Studio on Wheels: ગુજરાત ફર્સ્ટ (Gujarat First)નું 'સ્ટુડિયો ઓન વ્હીલ્સ' (Studio on Wheels) તાજેતરમાં કડી ખાતે આવેલી દેશની સૌથી મોટી સેનેટરીવેર કંપની CERA ના અત્યાધુનિક પ્લાન્ટમાં પહોંચ્યું હતું, જ્યાં ચેનલ હેડ ડૉ. વિવેક કુમાર ભટ્ટે (Dr. Vivek Kumar Bhatt) કંપનીના સિનિયર વાઇસ પ્રેસિડેન્ટ અજય જૈન (Mr. Ajay Jain) સાથે ખાસ વાતચીત કરી હતી.
Studio on Wheels પહોંચ્યું કડી સ્થિત દેશની સૌથી મોટી સેનેટરીવેર કંપની CERA ના પ્લાન્ટમાં
આ મુલાકાત દરમિયાન 'આત્મનિર્ભર ભારત' અને 'મેક ઇન ઇન્ડિયા'ના પ્રતીક સમાન CERA ના ફોસેટ (નળ) મેન્યુફેક્ચરિંગ સેક્શનનું જીવંત નિદર્શન કરવામાં આવ્યું હતું. બ્રાસ મેકિંગની પાયાની પ્રક્રિયાથી લઈને ઇન્ટરનેશનલ સ્ટાન્ડર્ડ મુજબના ફાઇનલ ફિનિશિંગ અને પેકેજિંગ સુધીની તમામ કામગીરીમાં કેવી રીતે અદ્યતન ટેક્નોલોજીનો ઉપયોગ થાય છે, તેની વિગતવાર માહિતી અજય જૈને આપી હતી.
ગુણવત્તા અને મજબૂતીની સાથે સ્મૂથ વોટર ફ્લો અને પાણીની બચત
CERA ના ઉત્પાદનોમાં ગુણવત્તા અને મજબૂતીની સાથે સ્મૂથ વોટર ફ્લો અને પાણીની બચત કરતી ઇનોવેટિવ ટેક્નોલોજી પર વિશેષ ભાર મૂકવામાં આવે છે. આધુનિક ઘરો માટે સ્ટાઇલિશ અને સ્માર્ટ વોટર સોલ્યુશન પ્રદાન કરતી આ કંપની ભારતીય વિશ્વાસ અને આંતરરાષ્ટ્રીય ગુણવત્તાનો સમન્વય કરી રહી છે. પ્લાન્ટની આ વિશેષ મુલાકાત દર્શાવે છે કે કેવી રીતે CERA ટેક્નોલોજીના માધ્યમથી ટકાઉ અને પર્યાવરણને અનુકૂળ ઉત્પાદનો તૈયાર કરી વૈશ્વિક સ્તરે ભારતનું ગૌરવ વધારી રહી છે.
નવીનતા અને ગુણવત્તાનો સંગમ: બ્રાસથી લઈને ફિનિશિંગ સુધી
સિનિયર વાઇસ પ્રેસિડેન્ટ અજય જૈને જણાવ્યું હતું કે, ફોસેટ ક્ષેત્રમાં CERA વર્ષોનો બહોળો અનુભવ ધરાવે છે. આ મેન્યુફેક્ચરિંગ પ્રોસેસની શરૂઆત 'બ્રાસ મેકિંગ'થી થાય છે, જ્યાં કાચા માલને ઓગાળીને તેને ચોક્કસ આકાર આપવામાં આવે છે. ત્યારબાદ અત્યાધુનિક રોબોટિક અને ઓટોમેટેડ મશીનરી દ્વારા તેનું ગ્રાઇન્ડિંગ અને પોલિશિંગ કરવામાં આવે છે. આ દરેક પ્રક્રિયા પાછળનું મુખ્ય લક્ષ્ય ગ્રાહકોને ગુણવત્તા, સ્ટાઇલ અને મજબૂતીનો શ્રેષ્ઠ સમન્વય પૂરો પાડવાનું છે.
સ્માર્ટ વોટર સોલ્યુશન અને પર્યાવરણની જાળવણી
આજના આધુનિક યુગમાં જ્યારે પાણીની બચત અનિવાર્ય છે, ત્યારે CERA એવી ટેક્નોલોજી પર કામ કરી રહ્યું છે જે પાણીના વ્યયને અટકાવે. પ્લાન્ટમાં તૈયાર થતા ફોસેટ્સ સ્મૂથ વોટર ફ્લોની સાથે લાંબા સમય સુધી ટકી રહે તેવી બનાવટ ધરાવે છે. ડિટેઇલિંગમાં પરફેક્શન અને ડિઝાઇનમાં એલેગન્સ એ CERA ની ઓળખ છે. ઇન્ટરનેશનલ સ્ટાન્ડર્ડ જાળવીને ભારતીય ગ્રાહકોનો અતૂટ વિશ્વાસ જીતવામાં આ કંપની સફળ રહી છે.
વ્યુહાત્મક વિઝન અને નવીન સંશોધનોને કારણે જ આજે CERA સેનેટરીવેર અને ફોસેટ ક્ષેત્રે દેશની અગ્રગણ્ય અને સૌથી મોટી કંપની તરીકે ઉભરી આવી છે. આ એક્સક્લૂસિવ ટોક દરમિયાન એ સ્પષ્ટ થયું હતું કે 'મેક ઇન ઇન્ડિયા'ના સપનાને સાકાર કરવામાં CERA જેવી કંપનીઓનું યોગદાન અત્યંત મહત્વનું છે.
આ પણ વાંચો: Studio on Wheels: હિજરતનો ઇતિહાસ ભૂંસાયો! કેમ હવે લોકો પાછા ફરી રહ્યા છે કચ્છ? જુઓ યુવા નેતા ધવલ આચાર્ય સાથેનો સંવાદ
