Studio On Wheels : ખેડૂત પરિવારમાંથી દિલ્હી સંસદ સુધીની અનોખી ગાથા, મહેસાણાના સાંસદ હરિભાઈ પટેલે ગુજરાત ફર્સ્ટ સાથે કરી વાતચીત

Studio On Wheels: સુણકથી સંસદ સુધીની સફર

પંચાયત સ્તરેથી પોતાની રાજકીય સફરની શરુઆત કરનાર હરિભાઈ પટેલે જણાવ્યું કે તેઓ સત્તા માટે નહીં, સેવા માટે રાજકારણમાં આવ્યા હતા. “હું પરિવાર કે મિત્રોના નહીં, પરંતુ પ્રજાના બની ગયો,” એમ તેમણે સ્પષ્ટ શબ્દોમાં કહ્યું. ગામડાંના પ્રશ્નોથી શરૂ થયેલી તેમની સફર આજે દેશની સંસદ સુધી પહોંચી છે, જે મહેનત, નિષ્ઠા અને સતત જનસંપર્કનું પરિણામ છે.

હરિભાઈ પટેલે જળક્રાંતિમાં આપ્યો મહત્વનો ફાળો

સાંસદ હરિભાઈ પટેલે ખાસ કરીને જળસંચય અને પાણી વ્યવસ્થાપન ક્ષેત્રે કરેલા કાર્યો પર પ્રકાશ પાડ્યો. મહેસાણા જિલ્લો એક સમયે પાણીની તંગી માટે ઓળખાતો હતો, પરંતુ સંકલ્પબદ્ધ પ્રયાસો, ચેકડેમ, તળાવ ઊંડા કરવા અને રીચાર્જ પ્રોજેક્ટ્સના કારણે આજે પાણીનું સ્તર ઊંચું આવ્યું છે. “જળસંચય એ જળક્રાંતિનું મૂળ છે,” એમ કહી તેમણે લોકોને પણ પાણી બચત માટે જાગૃત રહેવા અપીલ કરી.

સેવા પરમો ધર્મ

નાનપણથી જ સમાજસેવાના સંસ્કાર મળ્યા હોવાનો ઉલ્લેખ કરતા હરિભાઈએ જણાવ્યું કે પ્રજા સાથેનો અતૂટ સંબંધ જ તેમની શક્તિ છે. લોકો સાથે સતત સંપર્ક અને તેમની સમસ્યાઓના ઉકેલ માટેની પ્રતિબદ્ધતા તેમને આગળ વધારતી રહી છે.

વિકાસ ગાથા અને મોદી વિઝન

દેશના વડાપ્રધાન નરેન્દ્રભાઈ પટેલના નેતૃત્વ હેઠળ ગુજરાત અને દેશભરમાં થયેલા વિકાસ કાર્યો અંગે પણ તેમણે વિચાર વ્યક્ત કર્યા. તેમણે જણાવ્યું કે વિકાસ માટે સ્પષ્ટ વિઝન અને મજબૂત અમલીકરણ જરૂરી છે, જે ભારતીય જનતા પાર્ટીની કાર્યપદ્ધતિમાં જોવા મળે છે. “ભાજપમાં કામની કદર થાય છે,” એમ તેમણે ઉમેર્યું હતું.

આ પણ વાંચો : Studio on Wheels : ખેડૂતનો દીકરો જ્યારે IAS બન્યો ત્યારે આખું ગામ લેવા આવ્યું, વાંચો મહેસાણા કમિશનરનો ખાસ ઈન્ટરવ્યુ