Studio On Wheels: માત્ર ટીકા નહીં, મદદ! "નેગેટિવિટીથી ગુજરાતનું હિત નહીં થાય": ડૉ. વિવેકકુમાર ભટ્ટે રજૂ કરી પત્રકારત્વની નવી મિશાલ

• ગુજરાત ફર્સ્ટ (Gujarat First) ના 'Studio On Wheels'ની ભવ્ય સફળતા, 26 શ્રેષ્ઠીઓનું 'ઉત્તર ગુજરાત રત્ન સન્માન'
• પોઝિટિવ પત્રકારત્વ: ડૉ. વિવેકકુમાર ભટ્ટે (Dr. Vivek Kumar Bhatt) હરિવાવ શાળાના બાળકોને જાતે મદદ કરી માનવતા મહેકાવી.
• મંત્રી પ્રવીણભાઈ માળી (Pravinbhai Mali) ના હસ્તે એવોર્ડ વિતરણ; ગુજરાત ફર્સ્ટ (Gujarat First) ની સકારાત્મક કામગીરીને બિરદાવી.
• ડૉ. વિવેકકુમાર ભટ્ટે (Dr. Vivek Kumar Bhatt) દેશના સૈનિકો અને તેમના પરિવારોને "Love, Respect and Salute" આપવાની દરેક નાગરિકને હૃદયસ્પર્શી અપીલ કરી
• "પિક્ચર અભી બાકી હૈ": ઉત્તર ગુજરાતની સફળ યાત્રા બાદ હવે જૂનાગઢ (Junagadh) જશે 'Studio On Wheels'.

ગુજરાત ફર્સ્ટનો (Gujarat First) મહત્વાકાંક્ષી પ્રોજેક્ટ 'સ્ટુડિયો ઓન વ્હીલ્સ' (Studio On Wheels) હાલમાં પોતાની અવિરત અને સફળ યાત્રા પર છે. ઉત્તર ગુજરાતના પ્રવાસ દરમિયાન આ અનોખા અભિગમને જનતાનો અભૂતપૂર્વ પ્રતિસાદ મળ્યો છે. આ સફળતાની ઉજવણીના ભાગરૂપે મહેસાણા (Mahesana) ખાતે 'ઉત્તર ગુજરાત રત્ન સન્માન' (North Gujarat Ratna Award) વિતરણ કાર્યક્રમનું ભવ્ય આયોજન કરવામાં આવ્યું હતું. જેમાં વિવિધ ક્ષેત્રના 26 શ્રેષ્ઠીઓને સન્માનિત કરવામાં આવ્યા હતા.

મંત્રી પ્રવીણભાઈ માળી (Pravinbhai Mali) ના હસ્તે એવોર્ડ અર્પણ

આ ખાસ કાર્યક્રમમાં વન અને પર્યાવરણ મંત્રી પ્રવીણભાઈ માળી (Pravinbhai Mali) વિશેષ ઉપસ્થિત રહ્યા હતા. તેમના હસ્તે 26 મહાનુભાવોને એવોર્ડ આપી સન્માનિત કરાયા હતા. મંત્રીએ ગુજરાત ફર્સ્ટ (Gujarat First) ની કામગીરીની પ્રશંસા કરતા જણાવ્યું કે, "લોકશાહીમાં ચોથી જાગીરની જવાબદારી ખૂબ મોટી છે અને ગુજરાત ફર્સ્ટ આ જવાબદારી સરાહનીય રીતે નિભાવી રહ્યું છે. આપણે જે ફિલ્ડમાં હોઈએ તેમાં 100 ટકા આપવું જરૂરી છે."

ડૉ. વિવેકકુમાર ભટ્ટ (Dr. Vivek Kumar Bhatt) નું દમદાર સંબોધન: "પત્રકારત્વની નવી વ્યાખ્યા"

આ કાર્યક્રમ દરમિયાન ગુજરાત ફર્સ્ટના ચેનલ હેડ ડૉ. વિવેકકુમાર ભટ્ટે (Dr. Vivek Kumar Bhatt) પત્રકારત્વના બદલાતા સ્વરૂપ અને સકારાત્મકતા (Positive Journalism) વિશે વાત કરી હતી. તેમણે કહ્યું કે, "મેં એક સંકલ્પ લીધો છે કે સકારાત્મક (Positive Attitude) પગલું લઈને આગળ વધવું. મીડિયામાં ઘણીવાર માત્ર નેગેટિવ બાબતો જ ચાલતી હોય છે, પણ શું તેનાથી સમાજ કે ગુજરાતનું હિત થશે? જવાબ છે 'ના'."

