Surat : મમતા મલ્ટિ-સ્પેશિયાલિટી હોસ્પિટલમાં ગેરકાયદે ગર્ભપાતનું રેકેટ ઝડપાયું
Surat : સુરતમાં ગેરકાયદે ગર્ભ પરિક્ષણના રેકેટનો પર્દાફાશ કરવામાં આવ્યો છે, મમતા મલ્ટિ સ્પેશિયાલિટી હોસ્પિટલમાં ગર્ભ પરિક્ષણ ઝડપાયું છે અને ફાર્માસિસ્ટ દર્દીઓના ગેરકાયદે ગર્ભ પરિક્ષણ કરાવતો હોવાની વાત સામે આવી છે, ઝડપાયેલ ફાર્માસિસ્ટ રામગોપાલ ખંડેલવાલ અગાઉ પણ ગર્ભ પરિક્ષણમાં ઝડપાયો હતો, રામગોપાલ ગર્ભપાતના ઓપરેશન પણ કરાવતો હતો. સુરત જિલ્લા આરોગ્ય અધિકારીની રેડમાં રેકેટ સામે આવ્યું છે. અને હોસ્પિટલને સીલ કરવામાં આવી છે.
Advertisement
- Surat જિલ્લા આરોગ્ય અધિકારીની મોટી કાર્યવાહી
- ડોક્ટર ન હોવા છતાં રામગોપાલ ઓપરેશન કરતો હતો
- રેડ દરમિયાન ગર્ભપાત કરાવવા આવેલી મહિલાઓ મળી આવી
- રામગોપલ સામે PCNDT એક્ટની કલમ હેઠળ ગુનો નોંધાયો
- હોસ્પિટલના સ્ટાફની પણ પૂછપરછ કરવામાં આવી
Surat : સુરત જિલ્લા આરોગ્ય વિભાગની (health department) મોટી કાર્યવાહી સામે આવી છે, જેમાં ગર્ભ પરિક્ષણને લઈ પર્દાફાશ કરવામાં આવ્યો છે. આરોગ્ય વિભાગને બાતમી મળી હતી કે, મમતા મલ્ટિ સ્પેશિયાલિટી હોસ્પિટલમાં (hospital) ગેર કાયદેસર રીતે ગર્ભ પરિક્ષણ કરવામાં આવે છે અને તે બાતમીના આધારે કાર્યવાહી કરવામાં આવી છે. સુરતના વરાછા વિસ્તારમાં આ હોસ્પિટલ આવેલી છે. તો જિલ્લા આરોગ્ય વિભાગની ટીમને હોસ્પિટલમાં લાંબા સમયથી ગર્ભ પરીક્ષણની ગેરપ્રવૃતિ થતી હોવાની આશંકા સેવાઈ રહી છે.