Studio On Wheels: પાટણના હમીરપુરા ગામનો ખેડૂત પુત્ર બન્યો IAS, IPS બન્યા બાદ પણ વિપુલભાઈ ચૌધરીએ લક્ષ્ય ન છોડ્યું, વધાર્યું ગુજરાતનું ગૌરવ
- 'સ્ટુડિયો ઓન વ્હીલ્સ' (Studio On Wheels) માં Vipulbhai Chaudhary ની IAS બનવાની કહાની
- સામાન્ય ખેડૂત પરિવારમાંથી આવીને અસામાન્ય સિદ્ધિ હાંસલ કરી
- હમીરપુરા ગામના વતની Vipulbhai Chaudhary એ કઠિન UPSC પરીક્ષા પાસ કરીને સમગ્ર ગુજરાતનું ગૌરવ વધાર્યું
- UPSC માં 348મો રેન્ક મેળવીને તેઓ IPS બન્યા હતા, પરંતુ તેમનું લક્ષ્ય IAS બનવાનું હતું.
- Vipulbhai Chaudhary એ 115મા રેન્ક સાથે IAS નો મુકામ હાંસલ કરી લીધો
Studio On Wheels: કહેવાય છે કે "સપના એ નથી જે ઊંઘમાં આવે, સપના એ છે જે તમને ઊંઘવા ન દે." આ વાક્યને પાટણ જિલ્લાના સાંતલપુર તાલુકાના અંતરિયાળ હમીરપુરા ગામના વતની વિપુલભાઈ ચૌધરીએ અક્ષરશ સાચું કરી બતાવ્યું છે. એક સામાન્ય ખેડૂત પરિવારમાંથી આવતા આ યુવાને દેશની સૌથી કઠિન ગણાતી UPSC (Union Public Service Commission) પરીક્ષામાં 115મો રેન્ક પ્રાપ્ત કરીને IAS (Indian Administrative Service) બનવાનું પોતાનું સ્વપ્ન સાકાર કર્યું છે.
'સ્ટુડિયો ઓન વ્હીલ્સ' (Studio On Wheels) માં Vipulbhai Chaudhary ની IAS બનવાની કહાની
વિપુલભાઈની આ સફર અત્યંત કપરી અને પ્રેરણાદાયી રહી છે. સાંતલપુર જેવો વિસ્તાર જે ભૌગોલિક અને શૈક્ષણિક રીતે પછાત ગણાય છે, ત્યાંથી ઉઠીને દેશના સર્વોચ્ચ વહીવટી પદ સુધી પહોંચવું એ કોઈ ચમત્કારથી ઓછું નથી. આર્થિક મુશ્કેલીઓ અને મર્યાદિત સંસાધનો હોવા છતાં, તેમણે ક્યારેય હાર માની નહીં. તેમના પિતા ખેતીકામ કરીને ઘરનું ગુજરાન ચલાવે છે, પરંતુ તેમણે પોતાના પુત્રના શિક્ષણમાં ક્યારેય કમી આવવા દીધી નથી.
Vipul Chaudhary IAS Patan UPSC success story: ડિપ્રેશનથી શાનદાર સફળતા સુધી: Patan ના ખેડૂત પુત્ર Vipul Chaudhary ની IAS બનવાની હૃદયસ્પર્શી સફર@jdgujarati #VipulChaudhary #Patan #IAS #UPSC #SuccessStory #Motivation #Delhi #UPSCPreparation #GujaratNews #NeverGiveUp pic.twitter.com/zDKHoqPcKj
— Gujarat First (@GujaratFirst) March 10, 2026
IPS બન્યા પણ લક્ષ્ય IAS હતું
વિપુલ ચૌધરીએ અગાઉ પણ UPSC પરીક્ષામાં પોતાની પ્રતિભા સાબિત કરી હતી. અગાઉ તેમણે 348મો રેન્કમેળવ્યો હતો, જેના આધારે તેમની પસંદગી IPS (Indian Police Service) કેડરમાં થઈ હતી. ઘણા લોકો માટે IPS બનવું એ જીવનનું અંતિમ લક્ષ્ય હોય છે, પરંતુ વિપુલભાઈના મનમાં IAS બનીને નીતિ-નિર્માણ અને વહીવટી સુધારામાં ભાગ લેવાની પ્રબળ ઈચ્છા હતી.
પોલીસ સેવાની કપરી તાલીમ અને જવાબદારીઓ વચ્ચે પણ તેમણે પોતાનો અભ્યાસ ચાલુ રાખ્યો. દિવસ-રાતની જોરદાર મહેનત અને અડગ મનોબળના પરિણામે તેમણે ફરીથી પરીક્ષા આપી અને આ વખતે રેન્કમાં મોટો સુધારો કરીને 115મું સ્થાન હાંસલ કર્યું.
'સ્ટુડિયો ઓન વ્હીલ્સ'માં નિખાલસ સંવાદ
Gujarat First ના લોકપ્રિય કાર્યક્રમ 'Studio On Wheels' માં એન્કર JD Gujarati સાથેની વાતચીતમાં વિપુલભાઈએ જણાવ્યું હતું કે, "જો તમારામાં આત્મવિશ્વાસ હોય અને લક્ષ્ય સ્પષ્ટ હોય, તો માર્ગ આપોઆપ બની જતો હોય છે." તેમણે પોતાની સફળતાનો શ્રેય પરિવારના સભ્યો, ખાસ કરીને તેમના મોટા ભાઈ અને માતા-પિતાના બલિદાનને આપ્યો હતો. તેમણે ઉમેર્યું કે ગ્રામીણ પૃષ્ઠભૂમિ હોવી એ નબળાઈ નથી, પણ એક શક્તિ છે જે તમને વધુ મહેનત કરવાની પ્રેરણા આપે છે.