Studio On Wheels Ahmedabad: શિક્ષણની સાથે માનવતાનો પાઠ શીખવતી શુભમ ગ્રુપ ઓફ ઇન્સ્ટિટ્યૂટ, જુઓ Nursing Students એ શું કહ્યું?

'નર્સ' એટલે હોસ્પિટલનું 'હૃદય'

સંવાદ દરમિયાન વિદ્યાર્થીઓએ એકસૂરે સ્વીકાર્યું કે નર્સિંગ એ માત્ર એક વ્યવસાય નથી, પણ એક જવાબદારી છે. તેમણે જણાવ્યું કે દર્દીને હોસ્પિટલમાં જ્યારે ડોક્ટર પહેલા નર્સ મળે છે, ત્યારે તેમની હૂંફ અને સાંત્વના જ દર્દીનું અડધું દુઃખ દૂર કરી દે છે. દર્દીની પીડાને સમજીને તેમની સાથે લાગણીના સંબંધ કેળવવા અને ગુસ્સે થતા દર્દીઓને શાંતિથી સમજાવવાની કળા તેઓ અહીં શીખી રહ્યા છે.

શુભમ ગ્રુપમાં શિક્ષણનો અનુભવ

વિકાસ વસાવા, સાહિલ શ્રીમાળી, દર્શન સુતરીયા, પૂજા વાઘેલા, કાવ્યા પટેલ, દિવ્યા વણઝારા, રજની મિશ્રા, દ્રિપ્લ ચૈહાણ, ભૂમિકા ગાંગોળા અને સોનલ રાઠવા જેવા વિદ્યાર્થીઓએ જણાવ્યું કે, શુભમ ગ્રુપમાં તેમને થિયરીની સાથે પ્રેક્ટિકલ જ્ઞાન ખૂબ જ ઉચ્ચ કક્ષાનું મળી રહ્યું છે. વિદ્યાર્થીઓએ કહ્યું કે, "ભૂલથી પણ કોઈ ભૂલ ન થાય તે બાબતે અહીં અમને ખૂબ જ ધ્યાન રાખતા શીખવવામાં આવે છે. આ સંસ્થા સાથે અમારો એવો લગાવ છે કે અહીંથી જવાનું મન પણ નથી થતું."

નર્સિંગ એક ઉમદા કારકિર્દી

વિદ્યાર્થીઓએ ગર્વ સાથે જણાવ્યું કે તેમનો ગોલ પહેલાથી જ નર્સિંગમાં કારકિર્દી બનાવવાનો હતો, જેથી તેઓ સમાજને અને પીડિત દર્દીઓને સાચી સારવાર આપી શકે. તેમના વાલીઓ પણ તેમને હંમેશા દર્દીઓની સેવા કરવાનું પ્રોત્સાહન આપે છે. આમ, શુભમ ગ્રુપના આ વિદ્યાર્થીઓ માત્ર ડિગ્રી મેળવવા માટે નહીં, પરંતુ માનવતાની સેવા કરવાના સંકલ્પ સાથે તૈયાર થઈ રહ્યા છે.

આ પણ વાંચો:  Studio On Wheels Ahmedabad : હોસ્પિટલનું 'હૃદય' એટલે નર્સ! Subham Group of Institutes ના ડિરેક્ટર દેવીબેન પરમારે નર્સિંગ ક્ષેત્ર વિશે કહી ખાસ વાતો