Studio On Wheels : સર્વોત્તમ ડેરીના એમડી સાથે ખાસ સંવાદ, જાણો પશુપાલકોની આવક બમણી કરવાનો માસ્ટર પ્લાન

'સ્ટુડિયો ઓન વ્હીલ્સ' (Studio On Wheels) માં સર્વોત્તમ ડેરીના એમ.ડી સાથે વિશેષ સંવાદ

સર્વોત્તમ ડેરીના મેનેજિંગ ડિરેક્ટરે જણાવ્યું હતું કે ડેરી દ્વારા હરિયાળી ક્રાંતિ (Green Revolution) ની સાથે આર્થિક ક્રાંતિ (Economic Revolution) લાવવા માટે મક્કમ પ્રયાસો કરવામાં આવ્યા છે. પશુપાલકોને વધુ આર્થિક લાભ મળે તે માટે ખાસ કરીને એવી ટેકનોલોજી પર ભાર મૂકવામાં આવી રહ્યો છે જેનાથી વાછરડીઓ વધુ જન્મે. આ જિલ્લામાં અત્યાર સુધીમાં 200 થી વધારે વાછરડીઓ આવી ચૂકી છે. ડેરીનો લક્ષ્યાંક એવો છે કે નર પશુઓનું પ્રમાણ 10 ટકા રહે અને માદા પશુઓ (Female Calves) નું પ્રમાણ 90 ટકા સુધી વધે, જેથી દૂધના ઉત્પાદનમાં લાંબાગાળે મોટો વધારો થઈ શકે.

"80 પાર્લર ખોલ્યા છે, 200 પાર્લરની તૈયારી છે"

ખાસ વાત એ છે કે ડેરીએ વિદેશી ગાયો જેવી કે એચ.એફ. (HF - Holstein Friesian) અને જર્સી (Jersey) ગાયો વસાવવાને બદલે સ્થાનિક નસ્લ પર વધુ ધ્યાન આપ્યું છે. ગ્રાહકોને શુદ્ધ અને સારું દૂધ વ્યાજબી દરે (Reasonable Price) મળે તે માટે ડેરી સતત કાર્યરત છે. વિતરણ વ્યવસ્થા મજબૂત કરવા માટે દરેક ગામડામાં ડિસ્ટ્રીબ્યુટરશીપ (Distributorship) આપવામાં આવી રહી છે. હાલમાં 80 જેટલા પાર્લર કાર્યરત છે અને આગામી સમયમાં 200 પાર્લર ખોલવાની તૈયારીઓ ચાલી રહી છે.

સર્વોત્તમ ડેરી વર્ષે 10 કરોડ લિટર જેટલા દૂધનું કરે છે ઉત્પાદન

દૂધ ઉત્પાદન (Milk Production) ની વાત કરીએ તો સર્વોત્તમ ડેરી વર્ષે 10 કરોડ લિટર જેટલા દૂધનું ઉત્પાદન કરે છે. પશુઓના આહાર માટે ડેરીએ વર્ષ 2016માં દાણ ફેક્ટરી (Cattle Feed Factory) ની શરૂઆત કરી હતી. હાલમાં 6 હજાર 500 મેટ્રિક ટન (Metric Ton) દાણનું ઉત્પાદન કરવામાં આવ્યું છે અને દર વર્ષે 5 હજાર ટનથી વધુ દાણનું વેચાણ થાય છે. આ દાણ પશુપાલકોને માત્ર 20 થી 22 રૂપિયા પ્રતિ કિલોના ભાવે ઉપલબ્ધ કરાવાય છે, જેનો સીધો આર્થિક ફાયદો દૂધ ઉત્પાદકોને મળી રહ્યો છે.

આ પણ વાંચો : Studio On Wheels Bhavnagar: ગોહિલવાડની શ્વેત ક્રાંતિના પ્રણેતા, મહેન્દ્રભાઈ પનોતની સંઘર્ષથી સફળતા સુધીની સફર