Gujarat Rain Update: ગુજરાતમાં મેઘરાજાની તોફાની બેટિંગ, 8 કલાકમાં 141 તાલુકા પાણી-પાણી, જાણો ક્યાં કેટલો પડ્યો વરસાદ

સુરત જિલ્લો રેડ એલર્ટ પર: કામરેજ અને શહેરમાં રેકોર્ડબ્રેક વરસાદ

આજના વરસાદમાં સૌથી ગંભીર સ્થિતિ સુરત (Surat) જિલ્લામાં જોવા મળી છે. સુરતના કામરેજ (Kamrej) તાલુકામાં માત્ર 8 કલાકમાં જ 8  ઇંચથી વધુ વરસાદ ખાબકતાં સર્વત્ર પાણી ફરી વળ્યા છે. બીજી તરફ, સુરત શહેરમાં (Surat City) પણ આકાશી આફત જેવો 7 ઇંચ વરસાદ નોંધાયો છે, જેના કારણે શહેરના મુખ્ય માર્ગો, અંડરપાસ અને સોસાયટીઓમાં ઘૂંટણસમા પાણી ભરાઈ ગયા છે અને જનજીવન પ્રભાવિત થયું છે.

પલસાણા, નવસારી અને સુબીરમાં પણ મેઘતાંડવ

સુરત ઉપરાંત દક્ષિણ ગુજરાતના અન્ય જિલ્લાઓમાં પણ પરિસ્થિતિ ચિંતાજનક છે. પલસાણા (Palsana), નવસારી (Navsari) અને ડાંગના સુબીર (Subir) પંથકમાં 5 ઇંચથી વધુ વરસાદ ખાબક્યો છે. જ્યારે જલાલપોર (Jalalpore) અને બારડોલી (Bardoli) તાલુકામાં પણ 5 ઇંચ સુધીનો ભારે વરસાદ નોંધાતા સ્થાનિક નદી નાળાઓમાં પૂર જેવી સ્થિતિ સર્જાઈ છે.

રાજ્યના અન્ય વિસ્તારોમાં વરસાદી આંકડાની સ્થિતિ

કંટ્રોલ રૂમના સત્તાવાર આંકડા મુજબ, રાજ્યના અન્ય 6 તાલુકામાં 4 ઇંચથી વધુ અને 9 તાલુકામાં 3 ઇંચથી વધુ વરસાદ ખાબક્યો છે. આ સિવાય ગુજરાતના બાકીના અન્ય તાલુકાઓમાં અડધા ઇંચથી લઈને 2 ઇંચ સુધીનો મધ્યમથી ભારે વરસાદ નોંધાયો છે. સતત વરસી રહેલા આ વરસાદને પગલે પ્રશાસન (Administration) પણ એલર્ટ મોડ પર છે.

આ પણ વાંચો: Surat સહિત દક્ષિણ ગુજરાતમાં મેઘતાંડવ: આંગણવાડીથી લઈ કોલેજો સુધી બધું જ બંધ, તંત્ર સજ્જ