Surat: સચિન GIDCની એથર કંપનીના વેરહાઉસમાં ભીષણ આગ, ફાયરબ્રિગેડ ઘટનાસ્થળે

• Surat: સચિન GIDC વિસ્તારમાં ભીષણ આગ
• એથર કંપનીના વેરહાઉસમાં આગ બેકાબૂ
• વેરહાઉસમાં કેમિકલ હોવાથી 30થી વધુ બ્લાસ્ટ

Surat: સુરતના સચિન (Sachin) GIDC વિસ્તારમાં આજે એથર કંપનીના વેરહાઉસમાં ભીષણ આગ ફાટી નીકળતા અફરાતફરીનો માહોલ સર્જાયો  છે. આ ઘટનાની જાણ થતા જ ફાયર બ્રિગેડ (Fire Brigade) ની ગાડીઓ તાત્કાલિક ઘટનાસ્થળે દોડી ગઈ અને આગ પર કાબૂ મેળવવાની કામગીરી શરૂ કરવામાં આવી છે.

Surat: કેમિકલના કારણે શ્રેણીબદ્ધ બ્લાસ્ટ

મળતી પ્રાથિક માહિતી મુજબ સચિન (Sachin) GIDCમાં આવેલી એથર કંપનીના વેરહાઉસમાં મોટી માત્રામાં કેમિકલનો જથ્થો સંગ્રહિત છે. તેમાં આગ લાગ્યા બાદ કેમિકલના સંપર્કમાં આવતાં જ એક પછી એક એમ 30થી વધુ પ્રચંડ બ્લાસ્ટ (Blasts) થયા છે. આ બ્લાસ્ટ એટલા શક્તિશાળી હતા કે તેનો અવાજ દૂર-દૂર સુધી સંભળાયો, જેના કારણે આસપાસની અન્ય કંપનીઓમાં કામ કરતા શ્રમિકોમાં ફફડાટ ફેલાઈ ગયો છે.

Surat | કંપનીના વેરહાઉસમાં આગ બાદ થયો અચાનક જોરદાર બ્લાસ્ટ | Gujarat First

બ્લાસ્ટનો લાઇવ વીડિયો આવ્યો સામે

સુરત સચિન એથર કંપનીના વેરહાઉસમાં બ્લાસ્ટનો વીડિયો
કંપનીના વેરહાઉસમાં આગ બાદ બ્લાસ્ટનો લાઇવ વીડિયો
કંપનીના વેરહાઉસમાં આગ બાદ 25થી વધુ બ્લાસ્ટ થયા
એથર કંપનીના કેમિકલ… pic.twitter.com/Lnv4k95JfY

— Gujarat First (@GujaratFirst) March 11, 2026

ફાયર ફાઈટિંગની કામગીરી ચાલુ

ઘટનાની ગંભીરતાને જોતા સુરત ફાયર વિભાગ (Surat Fire Department) દ્વારા મેજર કોલ (Major Call) જાહેર કરવામાં આવ્યો છે. હાલમાં 10થી વધુ ફાયર ટેન્ડરો ઘટનાસ્થળે આગ બુઝાવવાની કામગીરી કરી રહ્યા છે. પેપર મિલમાં કાગળનો મોટો જથ્થો હોવાને કારણે આગ ઝડપથી પ્રસરી રહી છે, જેને રોકવા માટે ફાયરના જવાનો ભારે જહેમત ઉઠાવી રહ્યા છે. સદનસીબે હજુ સુધી કોઈ જાનહાનિના સમાચાર પ્રાપ્ત થયા નથી. આગ લાગવા પાછળનું કારણ હજુ સુધી બહાર આવ્યું નથી.

આ પણ વાંચોઃ Surat: અશ્લીલ વીડિયો બનાવી અસલી રંગ બતાવ્યો, પરિચિતોએ જ આધેડને હની ટ્રેપમાં ફસાવ્યા!