Tapi માં ઉકાઈથી Surat ના માંડવી તરફના માર્ગ પર થાય છે કટકી!

• Tapi: 100 રૂપિયામાં મોટી દુર્ઘટનાને આમંત્રણ!
• 100ની કટકી... અને જીવ સાથે મોટી રમત!
• ગુજરાત ફર્સ્ટ પર સૌથી મોટુ સ્ટિંગ ઓપરેશન

Tapi: ગુજરાતમાં તાજેતરમાં બનેલ ગંભીરા બ્રિજ ઘટના જેવી બીજી ઘટના બનવાની રાહ જોવાઇ રહી છે. જેમાં તાપી જિલ્લાનું તંત્ર સોનગઢ ઉકાઈથી માંડવી જતાં માર્ગ પર આવેલ તાપી નદી ઉપરનો જર્જરિત હિન્દુસ્તાન બ્રિજ પર ભારે વાહનો પર અવર જવર માટે પ્રતિબંધ છે. છતાં ત્યાં બંદોબસ્તમાં ઉપસ્થિત ખાખી ધારી GRD જવાનો ભારે મોટા વાહનો પાસે હપ્તા લઈ વાહનો જોખમી રીતે પ્રસાર કરી રહ્યા છે.

અગાઉ તંત્રની બેદરકારીને લીધે નાગરિકોનો ભોગ લેવાયો હતો

અગાઉ તંત્રની બેદરકારીને લીધે નાગરિકોનો ભોગ લેવાયો હતો. જે બાદ રાજ્ય સરકારના આદેશ બાદ તમામ બ્રિજનું નિરીક્ષણ કાર્ય કરવામાં આવ્યુ હતુ. જેમાં તાપી જિલ્લાના સોનગઢ - ઉકાઈથી સુરત જિલ્લાના માંડવી જતાં માર્ગ પર આવેલ તાપી નદી પરનો વર્ષો જૂનો હિન્દુસ્તાન બ્રિજ નબળો જાહેર થયો હતો. આ હિન્દુસ્તાન બ્રિજ પર ભારે મોટા વાહનોની અવર જવર પર પ્રતિબંધ તંત્ર દ્વારા મૂકવામાં આવ્યો હતો. આ પ્રતિબંધ હજુ 14/11/2025 સુધી છે આ જર્જરિત હિન્દુસ્તાન બ્રિજના એક સાઇટના ભાગ પર સળિયા નથી મરામતનું કામ પણ થઈ રહ્યું છે અને તે સમયે ત્યાં ઉપસ્થિત GRD જવાનો રહેમ નજરે વાહનોની અવર પણ થઈ રહી છે.

Tapi: ટ્રક ચાલકોએ જણાવ્યું કે આ લોકો ગેરકાયદેસર રીતે હપ્તા લે છે

ઉલ્લેખનીય છે કે ટ્રક ચાલકોએ જણાવ્યું કે આ લોકો ગેરકાયદેસર રીતે હપ્તા લે છે અને વાહનો જવા દેશે. ત્યારે રાત્રિ દરમિયાન ગુજરાત ફર્સ્ટના રિપોર્ટર દ્વારા સ્ટિંગ ઓપરેશન હાથ ધર્યું હતુ. જેમાં ટ્રક પ્રસાર થતા ખાખી ધારીઓનો હપ્તા ઉઘરાવતો અંગત વ્યક્તિ અવર જવર કરતી ટ્રકો જોડે 100, 200, 300 જેટલી રકમના હપ્તા ઉઘરાવતો ગુજરાત ફર્સ્ટના કેમેરા કેદ થયો હતો. ત્યાર બાદ ત્યાંથી પ્રસાર થઈ થોડા અંતરે પહોંચેલા ભારે વાહનો જોડે પૂછપરછ કરતા વાહન ચાલકોએ જણાવ્યું હતું કે GRD જવાનો સહિત પોલીસ રોજ બ્રિજ પરથી વાહન પ્રસાર કરવાના 100, 200, 300 જેટલી રકમ લઇ લે છે.

આ પણ વાંચો: Junagadh: ભારતી આશ્રમમાં લઘુમહંત ગુમ થવાના મામલે મોટા સમાચાર સામે આવ્યા