STUDIO ON WHEELS: શહેરના ઘોંઘાટથી દૂર ભુજ-અંજાર રોડ પર આવેલું આ ફાર્મ હાઉસ છે ખાસ!

ગુજરાત ફર્સ્ટનું STUDIO ON WHEELS પહોંચ્યું કચ્છ

રોયલ રિવેરા ફાર્મમાં પ્રવાસીઓને ખેતરની હરિયાળી સાથે આધુનિક સુવિધાઓનો સમન્વય જોવા મળે છે. અહીં સુંદર ગાર્ડન, વિશાળ સ્વિમિંગ પૂલ અને રમતગમત માટે ખાસ એરિયા તૈયાર કરવામાં આવ્યો છે. સાહસના શોખીનો માટે અહીં એડવેન્ચર પાર્ક બનાવવામાં આવ્યો છે, જ્યારે રમતપ્રેમીઓ માટે ક્રિકેટ, ચેસ અને ઘોડેસવારી જેવી પ્રવૃત્તિઓ ઉપલબ્ધ છે. પ્રવાસીઓના રોકાણ માટે અહીં 1 અને 2 BHK ના લક્ઝુરિયસ બંગલો પણ ઉપલબ્ધ છે, જે તેને રજાઓ ગાળવા માટેનું શ્રેષ્ઠ સ્થળ બનાવે છે. આ ઉપરાંત, નાના-મોટા ફંક્શન કે પાર્ટીના આયોજન માટે પણ અહીં પૂરતી વ્યવસ્થા કરવામાં આવી છે.

પંચોલી વેલનેશ: હેલ્થ કેર અને સ્કીન કેરનું નવું સરનામું

આ રિસોર્ટની સૌથી મોટી ખાસિયત અહીં આવેલું 'પંચોલી વેલનેશ ક્લિનિક' છે. પ્રવાસીઓ માત્ર ફરવા જ નહીં, પણ પોતાના સ્વાસ્થ્ય અને સ્કીન કેર માટે પણ અહીં આવે છે. અહીં 7 થી 8 અલગ-અલગ પદ્ધતિઓ દ્વારા સ્પા અને મસાજની સુવિધા આપવામાં આવે છે.

લોહીનું પરિભ્રમણ: શરીરમાં બ્લડ સર્ક્યુલેશન સુધારવા માટે અત્યાધુનિક બેલ્ટ દ્વારા પ્રક્રિયા કરવામાં આવે છે.

પરંપરાગત સારવાર:અહીં માટીનો લેપ અને પોટલી મસાજ જેવી જૂની અને અસરકારક પદ્ધતિઓનો ઉપયોગ થાય છે.

લેસર ટેકનોલોજી: સ્કીન કેર માટે અહીં લેસર ટેકનીકનો પણ ઉપયોગ કરવામાં આવે છે, જે પ્રવાસીઓ માટે આકર્ષણનું કેન્દ્ર છે.

આ પણ વાંચો:  Studio on Wheels: વેસ્ટમાંથી બેસ્ટ! પ્લાસ્ટિક વણાટના પાયોનીયર રાજી બહેનનું પર્યાવરણ બચાવવાનું અનોખું અભિયાન