Bharuch News: ભરૂચ ડિસ્ટ્રિક્ટ બેંકમાં નકલી ખાતા કૌભાંડ, 40 નકલી એકાઉન્ટ ઝડપાયા

40 નકલી એકાઉન્ટનો ભાંડો ફૂટ્યો

પોલીસ તપાસમાં એવું બહાર આવ્યું છે કે, આરોપીઓએ બેંકની લલ્લુભાઈ ચકલા શાખામાં એક-બે નહીં પણ આખા 40જેટલા નકલી ખાતા ખોલાવ્યા હતા. આ એકાઉન્ટનો ઉપયોગ મુખ્યત્વે બેંક ખાતા ભાડે આપવા (Bank Account Renting) માટે કરવામાં આવતો હતો. સાયબર ગુનેગારો આ ખાતાઓનો ઉપયોગ કરીને કાળા નાણાની હેરફેર અને ગેરકાયદેસર આર્થિક વ્યવહારો (Financial Transactions) કરતા હોવાનું પ્રાથમિક તપાસમાં જણાઈ આવ્યું છે. કરોડોના આ કૌભાંડમાં બેંકિંગ સિસ્ટમ સાથે છેડા કરવામાં આવ્યા હોવાનું સ્પષ્ટ દેખાય છે.

ત્રણ લોકો સામે ગુનો દાખલ

આ સમગ્ર પ્રકરણમાં નકલી ઓળખ ધારણ કરીને બેંક ખાતા ખોલાવતી એક ત્રિપુટી પોલીસના રડારમાં આવી છે. પોલીસે આ મામલે એજાજ ઉર્ફે રોનક અલ્તાફ ખાન પઠાણ (રહે. મોના પાર્ક), અફવાન ઉસ્માન કાની અને અનીશ ઉસ્માન પઠાણ (બંને રહે. મદીના પાર્ક, નવો ભરૂચ) સામે ગુનો દાખલ (Registered Case) કર્યો છે. આ ત્રણેય આરોપીઓ અલગ-અલગ વ્યક્તિઓના નકલી નામ અને દસ્તાવેજોનો ઉપયોગ કરી બેંકના કર્મચારીઓને પણ અંધારામાં રાખીને આ કૌભાંડ ચલાવી રહ્યા હતા.

વધુ તપાસ હાથ ધરાઈ

ભરૂચ સાયબર ક્રાઈમ પોલીસે ગુનો દાખલ કરી ત્રણેય આરોપીઓની શોધખોળ શરૂ કરી છે. સાથે સાથે આ એકાઉન્ટમાં થયેલા નાણાકીય વ્યવહારોની ઊંડાણપૂર્વક તપાસ કરી રહી છે, જેથી આ કૌભાંડના માસ્ટરમાઇન્ડ સુધી પહોંચી શકાય.

આ પણ વાંચોઃ Surat ઇકો સેલની મોટી કાર્યવાહી, કરોડોની છેતરપિંડી કેસમાં વધુ એક આરોપી ઝડપાયો, જાણો વધુ