CM Bhupendra Patel એ સુરત અને નવસારીમાં યોજી સમીક્ષા બેઠક, ધારાસભ્યો અને ખેડૂતોએ ઠાલવ્યો રોષ

જ્યારે ધારાસભ્ય સંગીતાબેને આક્રોશ વ્યક્ત કરતા કહ્યું કે, "જવાબદાર અધિકારીઓ સામે કડક પગલાં લેવા જોઈએ, દર વખતે સંકલન સમિતિમાં ખાડીપૂરની સમસ્યા રજૂ કરવા છતાં અધિકારીઓ સાંભળતા નથી કે જવાબ આપતા નથી." પૂર્વ મંત્રી અને ધારાસભ્ય કુમાર કાનાણી (Kumar Kanani) એ પણ તંત્રને આડે હાથ લેતા કહ્યું કે, દર વર્ષે ખાડીપૂરની સમસ્યા સર્જાય છે, દર વર્ષે મીટિંગો થાય છે પરંતુ સમસ્યા ઠેરની ઠેર જ રહે છે! બેઠકમાં મંત્રી મુકેશ પટેલે (Mukesh Patel) પૂરગ્રસ્તોને તાત્કાલિક કેશડોલ ચૂકવવા રજૂઆત કરી હતી.

કેન્દ્રીય મંત્રી સી.આર. પાટીલ સહિતનો કાફલો હાજર

સુરત બાદ મુખ્યમંત્રી ભૂપેન્દ્રભાઈ પટેલે નવસારી (Navsari) કલેક્ટર કચેરી (Collector Office) ની મુલાકાત લીધી હતી. આ બેઠકમાં કેન્દ્રીય જળશક્તિ મંત્રી સી.આર. પાટીલ (C.R. Patil) પણ ખાસ ઉપસ્થિત રહ્યા હતા. નવસારી જિલ્લા કલેક્ટર મનીષ ગુરુવાણી, સચિવ આદ્રા અગ્રવાલ અને ડીએસપી રાહુલ પટેલે મુખ્યમંત્રીનું સ્વાગત કર્યું હતું.

આ ઉચ્ચ સ્તરીય બેઠકમાં મનપા કમિશનર જયેશ ઉપાધ્યાય , મેયર, જિલ્લા પંચાયત પ્રમુખ નિરાલી નાયક અને જિલ્લા વિકાસ અધિકારી કાર્તિક જીયાની હાજર રહ્યા હતા. આ ઉપરાંત નવસારીના ધારાસભ્ય રાકેશ દેસાઈ, જલાલપોર અને ગણદેવીના ધારાસભ્યો, વલસાડના સાંસદ ધવલ પટેલ તેમજ જિલ્લા ભાજપ પ્રમુખ ભુરાલાલ પણ પૂર નિયંત્રણની સમીક્ષામાં જોડાયા હતા.

Surat Flood Review : સુરતમાં પુરની સ્થિતિ વચ્ચે CM ભૂપેન્દ્રભાઇ પટેલે કરી સમીક્ષા બેઠક | Gujarat First

મંત્રીઓ અને સુરતના ધારાસભ્યો સાથે કરી સમીક્ષા બેઠક
સમીક્ષા બેઠકનાં ધારાસભ્યોએ CMને કરી કેટલીક ફરિયાદ
અધિકારીઓ સાંભળતા ન હોવાની ધારાસભ્યોએ કરી ફરિયાદ
ભવિષ્યમાં આવી સ્થિતિ ન થાય… pic.twitter.com/XyIZi7csKT

— Gujarat First (@GujaratFirst) July 9, 2026

અતિભારે વરસાદથી પાક બરબાદ, સ્પેશિયલ સર્વેની માગ

બીજી તરફ, દક્ષિણ ગુજરાતના ખેડૂતોએ ભારે વરસાદના કારણે સર્જાયેલી તબાહી અંગે મુખ્યમંત્રી તેમનો સમય ફાળવે તેવી ઉગ્ર માગ કરી છે. અતિભારે વરસાદના કારણે ડાંગર અને શાકભાજીના પાકને મોટું નુકસાન થયું છે. ખેતરો બેટમાં ફેરવાઈ જતાં વાવણીનું કામ પણ સંપૂર્ણપણે અટકી ગયું છે. ખેડૂત આગેવાનોએ સરકાર સમક્ષ માગ કરી છે કે અસરગ્રસ્ત વિસ્તારોમાં તાત્કાલિક સ્પેશિયલ સર્વે કરવામાં આવે, પાક નુકસાનીનું વળતર ચૂકવાય અને બિયારણ પર સબસિડી અથવા મફત બિયારણની વ્યવસ્થા કરવામાં આવે. મુખ્યમંત્રીના સુરત પ્રવાસ દરમિયાન ખેડૂતો પોતાની આપવીતી રજૂ કરવા માટે સમય માંગી રહ્યા છે.

આ પણ વાંચો: ખેડૂતો માટે ખુશખબર: ડિજિટલ ડેટા એક્ટથી બદલાશે ખેતીનું ભવિષ્ય, સરકારી સહાય મળશે સુપરફાસ્ટ