Studio on Wheels: "પિક્ચર અભી બાકી હૈ!" Junagadh તરફ પ્રયાણ પહેલાં Dr. Vivek Bhat નું દમદાર સંબોધન

Studio On Wheels ની North Gujarat યાત્રાના સમાપન સમારોહમાં Gujarat First ના Channel Head Dr. Vivek Kumar Bhatt એ પત્રકારત્વની એક નવી વ્યાખ્યા રજૂ કરી હતી. @vishvek11… pic.twitter.com/RY94pwr2E0

— Gujarat First (@GujaratFirst) February 9, 2026

બનાસકાંઠા (Banaskantha) ની હરિવાવ શાળાનો હૃદયસ્પર્શી કિસ્સો વર્ણવ્યો

માત્ર સરકારની ટીકા કરવાને બદલે સકારાત્મક બદલાવ લાવવા પર ભાર મૂકતા તેમણે બનાસકાંઠા (Banaskantha) ના દાંતા (Danta) તાલુકાના હરિવાવ ગામ (Harivav Village) હરિવાવ પ્રાથમિક શાળાનો (Harivav Primary School) કિસ્સો વર્ણવ્યો. તેમણે જણાવ્યું કે, "જ્યારે મેં ત્યાંના બાળકોને ઠંડીમાં ખુલ્લા પગે જોયા, ત્યારે બ્રેકિંગ ન્યૂઝ (Breaking News) ચલાવવાને બદલે મેં પહેલા અમદાવાદ (Ahmedabad) જઈને 80 બાળકો માટે ચપ્પલ અને સ્વેટર લાવીને પહેરાવ્યા. આ માત્ર બતાવવા માટે નહોતું, પણ એક શરૂઆત હતી. ત્યારબાદ મેં શિક્ષણ સચિવ અને મુખ્યમંત્રી કાર્યાલય (CMO) સુધી રજૂઆત કરી કે બાળકોને મળતી રુ. 900ની ગ્રાન્ટ ઓછી છે, તેના પર આગામી બજેટમાં ધ્યાન આપવામાં આવે."

ડિફેન્સ અને જવાનો પ્રત્યે પ્રેમ (Defense Love)

23 વર્ષ સુધી ડિફેન્સ જર્નાલિઝમ (Defense Journalism) કરનાર ડૉ. વિવેકકુમાર ભટ્ટે પાલનપુરના 'મોટા ગામ'નું ઉદાહરણ આપ્યું, જ્યાંના દરેક ઘરમાંથી એક દીકરો સેનામાં છે. તેમણે અપીલ કરી કે, "જ્યાં પણ કોઈ ફોજી (Soldier) મળે, તેમને એક સ્માઈલ (Smile) અને સન્માન (Respect) આપો." અને બને તો તેમના પરિવારની મદદ કરો.

ગ્રાઉન્ડ ઝીરો પરની કામગીરી

ડૉ. ભટ્ટે ઉમેર્યું કે 'સ્ટુડિયો ઓન વ્હીલ્સ' દ્વારા તેઓ ગ્રાઉન્ડ ઝીરો (Ground Zero) પર જઈને કલેક્ટર, ડીડીઓ અને એસપી (SP) સાથે ચર્ચા કરે છે. યુવાનો માટે UPSC ના માર્ગદર્શનથી લઈને સાયબર ક્રાઈમ (Cyber Crime) અને ડિજિટલ અરેસ્ટ (Digital Arrest) જેવી બાબતો પર જાગૃતિ લાવવાનું કામ આ યાત્રા દ્વારા થઈ રહ્યું છે.

સંબોધનના અંતે તેમણે "પિક્ચર અભી બાકી હૈ!" (Picture Abhi Baki Hai) કહીને જાહેરાત કરી હતી કે હવે આ યાત્રા જૂનાગઢ (Junagadh) તરફ પ્રયાણ કરશે.