Studio on Wheels: પાટણના દશરથભાઈ પટેલે 3000 થી વધુ યુવાનોને અપાવી સરકારી નોકરી! ગરીબ બાળકોનું સુધાર્યું ભવિષ્ય

• Studio on Wheels  માં Patan ના Dasharathbhai Patel સાથે સંવાદ
•  દશરથભાઈ પટેલ (Dasharathbhai Patel)  કોંગ્રેસના પીઢ આગેવાન અને ત્રિરંગા કોલેજના સંચાલક છે
•  દશરથભાઈ પટેલે  3000 ની વધુ વિદ્યાર્થીઓને અપાવી સરકારી નોકરી
• સંવાદમાં   દશરથભાઈ પટેલે  પોતાની 1985 ની ગેસ એજન્સીના ઇન્ટરવ્યુની વાત શેર કરી

Studio on Wheels: ગુજરાત ફર્સ્ટ (Gujarat First ) ના 'સ્ટુડિયો ઓન વ્હીલ્સ' (Studio On Wheels ) કાર્યક્રમ અંતર્ગત પાટણ (patan) ની ઐતિહાસિક ધરતી પર શિક્ષણ અને સેવાના પર્યાય સમાન દશરથભાઈ પટેલ (Dasharathbhai Patel) સાથેનો ખાસ સંવાદ કરવામાં આવ્યો હતો. જેમાં તેમના જીવનના સંઘર્ષ, શૈક્ષણિક પ્રદાન અને રાજકીય દ્રષ્ટિકોણ વિશે જાણવા મળ્યું...

Studio on Wheels  માં Patan ના Dasharathbhai Patel સાથે સંવાદ

દશરથભાઈ પટેલે પોતાના સંવાદમાં વર્ષ 1985ના સમયગાળાને યાદ કરતા જણાવ્યું કે, તે સમયે કોંગ્રેસની સરકારમાં પારદર્શિતા (Transparency) નું ઉત્તમ ઉદાહરણ જોવા મળતું હતું. તેમણે કોઈ પણ પ્રકારના પૈસા કે ભલામણ (Recommendation) વગર માત્ર મેરિટ (Merit) ના આધારે ઇન્ડિયન ગેસની એજન્સી મેળવી હતી. તે સમયે ઇન્ટરવ્યુમાં તેઓ પ્રથમ નંબરે આવ્યા હતા. આજે તેઓ આ એજન્સી દ્વારા આશરે 25,000 ગ્રાહકોને સંતોષકારક સેવા (Service) પૂરી પાડી રહ્યા છે.

શિક્ષણ ક્ષેત્રે ક્રાંતિ અને કાનૂની લડત

દશરથભાઈ માત્ર એક વ્યાપારી કે રાજકારણી નથી, પરંતુ એક સાચા કેળવણીકાર છે. તેમણે ત્રિરંગા કોલેજની સ્થાપના કરી શિક્ષણ જગતમાં મોટું નામ બનાવ્યું છે. ખાસ કરીને PTC કોલેજની મંજૂરી મેળવવા માટે તેમણે હાઈકોર્ટ (High Court) સુધી કાનૂની જંગ (Legal Battle) લડ્યો હતો. તેમની મહેનતના પરિણામે આજે ત્યાં B.Ed. અને નર્સિંગ (Nursing) જેવી મહત્વની કોલેજો કાર્યરત છે. તેમની સંસ્થાની સૌથી મોટી સિદ્ધિ એ છે કે ત્યાંથી ભણીને નીકળેલા 3000 થી વધુ વિદ્યાર્થીઓ આજે સરકારી નોકરી (Government Job) કરી રહ્યા છે.

