Studio on Wheels: રંગીલા રાજકોટમાં મહાનગરપાલિકાની ચૂંટણીનો જંગ, પત્રકારોનો સણસણતો પોલ અને જનતાનો મિજાજ
- Studio on Wheels: રંગીલા રાજકોટમાં ચૂંટણીનો ગરમાવો
- પત્રકારોના પોલમાં શાસક પક્ષ માટે જોખમની ઘંટડી!
- રાજકોટની જનતાનો મિજાજ નેતાઓનો રંગ ઉડાડી દેશે
- શું વિજયભાઈ રૂપાણીની ખોટ ભાજપને સીટોમાં નુકસાન કરાવશે?
- ટીઆરપી અગ્નિકાંડથી લઈને ટ્રાફિક સુધી
- પત્રકારોએ ખોલી રાજકોટના વિકાસની પોલ
Studio on Wheels: રાજકોટ મહાનગરપાલિકા (Rajkot Municipal Corporation) ની આગામી ચૂંટણીનો પારો અત્યારે આસમાને પહોંચી ગયો છે. રાજકોટના રેસકોર્સ (Race Course) ગાર્ડન ખાતેથી વરિષ્ઠ પત્રકારો (Senior Journalists) સાથેના સંવાદમાં શહેરની વર્તમાન રાજકીય અને સામાજિક સ્થિતિનું ચિત્ર સ્પષ્ટ જોવા મળે છે. આ વખતે ચૂંટણીમાં ત્રિપાંખિયો જંગ (Triangular Fight) જામવાનો છે જેમાં ભાજપ (BJP), કોંગ્રેસ (Congress) અને આમ આદમી પાર્ટી (AAP) વચ્ચે કાંટાની ટક્કર થવાની સંભાવના છે. પત્રકારોના મતે આ વખતે રાજકીય સમીકરણોમાં મોટો ફેરફાર જોવા મળી શકે છે કારણ કે શાસક પક્ષમાં આંતરિક નારાજગી (Internal Resentment) અને વિપક્ષનો વધતો આત્મવિશ્વાસ ચૂંટણીના પરિણામોને પ્રભાવિત કરી શકે છે.
Studio on Wheels: સ્વર્ગીય વિજયભાઈ રૂપાણીની ખોટ
રાજકોટના રાજકારણમાં સ્વર્ગીય વિજયભાઈ રૂપાણી (Vijay Rupani) નું નેતૃત્વ હંમેશા પાયાનું રહ્યું છે. પત્રકારોના જણાવ્યા અનુસાર આ ચૂંટણીમાં ભાજપને તેમના અનુભવ અને સંગઠન શક્તિની ભારે ખોટ (Loss of Leadership) વર્તાશે. વિજયભાઈ પાસે વોર્ડ દીઠ જ્ઞાતિગત સમીકરણો (Caste Equations) ઉકેલવાની અને અગાઉથી સચોટ આયોજન કરવાની અદભૂત ક્ષમતા હતી. અત્યારનું નેતૃત્વ કાર્યકરોની નારાજગી દૂર કરવામાં નિષ્ફળ રહ્યું હોય તેવું જણાય છે જેના કારણે 150 થી 200 જેટલા કાર્યકરોએ કમલમ (Kamalam) કાર્યાલય ખાતે જઈને વિરોધ પ્રદર્શન કર્યું હતું. આ પ્રકારનો આંતરિક વંટોળ ભાજપ માટે ચિંતાનો વિષય બની શકે છે.
વિકાસની વાતો અને વાસ્તવિક સમસ્યાઓનો ગ્રાઉન્ડ રિપોર્ટ
શાસક પક્ષ દ્વારા વિકાસ (Development) ના મોટા મોટા બણગાં ફૂંકવામાં આવે છે પરંતુ જમીની હકીકત કઈક અલગ જ જોવા મળે છે. રાજકોટ અત્યારે ખાડાકોટ (Khada-Kot) તરીકે ઓળખાવા લાગ્યું છે કારણ કે રસ્તાઓની હાલત વર્ષોથી બિસ્માર (Dilapidated Roads) જોવા મળે છે. ટ્રાફિક (Traffic), પાણી (Water) અને પ્રદૂષણ (Pollution) જેવી પાયાની સમસ્યાઓ હજી પણ અકબંધ છે. પત્રકારોએ આક્ષેપ કર્યો છે કે અભણ કોર્પોરેટરો (Illiterate Corporators) ના કારણે અધિકારીઓ પર પકડ રહેતી નથી અને યોગ્ય આયોજનના અભાવે શહેરની હાલત ખાડે ગઈ છે. આ સ્માર્ટ સિટી (Smart City) ના બજેટમાં માત્ર બગીચાઓ અને રોડના થીગડાં મારવાથી પ્રજાની સુખાકારી વધતી નથી.
