Surat: અચાનક એવો ભૂવો પડ્યો કે લગ્નનો મંડપ ધડામ થઈ ગયો!

લગ્ન પ્રસંગનો મંડપ બાંધેલો હોવાથી લોકોના જીવ તાળવે ચોંટ્યા

ઉલ્લેખનીય છે કે શહેરના લાલ ગેટ વિસ્તારમાં આવેલા શાહપોર ખાતે મોટી દુર્ઘટના ઘટતા બચી ગઇ છે. જેમાં માછલીપીઠ નજીક મેટ્રોની કામગીરી ચાલી રહી છે તે દરમિયાન અચાનક જ 20 ફૂટ ઊંડો અને 15 ફૂટ પહોળો વિશાળ ભૂવો પડતા સમગ્ર વિસ્તારમાં ચકચાર મચી ગઈ હતી. આ ઘટના સમયે બાજુમાં જ લગ્ન પ્રસંગનો મંડપ બાંધેલો હોવાથી લોકોના જીવ તાળવે ચોંટ્યા હતા.

Surat : અચાનક એવો ભૂવો પડ્યો કે લગ્નનો મંડપ ધડામ થઈ ગયો! । Gujarat First

સુરતના શાહપોર વિસ્તારમાં મોડી રાત્રે પડ્યો મસમોટો ભૂવો
ભૂવાના પડવાના કારણે ભુવાની બાજુના મકાનો ખાલી કરાવ્યા
ઘટના દરમિયાન લગ્ન પ્રસંગ ચાલી રહ્યો હતો
મંડપ અને ખુરશીઓને નુકસાન પહોંચ્યું
હાજર લોકોના જીવ અધર થઈ… pic.twitter.com/hrwQlijF47

— Gujarat First (@GujaratFirst) January 22, 2026

Surat: 20થી 25 ખુરશીઓ પણ ભૂવામાં પડી ગઈ હતી

લગ્ન પ્રસંગનો એક પાયો પણ ભૂવામાં ગરકાવ થઈ ગયો હતો અને સાથે 20થી 25 ખુરશીઓ પણ ભૂવામાં પડી ગઈ હતી. આ સાથે જ ભૂવો પડ્યો તેની નજીકમાં રસોડું હોવાથી લોકો ખાવાનું મૂકીને ભાગી ગયા હતા. મહેમાનોમાં પણ દોડધામ મચી ગઈ હતી. ભૂવો પડવાની જાણ થતા જ ફાયર વિભાગ, ગુજરાત ગેસ અને મેટ્રો રેલના ઉચ્ચ અધિકારીઓનો કાફલો ઘટના સ્થળે પહોંચી ગયો હતો.

ભૂવો પડવાને કારણે પાણીની મુખ્ય લાઈન પણ તૂટી હોવાની શંકા

ગેસની પાઈપલાઈન તૂટી હોવાની ચર્ચાને પગલે સાવચેતીના ભાગરૂપે તાત્કાલિક પુરવઠો બંધ કરાયો હતો. ભૂવો પડવાને કારણે પાણીની મુખ્ય લાઈન પણ તૂટી હોવાની શંકા છે, જેના કારણે રસ્તા પર પાણી ભરાવા લાગ્યા હતા. ભૂવો એક બંગલાના રસોડાની બિલકુલ પાછળ પડ્યો હોવાથી જોખમ જોતા એક આખો બંગલો તાત્કાલિક ધોરણે ખાલી કરાવવામાં આવ્યો હતો.

આ પણ વાંચો: Ahmedabad Plane Crash મુદ્દે મોટા સમાચાર, અમેરિકાની સંસદમાં કરાયો ગંભીર દાવો