Studio on Wheels: 3000 + વિદ્યાર્થીઓને અપાવી સરકારી નોકરી! Patanના Dasharathbhai Patel સાથે સંવાદ
Gujarat First નું Studio On Wheels પહોંચ્યું છે ઐતિહાસિક નગરી પાટણમાં, જ્યાં અમારી મુલાકાત થઈ છે કોંગ્રેસના પીઢ આગેવાન અને ત્રિરંગા કોલેજના સંચાલક Shri Dashrathbhai Patel સાથે.… pic.twitter.com/4JQjGNrLg2

— Gujarat First (@GujaratFirst) March 7, 2026

ગરીબ વિદ્યાર્થીઓ માટે આશાનું કિરણ

આર્થિક રીતે નબળા (Financially Weak) વિદ્યાર્થીઓ માટે દશરથભાઈની સંસ્થા આશીર્વાદરૂપ સાબિત થઈ છે. તેઓ અનેક ગરીબ વિદ્યાર્થીઓને મફત અથવા માત્ર અડધી ફી લઈને અભ્યાસ કરાવે છે. વિદ્યા સંકુલની દરેક નાની-મોટી બાબતો પર તેઓ પોતે અંગત ધ્યાન (Personal Attention) આપે છે અને વિદ્યાર્થીઓ સાથે રૂબરૂ ચર્ચા પણ કરે છે. સંકુલમાં હોસ્ટેલ (Hostel), પ્રવાસ અને મનોરંજન (Entertainment) જેવી તમામ પાયાની સુવિધાઓ ઉપલબ્ધ છે.

રાજકીય સફર અને વર્તમાન સ્થિતિ

રાજકારણમાં પ્રવેશવા પાછળનો તેમનો મુખ્ય ઉદ્દેશ્ય સમાજ સેવા (Social Service) છે. સિદ્ધપુરના રાજકારણમાં સક્રિય રહીને તેમણે સંગઠનને મજબૂત કરવાના પ્રયાસો કર્યા છે અને ચંદનજીને ધારાસભ્ય બનાવવામાં મહત્વની ભૂમિકા ભજવી હતી. વર્તમાન રાજકીય સ્થિતિ (Political Situation) અંગે નિખાલસતાથી વાત કરતા તેમણે સ્વીકાર્યું કે, લાંબા સમયથી સત્તા (Power) ન હોવાને કારણે કોંગ્રેસના કાર્યકર્તાઓ અત્યારે હતાશ (Frustrated) જણાય છે. જો કે, જો ઉપરના સ્તરેથી સંગઠન (Organization) મજબૂત બનાવવામાં આવે, તો જનતાનો વિશ્વાસ જીતીને ચિત્ર બદલી શકાય તેમ છે.

સામાજિક જવાબદારી

શિક્ષણ ઉપરાંત તેઓ સામાજિક કાર્યોમાં પણ અગ્રેસર રહે છે. નાના માણસોની મદદ કરવી અને સમૂહ લગ્ન (Mass Wedding) જેવા ભગીરથ કાર્યોનું આયોજન કરીને તેઓ સમાજ પ્રત્યેનું ઋણ અદા કરી રહ્યા છે.

ગુજરાત ફર્સ્ટનો અનોખો સંકલ્પ

ગુજરાત ફર્સ્ટ ચેનલ દ્વારા શરૂ કરાયેલ 'સ્ટુડિયો ઓન વ્હીલ્સ' અભિયાન 90 દિવસમાં 10,000 કિલોમીટરની યાત્રા (Journey) ખેડીને ગુજરાતના 34 જિલ્લાઓમાં પહોંચશે. આ યાત્રાનો મુખ્ય હેતુ વિરાસતથી વિકાસ સુધી, ધર્મથી સ્વાદ સુધી અને રાજનીતિથી ગ્રાઉન્ડ રિયાલિટી (Ground Reality) સુધીની વાતોને લોકો સુધી પહોંચાડવાનો છે.

આ પણ વાંચો :  Studio on Wheels : 'માટલા ઉપર માટલું' સોંગથી 226 મિલિયન વ્યુઝ મેળવનાર સિંગર જીગર ઠાકોરની નિખાલસ વાતો