STUDIO ON WHEELS: જૂનાગઢ (Junagadh) જિલ્લાના ભવનાથ ખાતે યોજાયેલા મહાશિવરાત્રિ મેળા (Mahashivratri Fair) માં લોકપ્રિય ગુજરાતી સંગીતકાર પરેશ વડીયા (Paresh Wadia) એ પણ હાજરી આપી હતી. સંગીત કલાકા સ્ટુડિયો ઓન વ્હીલ્સની ટીમે એક વિશેષ મુલાકાત કરી હતી. આ મુલાકાતનું વીડિયો ઓનલાઇન પોસ્ટ થયું છે અને દર્શકો દ્વારા વ્યાપક પસંદગી મળી રહી છે.
ભવનાથ મહોત્સવમાં સૌથી વધુ લોકો શાંતિપૂર્ણ ભજન-કિર્ણાઓ અને પરંપરાગત કાર્યક્રમોમાં જોડાતા જોવા મળ્યા. ત્યાંની ખાસ વાતચીતમાં પરેશ વડીયાએ પોતાના સંગીત જીવન, લોકગીતોની મહત્તા અને લોકો સાથે જોડાયેલા અનુભવો વિશે ખુલ્લા દિલથી વાત કરી.
પરેશ વડીયા એક એવા વ્યક્તિ છે જેઓ છેલ્લા 36 વર્ષથી દર વર્ષે મેળામાં રૂબરુ આવીને લાભ લે છે. તેમણે આજથી 36 વર્ષના મેળામાં અને અત્યારના મેળામાં થયેલા ફેરફાર વિશે પણ માહિતી આપી. આવો જાણીએ સંગીતકાર શું કહી રહ્યા છે.
સંગીત કલાકાર પરેશ વડીયાએ ગુજરાત ફર્સ્ટ (Gujarat First) ના સ્ટુડિયો ઓન વ્હીલ્સની ટીમનો આભાર માનતા પોતાની વાતની શરૂઆત કરી. તેમણે કહ્યું કે, વર્ષ 1990થી હું આ ભવનાથ મેળામાં અચૂક હાજરી આપી છું. ત્યારે પણ આ જ પરિસ્થિતી હતી. પરંતુ એક પરિવર્તન ચોક્કસ થાય છે. એટલે થોડા ભજનો, ગાયકી અને ગીત-સંગીતમાં થોડા ફેરફાર થયા છે. તેમ છતા જે મસ્તી અને ભક્તિ (Devotion) ત્યારે હતી એ આજે પણ છે.
પરેશ વડીયા કહે છે કે, તે સમયમાં ભજનો અને સંતવાણી (Santavani) સાંભળનારા લોકો પણ ખરેખર સાધુ જેવો જ સ્વભાવ ધરાવતા હતા. તેમણે સંતવાણી કરનારા રામદાસ બાપુ (Ramdas Bapu), નારણબાપુ (Naranbapu), નિરંજનભાઈ (Niranjanbhai) અને પ્રાણભાઈ (Pranbhai) જેવા નામોના ઉદાહરણો પણ આપ્યા હતા. તેમણે કહ્યું કે આવા સંતો સાથે ગાયકીમાં જુગલબંધી કરતો હતો.
STUDIO ON WHEELS: પરેશભાઈ વડીયાનું ભજન
તું જાજે ભવનાથ ગિરનારી, આ ગીત સાથે પરેશભાઈ વડિયાએ અમારા દર્શકો માટે એક ભજન ગાઈને સંભળાવ્યું. જેના શબ્દો સાચે જ વ્યક્તિના જીવનને સાર્થક કરતા હતા.
STUDIO ON WHEELS: સંગીત વિશે માહિતી આપતા પરેશ વડીયા
પરેશ વડીયાના અનુસાર, લોકસંગીત માત્ર મનોરંજનનો સાધન નથી, પણ સમાજની સંસ્કૃતિ (Culture) અને પરંપરા માટે એક જીવંત સંદેશ (Live message) છે. તેમનાં અનુયાયીઓ અને મહોશિવરાત્રિ મેળાના મુલાકાતીઓને પણ તેમના શબ્દો અને સંગીત (Music) થી ગહન લાગણી મળતી જોવા મળી.
આ પણ વાંચો----- Studio on Wheels: Kutch Mitraના Editor Deepakbhai Mankad સાથે Dr. Vivek Kumar Bhatt નો સંવાદ
પરેશ વડીયાએ જણાવ્યું હતું કે ભવનાથ મહાશિવરાત્રિ મેળો તેમના માટે માત્ર એક કાર્યક્રમ નહીં, પરંતુ આસ્થાનો અનુભવ છે. અહીં ગાતા સમયે દર્શકો સાથે જે ભાવનાત્મક (Emotional) જોડાણ બને છે, તે તેમને હંમેશા નવી ઉર્જા આપે છે. તેમણે યુવા પેઢીને લોકસંગીત સાથે જોડાવા માટે પણ આહ્વાન કર્યું હતું.
આ સમગ્ર વાતચીત અને મેળાની ઝલક દર્શાવતો વીડિયો લોકપ્રિય યૂટ્યુબ ચેનલ Studio On Wheels દ્વારા શેર કરવામાં આવ્યો છે. વીડિયોમાં મેળાની જીવંત ઝલક, લોકસંગીતનો માહોલ અને પરેશ વડીયાની સરળ, જમીન સાથે જોડાયેલી વાતચીત દર્શાવવામાં આવી છે, જેને દર્શકો દ્વારા સકારાત્મક પ્રતિભાવ મળી રહ્યો છે.
સંસ્કૃતિની ધરોહર તરીકે ભવનાથ મેળો
ભવનાથ મહાશિવરાત્રિ મેળો માત્ર ધાર્મિક ઉત્સવ (Religious festival) નહીં, પરંતુ ગુજરાત (Gujarat) ની લોકસંસ્કૃતિ અને પરંપરાની જીવંત ધરોહર છે. લોકગાયક પરેશ વડીયા જેવા કલાકારો (Artists) ની હાજરી આ મેળાને વધુ અર્થસભર બનાવે છે. આ પ્રકારના કાર્યક્રમો લોકસંગીતને જીવંત રાખવામાં અને નવી પેઢી સુધી પહોંચાડવામાં મહત્વની ભૂમિકા ભજવે છે.
વિડિયો “STUDIO ON WHEELS | Junagadh Mahashivratri Mela” ચેનલ દ્વારા યૂટ્યુબ પર શેર કરવામાં આવ્યો છે, જેમાં મહોત્સવની વિવિધ ઘટનાઓ અને લોકગાયક સાથે થતી વાતચીત દર્શાવવામાં આવી છે. આ વીડિયોને લોકોએ અને સંગીતપ્રેમીઓને ઓનલાઇન સારી પ્રતિભાવ આપી રહ્યા છે.
આ પણ વાંચો----- Studio on Wheels: Cockpit માં બેસવાની સફર અહીંથી શરૂ થાય છે: Blue Ray Aviation Pilot Training
