Studio on Wheels: Modasa ખરીદ વેચાણ સંઘનો કાયાકલ્પ, સહકારી અગ્રણી પંકજભાઈ પટેલની સેવાકીય સફર

• પાયાના સ્તરથી સહકારી નેતૃત્વ સુધીની પંકજભાઈ પટેલ (Pankajbhai Patel) ની પ્રેરણાદાયી સફર
• મોડાસા (Modasa) ખાતે ખરીદ વેચાણ સંઘના ચેરમેન પંકજભાઈ પટેલ (Pankajbhai Patel) સાથે સંવાદ
• ખરીદ વેચાણ સંઘ (Kharid Vechan Sangh) દ્વારા તૈયાર કરવામાં આવેલા ખાસ મોલની સફળતા
• હરાજી વખતે (Auction) પોતે હાજર રહીને ખેડૂતોને અપાવે છે પૂરતો ભાવ!

ગુજરાત ફર્સ્ટ (Gujarat First) ના વિશેષ કાર્યક્રમ 'સ્ટુડિયો ઓન વ્હીલ્સ' (Studio on Wheels) નો પ્રવાસ આજે એક એવી શખ્સિયત સુધી પહોંચ્યો છે, જેમણે જનસેવાની શરૂઆત ગ્રામ પંચાયતથી કરી અને આજે સહકારી ક્ષેત્રમાં ખેડૂતોનો અવાજ બન્યા છે. અરવલ્લી (Arvalli) જિલ્લાના મોડાસા (Modasa) ખાતે ખરીદ વેચાણ સંઘના ચેરમેન પંકજભાઈ પટેલ (Pankajbhai Patel) સાથેનો આ સંવાદ સહકારી ક્રાંતિ અને ગ્રામીણ વિકાસની નવી દિશા દર્શાવે છે.

પાયાના સ્તરથી સહકારી નેતૃત્વ સુધીની પંકજભાઈ પટેલ (Pankajbhai Patel) ની પ્રેરણાદાયી સફર

પંકજભાઈ પટેલે જનસેવાની શરૂઆત વર્ષ 2001 માં વોલ્વા ગ્રામ પંચાયત (Volva Gram Panchayat) થી કરી હતી. 2010 સુધીના સતત 10 વર્ષના સરપંચ તરીકેના કાર્યકાળ દરમિયાન તેમણે સરકારી ગ્રાન્ટનો સીધો લાભ છેવાડાના માનવી સુધી પહોંચાડી ગામનો કાયાકલ્પ કર્યો હતો. આ પાયાના અનુભવે જ તેમને ખેડૂતોની વાસ્તવિક સમસ્યાઓ સમજવામાં મદદ કરી.

સહકારી ક્ષેત્રમાં પ્રવેશ અને ખેડૂત ઉત્થાન

વર્ષ 2010 પછી તેમણે સહકારી ક્ષેત્રમાં પદાર્પણ કર્યું. તેમનો મુખ્ય ઉદ્દેશ્ય ખેડૂતોને ખેતી માટે જરૂરી ઉત્તમ બિયારણ (Seeds) મળી રહે અને તેમની ખેત પેદાશોના પૂરતા અને પોષણક્ષમ ભાવ મળે તે માટે વ્યવસ્થિત માળખું ઊભું કરવાનો રહ્યો છે.

ખેડૂતો માટે 'સ્પેશિયલ મોલ' (Special Mall) નો નવતર પ્રયોગ

ખરીદ વેચાણ સંઘ (Kharid Vechan Sangh) દ્વારા તૈયાર કરવામાં આવેલા ખાસ મોલની સફળતા આજે ચર્ચાનો વિષય છે.

ડાયરેક્ટ બેનિફિટ: આ મોલ દ્વારા ખેડૂતોને વચેટિયાઓ વગર સીધો આર્થિક લાભ મળી રહ્યો છે.

ગુણવત્તા: ઇફકો (IFFCO) અને ગુજકોમાસોલ (GUJCOMASOL) જેવી સંસ્થાઓની વિશ્વસનીય દવાઓ અને ખાતર વ્યાજબી ભાવે ઉપલબ્ધ કરાવાય છે.

