Studio on Wheels: ડિજિટલ યુગમાં પણ પ્રિન્ટનો દબદબો! Gujarat Mirror એ કેવી રીતે જાળવી રાખી છે પોતાની લોકપ્રિયતા?
- Studio on Wheels માં 'Gujarat Mirror' ના એડિટર સાથે ડો. વિવેક ભટ્ટનો ખાસ સંવાદ
- રાજકોટની ગલીઓથી સૌરાષ્ટ્રના ખૂણે-ખૂણે પહોંચતા 'ગુજરાત મિરર' ની સફર
- એડિટર Sanjaybhai Patel એ શાકભાજીની લારી ચલાવવાથી લઈને નોકરી સુધીનો સંઘર્ષ કર્યો
- ગુજરાત મિરરે સોશિયલ મીડિયા (Social Media) માં પણ મજબૂત પકડ બનાવી
Studio on Wheels: ગુજરાત ફર્સ્ટ (Gujarat First) ની ખાસ શ્રેણી 'સ્ટુડિયો ઓન વિલ્સ' (Studio on Wheels) અંતર્ગત ચેનલ હેડ ડોક્ટર વિવેકુમાર ભટ્ટે (Dr. Vivekkumar Bhatt) રાજકોટ (Rajkot) ની મુલાકાત લીધી હતી. રાજકોટને સાંધ્ય અખબારોનો ગઢ માનવામાં આવે છે, અને આ ગઢમાં પોતાનું આગવું સ્થાન ધરાવતા લોકપ્રિય સાંધ્ય દૈનિક 'ગુજરાત મિરર' (Gujarat Mirror) ની તેમણે મુલાકાત લીધી હતી. આ મુલાકાત દરમિયાન તેમણે અખબારના એડિટર સંજયભાઈ પટેલ (Sanjaybhai Patel) સાથે પત્રકારત્વ અને અખબારની સફર વિશે ખાસ સંવાદ કર્યો હતો.
Studio on Wheels ની ટીમે કરી 'Gujarat Mirror' ની મુલાકાત
ગુજરાત મિરરના એડિટર સંજયભાઈ પટેલની જીવન સફર પ્રેરણાદાયી છે. તેઓ મૂળ જેતપુર (Jetpur) પાસેના મંડલિકપુર (Mandalikpur) ગામના વતની છે અને ખેતીકામની પૃષ્ઠભૂમિ ધરાવે છે. રાજકોટમાં ભણવા આવ્યા ત્યારે આર્થિક સ્થિતિ સામાન્ય હોવાથી તેમણે શાકભાજીની લારી ચલાવવાથી લઈને નોકરી સુધીનો સંઘર્ષ કર્યો હતો. આજે તેઓ એક પ્રતિષ્ઠિત મીડિયા હાઉસ (Media House) ચલાવી રહ્યા છે.
Studio on Wheels: Rajkot ના સાંધ્ય અખબારોનો ગઢ: Dr. Vivek Bhatt ની 'Gujarat Mirror' ની ખાસ મુલાકાત
Rajkot એટલે સાંધ્ય અખબારોનો ગઢ અને એ ગઢમાં જેની હાક વાગે છે તેવું અદભૂત નામ એટલે 'Gujarat Mirror'. Gujarat First ના ચેનલ હેડ Dr. Vivek Kumar Bhatt એ આ લોકપ્રિય સાંધ્ય દૈનિકની… pic.twitter.com/9EHDYASvP0— Gujarat First (@GujaratFirst) April 9, 2026
અખબારની ખાસિયતો અને કાર્યશૈલી
ગુજરાત મિરર તેની ટેગલાઈન 'પરિવર્તનનું પ્રતિબિંબ' (Reflection of Change) સાથે સામાજિક બદલાવને વાચા આપે છે. આ અખબારની કેટલીક મુખ્ય વિશેષતાઓ નીચે મુજબ છે.
- આ અખબાર કુલ 14 પેજ (Pages) નું છે, જેમાં 8 પેજ મલ્ટી કલર (Multi-color) હોય છે. તે સમગ્ર સૌરાષ્ટ્ર રીજીયન (Saurashtra Region) માં ફેલાયેલું નેટવર્ક ધરાવે છે.
- અખબારની ડેડલાઈન (Deadline) બહારગામની એડિશન માટે રાત્રે 11:30 વાગ્યાની અને સિટી એડિશન માટે વહેલી સવારે 3:30 વાગ્યા સુધીની હોય છે.
- રોજ સવારે 5:00 વાગ્યે આ સાંધ્ય અખબાર વાચકોના ટેબલ પર તાજા સમાચાર સાથે હાજર હોય છે.
રાજકોટનું અનોખું પત્રકારત્વ કલ્ચર
રાજકોટમાં પત્રકારત્વ માત્ર વ્યવસાય નથી પણ એક પરંપરા છે. અહીં લોકો સવારે અને સાંજે એમ બે વાર અખબાર વાંચવાના શોખીન છે. સંજયભાઈએ જણાવ્યું હતું કે, સાંજનું અખબાર હોવા છતાં તેઓ વાચકોને એકદમ ફ્રેશ ન્યુઝ (Fresh News) અને તેનું ઊંડું વિશ્લેષણ પીરસે છે. રોજ અંદાજે 150 જેટલા લોકલ સમાચાર અને સિટી રાઉન્ડ અપ (City Round Up) કવર કરવામાં આવે છે.
ડિજિટલ યુગમાં મજબૂત પકડ
પ્રિન્ટ મીડિયાની સાથે ગુજરાત મિરરે સોશિયલ મીડિયા (Social Media) માં પણ મજબૂત પકડ બનાવી છે. અખબારની ઓફિસમાં સોશિયલ મીડિયા અને બ્રેકિંગ ન્યુઝ (Breaking News) માટે અલગ નેટવર્ક કાર્યરત છે, જેથી ક્ષણે ક્ષણની અપડેટ વાચકો સુધી પહોંચતી રહે છે.
ડોક્ટર વિવેકુમાર ભટ્ટે ગુજરાત મિરરની કાર્યશૈલીને બિરદાવી
ડોક્ટર વિવેકુમાર ભટ્ટે ગુજરાત મિરરની કાર્યશૈલી, નિષ્પક્ષતા અને હાર્ડવર્ક (Hardwork) ને બિરદાવતા તેને રાજકોટનું સાચું પ્રતિબિંબ ગણાવ્યું હતું. ટેકનોલોજીના યુગમાં પણ આ સાંધ્ય દૈનિકે પત્રકારત્વના મૂલ્યો જાળવી રાખીને પોતાની લોકપ્રિયતા બરકરાર રાખી છે.