આ પણ વાંચો----- Studio on Wheels: પ્રિન્ટ અને ડિજિટલનો અદભૂત સંગમ! 'Voice of Day' ની અનોખી ઓળખ
Studio on Wheels: આસ્થાના કેન્દ્રોની અવદશા અને ભ્રષ્ટાચારના આક્ષેપો
રાજકોટના આરાધ્ય દેવ રામનાથ મહાદેવ મંદિર (Ramnath Mahadev Temple) ની આસપાસ ગંદકી (Dirt) ના થર જોવા મળે છે જે પ્રજામાં ભારે રોષ જન્માવે છે. ચોમાસામાં ગટરના ગંદા પાણીનો અભિષેક મહાદેવ પર થાય છે, જે ડબલ એન્જિન સરકાર (Double Engine Government) ના દાવાઓ સામે સવાલો ઉભા કરે છે. વધુમાં ટીઆરપી ગેમ ઝોન (TRP Game Zone) અગ્નિકાંડ જેવી ઘટનાઓએ રાજકોટને કલંકિત કર્યું છે અને નેતાઓની મિલિભગત સામે લોકોમાં ભારે ગુસ્સો છે. પત્રકારોના મતે રિક્ષાવાળાઓ પણ હવે એવું કહેતા થયા છે કે, જૂના નેતાઓએ ઘણું ખાઈ લીધું છે જેના કારણે પક્ષે અનેક ચહેરાઓ બદલવા પડ્યા છે.
Studio on Wheels: ચૂંટણી રણનીતિ અને ઉમેદવારોની ખેંચતાણ
આ વખતે ચૂંટણીમાં ઉમેદવારોની ખરીદી (Poaching) નો ડર એટલો બધો છે કે કોંગ્રેસે પોતાના 42 જેટલા ઉમેદવારોને અજ્ઞાત સ્થળે (Unknown Location) રિસોર્ટમાં ખસેડવા પડ્યા છે. ભાજપમાં પણ આ વખતે નવા ચહેરાઓને તક આપવામાં આવી છે પરંતુ તેનાથી જૂના અને દિગ્ગજ નેતાઓ નારાજ થયા છે. વોર્ડ નંબર 2 (Ward No. 2), 4 અને 7 જેવા ભાજપના ગઢ ગણાતા વિસ્તારોમાં પણ ક્રોસ વોટિંગ (Cross Voting) નો ભય સતાવી રહ્યો છે. જો સોખઠાંની ગોઠવણ ઊંધી પડી તો ભાજપ માટે પોતાની ગત વખતની બેઠકો જાળવી રાખવી અત્યંત મુશ્કેલ સાબિત થશે.
Studio on Wheels: રંગીલા રાજકોટનો અનોખો મિજાજ
રાજકોટ પોતાની મોજીલી પ્રકૃતિ (Nature) માટે જાણીતું છે. અહીં બે થી ચાર (2 to 4) સુઈ જવાની અને સાંજે ફ્રેશ થઈને સાંજના છાપા (Evening Newspapers) વાંચવાની અનોખી પરંપરા છે. લોકો આખો દિવસ કામ કરે પરંતુ બપોરની ઊંઘ અને સાંજનો આઈસ્ક્રીમ કે ફરવાનો લ્હાવો ચૂકતા નથી. આ રંગીલી જનતા શાંત છે પરંતુ મતદાન વખતે તેમનો મિજાજ નેતાઓનો રંગ ઉડાડી દે તેવો હોઈ શકે છે. 28 એપ્રિલે જ્યારે મતદાન થશે ત્યારે ખબર પડશે કે રાજકોટની જનતાએ સ્માર્ટ સિટીના નામે મળેલા બણગાંને સ્વીકાર્યા છે કે પછી પરિવર્તન (Change) નો રાહ પકડ્યો છે.
આ પણ વાંચો----- Studio on Wheels Sanand: નેનો કારથી નેનો ચિપ સુધી, જાણો કેવી રીતે સાણંદ બન્યું એશિયાનું સૌથી મોટું ઇન્ડસ્ટ્રિયલ હબ