર્ણ થયું અને તેને વર્લ્ડ હેરિટેજ સાઈટ (World Heritage Site) માં સ્થાન મળ્યું, જે આજે રુ. 100 ની ચલણી નોટ પર અંકિત છે. આ ઉપરાંત, તેમણે વિશ્વવિખ્યાત પટોળા (Patola) અને પાટણના પાણીથી બનતા ખાસ 'દેવડા' (Devda) ની મીઠાશ વિશે પણ વાત કરી હતી.

યુવાનોને સંદેશ

વર્તમાન પેઢી (Gen Z) ને સંદેશ આપતા તેમણે જણાવ્યું કે, યુવાનોએ દેશહિત અને રાજ્યહિત માટે રાજનીતિ (Politics) માં આવવું જોઈએ. સ્વચ્છ પ્રતિભા અને વિઝન ધરાવતા યુવાનો જો સિસ્ટમમાં આવશે, તો વિકાસની ગતિ વધુ તેજ બનશે. હાલમાં તેઓ હુડકો (HUDCO) ના ડિરેક્ટર તરીકે દેશના મોટા પ્રોજેક્ટ્સમાં ધિરાણની કામગીરી સંભાળી રહ્યા છે.

આ પણ વાંચો : Studio On Wheels: "12 વર્ષ સુધી ખેતરમાં મજૂરી કરી...." ખેતરથી રિયલ એસ્ટેટ અને રાજકારણ સુધીની Jagdishbhai Dabhi ની રોમાંચક સફર!