Studio on Wheels Vadodara: ગુજરાત ફસ્ટના ‘Studio on Wheels’ ની ટીમે તાજેતરમાં સંસ્કારી નગરી વડોદરાની મુલાકાત લીધી હતી. આ મુલાકાત દરમિયાન ટીમ દ્વારા ઇલેક્ટ્રિક વ્હીકલ (EV) ક્ષેત્રે ખૂબ જ ટૂંકા સમયમાં અભૂતપૂર્વ સફળતા મેળવનાર અને દેશભરમાં 450 થી વધુ વર્કશોપનું વિશાળ નેટવર્ક ધરાવતી બ્રાન્ડ ‘SpeedForce EV’ ના ડિરેક્ટર કપિલભાઈ ભીંડી સાથે એક ખાસ સંવાદ યોજવામાં આવ્યો હતો. શરૂઆતના બે વર્ષના આકરા સંઘર્ષ છતાં હિંમત હાર્યા વગર આજે તેઓ ગ્રીન એનર્જીના માધ્યમથી દેશના વિકાસમાં મોટું યોગદાન આપી રહ્યા છે. આ મુલાકાતમાં તેમણે ભારતના EV માર્કેટ, ટેક્નોલોજી અને ભવિષ્યના રોડમેપ વિશે મહત્વની ચર્ચા કરી હતી.
Studio on Wheels માં SpeedForce EVના M.D. કપિલભાઈ ભીંડી સાથે સંવાદ
કપિલભાઈએ જણાવ્યું હતું કે, હાલમાં લોકોમાં ઇલેક્ટ્રિક વાહનો પ્રત્યેની જાગૃતિ અને વિચારધારા ખૂબ ઝડપથી બદલાઈ રહી છે. પરંપરાગત વાહનોની સરખામણીએ EV અપનાવવાથી ગ્રાહકોને વ્યાપક સ્તરે આર્થિક બચત થાય છે, જે વર્તમાન સમયમાં મોંઘવારી સામે એક મજબૂત રક્ષણ પૂરું પાડે છે.
PM નું વિઝન અને સરકારી સપોર્ટ
દેશમાં પ્રદૂષણ ઘટાડવા અને વિદેશથી આયાત કરવામાં આવતા પેટ્રોલ-ડીઝલ પરની નિર્ભરતા ઓછી કરવા માટે પ્રધાનમંત્રી નરેન્દ્ર મોદીનું વિઝન અદભુત છે. આ સેક્ટરને પ્રોત્સાહન આપવા માટે કેન્દ્ર સરકાર સહિત ગુજરાત અને અન્ય રાજ્યોની સરકારો પણ ખૂબ જ સકારાત્મક અભિગમ સાથે સપોર્ટ સિસ્ટમ ઊભી કરી રહી છે, જે આ ઉદ્યોગ માટે આશીર્વાદરૂપ સાબિત થઈ રહી છે.
વૈશ્વિક માર્કેટ અને ભારતનો નવો રેકોર્ડ
વૈશ્વિક સ્તરની ચર્ચા કરતા તેમણે ઉમેર્યું કે, ચીનમાં આજે ઘરે-ઘરે ઇલેક્ટ્રિક વાહનો જોવા મળે છે અને ત્યાં પ્રોડક્શન ખૂબ મોટા પાયે થાય છે. હવે વિશ્વની તમામ અગ્રણી વિદેશી કંપનીઓ પણ ભારતના આ વિશાળ માર્કેટમાં પ્રવેશવા માટે આતુર છે. આગામી સમયમાં ભારત આ સેક્ટરમાં નવો રેકોર્ડ પ્રસ્થાપિત કરશે, જે દેશની ઇકોનોમી (અર્થતંત્ર) ને એક નવો વેગ આપશે.
સામાન્ય નોકરીથી 450+ વર્કશોપ સુધીની સફર
એક સમયે સામાન્ય નોકરી કરતા કપિલભાઈએ જ્યારે પોતાનો બિઝનેસ શરૂ કર્યો ત્યારે શરૂઆતના બે વર્ષ ભારે સંઘર્ષપૂર્ણ રહ્યા હતા. જોકે, મુશ્કેલ સમયમાં પણ અડગ ટકી રહેવાના કારણે આજે તેઓ 450 થી વધારે વર્કશોપ સાથે દેશભરમાં પોતાની કંપનીનું નામ રોશન કરી રહ્યા છે. તેમણે પોતાની આ સફળતાનો શ્રેય પરિવાર અને મિત્રોનો સપોર્ટ, સ્ટાફની મહેનત તથા ભગવાનના આશીર્વાદને આપ્યો હતો.
કપિલભાઈ ભીંડીના જણાવ્યા અનુસાર, આવનારો દસકો EV સેક્ટર માટે 'સુવર્ણ યુગ' સાબિત થવા જઈ રહ્યો છે અને ભારત ગ્રીન મોબિલિટી તરફ ખૂબ ઝડપથી આગળ વધી રહ્યું છે.
આ પણ વાંચો: Studio on Wheels Vadodara: પ્રયોશા મલ્ટિસ્પેશિયાલીટી હોસ્પિટલના MD ડૉ. ભરતભાઈ પરમારનો અસલી સંઘર્ષ જાણીને તમે પણ સલામ કરશો!