Studio on Wheels પહોંચ્યું Arvalli! સહકારી અગ્રણી Pankajbhai Patel સાથે Exclusive સંવાદ
Gujarat First ના વિશેષ કાર્યક્રમ 'Studio on Wheels' માં આપનું સ્વાગત છે. આજે આપણું સ્ટુડિયો પહોંચ્યું છે એક એવા નેતાની મુલાકાતે જેમણે પાયાના સ્તરેથી પોતાની સફર શરૂ કરી છે Shri Pankajbhai… pic.twitter.com/NNKNZZUO5q

— Gujarat First (@GujaratFirst) April 2, 2026

ખાતરનું વ્યવસ્થાપન અને અદભૂત સ્ટોરેજ

ખેડૂતો માટે ખાતર (Fertilizer) એ સૌથી મોટી જરૂરિયાત છે. પંકજભાઈના નેતૃત્વમાં સંઘે ગુજકોમાસોલ (Gujcomasol) સાથે સંકલન સાધીને ખાતરના સંગ્રહ અને વિતરણની એવી વ્યવસ્થા ઉભી કરી છે કે મોડાસા (Modasa) પંથકમાં ખાતરની અછત ક્યારેય વર્તાતી નથી. આગોતરા આયોજન અને પૂરતા સ્ટોકને કારણે ખેડૂતોને સિઝન સમયે ભટકવું પડતું નથી.

 મંત્રાલયના કારણે સહકારી સંસ્થાઓને 'ડબલ એન્જિન' ની ગતિ મળી

પ્રધાનમંત્રી નરેન્દ્ર મોદી અને કેન્દ્રીય સહકાર મંત્રી અમિત શાહ દ્વારા દેશમાં પ્રથમવાર અલગ સહકાર મંત્રાલય (Ministry of Cooperation) ની સ્થાપના કરવામાં આવી છે. પંકજભાઈના મતે, આ મંત્રાલયના કારણે સહકારી સંસ્થાઓને 'ડબલ એન્જિન' ની ગતિ મળી છે. ટેકનોલોજી અને નવા કાયદાકીય સુધારાથી સહકારી મંડળીઓ હવે માત્ર ખાતર પૂરતી મર્યાદિત ન રહેતા વ્યવસાયિક કેન્દ્રો બનશે.

આ પણ વાંચો: Studio on Wheels: Shobhanaben Baraiya ની શિક્ષિકાથી સાંસદ સુધીની સફર! સાબરકાંઠાના વિકાસ માટે શું આપી ખાતરી?

સફળતાનો જીવનમંત્ર

પંકજભાઈ પટેલના જીવન અને કાર્યશૈલીનો એક જ મૂળમંત્ર રહ્યો છે:
"વાદ નહીં વિવાદ નહીં, વિકાસ સિવાય કોઈ વાત નહીં."

એક ખેડૂત પુત્ર હોવાને નાતે, તેઓ ખેડૂતોની વેદનાને વ્યક્તિગત રીતે સમજે છે. તેમનું વિઝન (Vision) સ્પષ્ટ છે કે સહકારી સંસ્થાઓ રાજકારણનો અખાડો નહીં, પણ ખેડૂતોની આર્થિક ઉન્નતિનું સાધન બનવી જોઈએ.

ચોક્કસ ધ્યેય અને નિષ્ઠા હોય તો નાના ગામનો સરપંચ પણ સહકારી ક્ષેત્રમાં મોટું પરિવર્તન લાવી શકે છે તેનું ઉત્તમ ઉદાહરણ પંકજભાઈ પટેલ છે. મોડાસા (Modasa) ના ખરીદ વેચાણ સંઘને દેવામુક્ત કરી નફાકારક બનાવવાની તેમની સફર અન્ય સહકારી આગેવાનો માટે પણ પ્રેરણાદાયી છે.

આ પણ વાંચો : Studio on Wheels: LIC ઓફિસરના પુત્ર અને ગરીબોના મસીહા, મોડાસાના આ ડોક્ટરે કોરોના કાળમાં સર્જ્યો અનોખો રેકોર્ડ