Surat Court માં ફરી બૉમ્બની ધમકી, સુરક્ષા એજન્સીઓ એલર્ટ, તપાસનો ધમધમાટ

પોલીસ અને સુરક્ષા એજન્સીઓની ત્વરિત કાર્યવાહી

આ ગંભીર પ્રકારની ધમકી મળતા જ ઉમરા પોલીસ (Umra Police) સ્ટેશનનો કાફલો ઘટનાસ્થળે દોડી પહોચ્યો છે. આ ઉપરાંત સ્પેશિયલ ઓપરેશન ગ્રુપ (SOG) અને ડૉગ સ્ક્વોડ (Dog Squad) ની ટીમોએ પણ તાત્કાલિક સ્થળ પર પહોંચીને સઘન તપાસ હાથ ધરી છે. કોર્ટના પરિસરના દરેક ખૂણે તપાસ કરવામાં આવી રહી છે, જેથી કરીને સત્યતા જાણી શકાય અને સુરક્ષા સુનિશ્ચિત કરી શકાય.

સુરક્ષા વ્યવસ્થા અને સતર્કતા

ફરી એકવાર કોર્ટમાં ધમકીભર્યો મેઈલ મળવાની ઘટનાએ સુરક્ષા વ્યવસ્થા સામે અનેક પ્રશ્નો ઉભા કર્યા છે. પોલીસે જણાવ્યું છે કે, આવી અફવા ફેલાવનારા તત્વો સામે કાયદેસરની કડક કાર્યવાહી કરવામાં આવશે. હાલમાં કોર્ટ વિસ્તારમાં પોલીસનો ચુસ્ત બંદોબસ્ત ગોઠવી દેવામાં આવ્યો છે અને મેઈલ મોકલનારની તપાસ ટેકનિકલ ટીમ દ્વારા શરૂ કરી દેવામાં આવી છે.

આ પણ વાંચોઃ Ahmedabad Rath Yatra 2026: શાંતિપૂર્ણ રથયાત્રા માટે પોલીસ સજ્જ