PM Narendra Modi Surat Visit: PM મોદીના હસ્તે 18,800 કરોડના વિકાસકામોનું લોકાર્પણ અને ખાતમૂહૂર્ત

ગુજરાત અને મહારાષ્ટ્રની કનેક્ટિવિટી બની મજબૂત

વડાપ્રધાનના હસ્તે વડોદરા-મુંબઈ એક્સપ્રેસવેના પેકેજ VI અને VII ને રાષ્ટ્રને સમર્પિત કરવામાં આવ્યા. આ પ્રોજેક્ટના અમલીકરણથી ગુજરાત અને મહારાષ્ટ્ર વચ્ચેની કનેક્ટિવિટીમાં મોટો સુધારો જોવા મળશે. હાઈ-સ્પીડ ટ્રાન્સપોર્ટેશન અને લોજિસ્ટિક્સ ક્ષમતામાં થનારા આ વધારાથી વેપાર-ઉદ્યોગને નવું બળ મળશે. આ સાથે જ, NH-56 પરના મહત્વપૂર્ણ સેક્શન્સને ફોર-લેન બનાવવાની કામગીરીનો પણ પ્રારંભ કરવામાં આવ્યો છે, જે સ્ટેચ્યુ ઓફ યુનિટી સુધી પહોંચવામાં કનેક્ટિવિટીને વધુ સરળ અને ઝડપી બનાવશે.

200 બેડની હોસ્પિટલનું  ઉદ્ઘાટન

આરોગ્ય ક્ષેત્રે પણ સુરત માટે આજે ઐતિહાસિક દિવસ રહ્યો છે. સુરતમાં 200 બેડની અત્યાધુનિક ESIC હોસ્પિટલનું વડાપ્રધાનના હસ્તે ઉદ્ઘાટન કરવામાં આવ્યું. આ હોસ્પિટલ સેન્ટ્રલ લેબોરેટરી અને ઇમરજન્સી સેવા કેન્દ્ર જેવી અદ્યતન સુવિધાઓથી સજ્જ છે, જેનાથી આસપાસના વિસ્તારના કામદારો અને નાગરિકોને ઘરઆંગણે શ્રેષ્ઠ આરોગ્ય સેવાઓ મળી રહેશે.

ઉર્જા ક્ષેત્રે પણ મોટી સિદ્ધિ

ઉર્જા ક્ષેત્રે પણ મોટી સિદ્ધિ હાંસલ કરતા, વીજ નિકાસ ક્ષમતા વધારવા માટેના પ્રોજેક્ટ્સનું ઉદ્ઘાટન કરવામાં આવ્યું. આ સિવાય રાજ્ય સરકાર દ્વારા હાથ ધરવામાં આવેલી કેટલીક મહત્વપૂર્ણ પહેલોનું પણ લોકાર્પણ કરવામાં આવ્યું છે.  આ પ્રસંગે મોટી સંખ્યામાં સુરતવાસીઓ અને અગ્રણીઓ ઉપસ્થિત રહ્યા હતા અને વડાપ્રધાનના આગમનને ઉત્સાહભેર વધાવી લીધું હતું.

આ પણ વાંચોઃ PM Narendra Modi Hazira Visit: દુશ્મનો હવે સાવધાન, PM મોદીના વિઝનથી ભારત બન્યું સુરક્ષામાં અભેદ્ય