Studio on Wheels: 200થી વધારે ફિલ્મમાં અભિનય કરનાર ભાવીની જાની સાથે સીધો સંવાદ, સિનેમા જગતના અનેક રાજ ખોલ્યા !

અભિનય ક્ષેત્રે 50 વર્ષનો અનુભવ ધરાવે છે અભિનેત્રી

મનોરંજન જગતમાં કેટલીક વ્યક્તિઓ માત્ર કલાકાર નથી રહેતી, તેઓ એક સંસ્કાર, એક વિચાર અને એક યુગનું પ્રતિનિધિત્વ કરે છે. એવી જ એક સશક્ત ઓળખ છે- ભાવીની જાની. અભિનય ક્ષેત્રે 50 વર્ષનો અનુભવ ધરાવતી ભાવીની જાની આજે પણ પોતાની સચ્ચાઈ, સ્પષ્ટ વિચારધારા અને દર્શકો પ્રત્યેના અઢળક પ્રેમ માટે ઓળખાય છે.

Studio on Wheelsમાં દિગ્ગજ અભિનેત્રી ભાવીની જાની સાથે અનેક વાતચીત કરવામાં આવી છે. જેમાં તેમને તેમની વિચારધારા સહિત અનેક વાતો પણ Studio on Wheelsના માધ્યમથી દર્શકો સાથે શેર કરી છે. ભાવીની જાની માને છે કે, “જે કામ દિલથી કરો, તે લોકોને જરૂર પસંદ આવે.” તેમના માટે સફળતાનું સાચું માપદંડ એ છે કે દર્શકો દિલથી સ્વીકારે. તેઓ સ્પષ્ટ શબ્દોમાં કહે છે કે “પબ્લિક પૈસા ખર્ચીને ફિલ્મ જોવા જાય છે, એટલે દર્શકો પાસે ખોટું કંઈ ચાલતું નથી.”

ગુજરાતી ફિલ્મનો ફરી ઉદય થયો છે- ભાવીની જાની

ગુજરાતી ફિલ્મ ઈન્ડસ્ટ્રીઝ વિશે વાત કરતાં તેમને જણાવ્યું કે, આજે ગુજરાતી ફિલ્મો સારી બની રહી છે અને ગુજરાતી ફિલ્મ ઈન્ડસ્ટ્રીઝ અનેક વિષયો છે. સમય પ્રમાણે સારી ફિલ્મો આવતી જ રહે છે. “લાલો” જેવી ફિલ્મો સાબિત કરે છે કે નાના બજેટમાં પણ ઉત્તમ સિનેમા સર્જી શકાય છે. તેઓ માને છે કે, “સ્ટાર કલાકાર હોય તો જ ફિલ્મ ચાલે એવું નથી.”

50 વર્ષની કારકિર્દીમાં સિરિયલ, ગુજરાતી ફિલ્મો અને અનેક સ્ટેન્ડ-અપ કોમેડી શોમાં અભિનય કરીને ભાવીની જાની એ સાબિત કર્યું છે કે રોલ કોઈ પણ હોય, કામગીરી મહાન હોય તો તે યાદગાર બને છે. તેમના મતે, કામમાં નૈતિકતા હોય તો સફળતા ચોક્કસ મળે છે.

સફળતા પચાવે તે જ લાંબી રેસનો ઘોડો બની શકે - ભાવીની જાની

જીવનમાં સફળતા અંગે તેઓ ખૂબ જ વાસ્તવિક દૃષ્ટિકોણ ધરાવે છે. “સફળતા પચાવવી ખૂબ અઘરી છે,” એમ તેઓ કહે છે. ઘણા લોકો સફળતા પછી ઢળી જાય છે, પરંતુ જે સફળતા પચાવી શકે, એ જ લાંબી રેસના ઘોડા બને છે. સિતારા ગમે ત્યારે પડે, પરંતુ કલાકાર પોતાની આવડત, મહેનત અને તાકાત પર જ ટકેલો રહે છે.

દર્શકોના દિલમાં રાજ કરે છે અભિનેત્રી(Studio on Wheels)

ગુજરાત ફર્સ્ટના વિચારને લઈને ભાવીની જાની ખુલ્લા દિલે પ્રશંસા કરે છે. “ગુજરાત ફર્સ્ટનો આ વિચાર અદભુત છે. ગુજરાત ફર્સ્ટ એટલે હંમેશા ફર્સ્ટ.” તેમના માટે જીવન એક સતત પ્રક્રિયા છે — “એક કામ પતે ને બીજું શરૂ થાય છે, એ જ લાઈફની સાચી મજા છે.”

આજે પણ ભાવીની જાની દર્શકોના દિલમાં ખાસ સ્થાન ધરાવે છે. તેમની અભિનયયાત્રા નવી પેઢીના કલાકારો માટે પ્રેરણારૂપ છે અને ગુજરાતી સિનેમાના ઉજ્જવળ ભવિષ્યની આશા જગાવે છે.

આ પણ વાંચો: Studio On Wheels : વિરાસતથી લઈ વિકાસ સુધીનો સંવાદ, દિગ્ગજોએ ગુજરાત, સંસ્કૃતિ, Gen Z અંગે કરી ચર્ચા

આ પણ વાંચો:Studio on Wheels : કથાકાર Chitralekhaji સાથે ભક્તિમય સંવાદ, વૃંદાવનથી દ્વારિકાની રોચક ચર્ચા