PM Modi in Surat: વડાપ્રધાન નરેન્દ્રભાઈ મોદી (PM Narendra Modi) આજે પોતાના નિર્ધારિત કાર્યક્રમ મુજબ સુરત એરપોર્ટ ખાતે આવી પહોંચ્યા છે, જ્યાં શહેર ભાજપના પદાધિકારીઓ અને કાર્યકરો દ્વારા તેમનું ભવ્ય અને ઉત્સાહભેર સ્વાગત કરવામાં આવ્યું હતું. વડાપ્રધાનના આ હાઈ-પ્રોફાઈલ પ્રવાસને લઈને સુરત ડાયમંડ સિટીમાં લોખંડી સુરક્ષા વ્યવસ્થા ગોઠવી દેવામાં આવી છે. પીએમ મોદી સુરત અને ત્યારબાદ દમણના પ્રવાસે જવાના છે, જેમાં તેઓ કરોડો રૂપિયાના વિકાસ પ્રકલ્પોની ભેટ જનતાને આપશે.
PM મોદી પહોંચ્યા સુરત
સુરત એરપોર્ટ પર ઉતરાણ કર્યા બાદ પીએમ મોદી ચોપર (હેલિકોપ્ટર) દ્વારા સીધા હજીરા સ્થિત L&Tના ડિફેન્સ પ્લાન્ટ (L&T Defense Plant) ની મુલાકાતે પહોંચ્યા છે. અહીં PM મોદીએ હજીરા સ્થિત પ્લાન્ટની મુલાકાત લીધી હતી અને ભારતીય સેના માટે બનાવેલા હથિયારોનું નિરીક્ષણ કર્યું હતું.
ઈન્ડોર સ્ટેડિયમ ખાતે પીએમ મોદીની જાહેર સભા
હજીરાનો આ મહત્વપૂર્ણ કાર્યક્રમ પૂર્ણ કર્યા બાદ તેઓ પરત સુરત એરપોર્ટ આવશે અને ત્યાંથી બાય રોડ (માર્ગ માર્ગે) સાંજે 4:00 થી 4:30 વાગ્યાની આસપાસ ઇન્ડોર સ્ટેડિયમ ખાતે પહોંચશે. ઈન્ડોર સ્ટેડિયમ ખાતે પીએમ મોદીને આવકારવા માટે અને તેમની જાહેર સભાને સાંભળવા માટે માનવમહેરામણ ઉમટી પડ્યો છે.
રુ. 18,000 કરોડના કામોનું લોકાર્પણ અને ખાતમુહૂર્ત
ઇન્ડોર સ્ટેડિયમ ખાતે આયોજિત ભવ્ય મુખ્ય કાર્યક્રમમાં પીએમ મોદીના હસ્તે કેન્દ્ર અને રાજ્ય સરકારના રુ. 18,000 કરોડથી વધુના વિવિધ વિકાસલક્ષી પ્રોજેક્ટોનું લોકાર્પણ અને ખાતમુહૂર્ત વિધિ કરવામાં આવશે. આ ઐતિહાસિક ક્ષણના સાક્ષી બનવા માટે રાજ્યના મુખ્યમંત્રી ભૂપેન્દ્રભાઈ પટેલ (CM Bhupendra Patel), રાજ્યના નાયબ મુખ્યમંત્રી હર્ષભાઈ સંઘવી (DyCM Harsh Sanghavi) તેમજ કેન્દ્રીય કેબિનેટ જળશક્તિ મંત્રી સી.આર. પાટીલ (C R Paatil) સહિત રાજ્ય મંત્રીમંડળના અનેક સભ્યો ઉપસ્થિત રહ્યા છે. આ કાર્યક્રમ પૂર્ણ કરીને વડાપ્રધાન દમણ જવા રવાના થશે.
આ પણ વાંચો: PM Modi In Gujarat : દક્ષિણ ગુજરાત માટે આજે ઐતિહાસિક દિવસ, રૂ.18 હજાર કરોડથી વધુના પ્રોજેક્ટ્સનું થશે લોકાર્પણ
