Surat Accident : ઇચ્છાપોરમાં બે કન્ટેનર વચ્ચે અકસ્માત, ડ્રાઈવરનો ચમત્કારીક બચાવ

ડ્રાઈવરનું કરાયું દિલધડક રેસ્ક્યું

ઘટનાની ગંભીરતાને ધ્યાનમાં રાખીને તાત્કાલિક સ્થાનિક લોકો અને તંત્ર દ્વારા ફાયર વિભાગને જાણ કરવામાં આવી હતી. માહિતી મળતાની સાથે જ ફાયર વિભાગની ટીમ તાત્કાલિક ઘટનાસ્થળે દોડી આવી હતી અને યુદ્ધના ધોરણે રેસ્ક્યુ ઓપરેશન શરૂ કર્યું હતું. ફાયર જવાનોએ ભારે જહેમત અને કટર તથા અન્ય સાધનોની મદદથી કન્ટેનરના ક્ષતિગ્રસ્ત ભાગને કાપીને ફસાયેલા ડ્રાઇવરને બહાર કાઢવાની કામગીરી હાથ ધરી હતી.

ગંભીર અકસ્માતથી રસ્તા પર ટ્રાફિક જામ

કલાકોની મહેનત બાદ ફાયર જવાનોએ ડ્રાઇવરને હેમખેમ અને સુરક્ષિત રીતે કેબિનમાંથી બહાર કાઢી લીધા હતા. સદભાગ્યે, સમયસર રેસ્ક્યુ ઓપરેશન શરૂ થઈ જવાના કારણે આ મોટી દુર્ઘટનામાં કોઈ પણ પ્રકારની જાનહાની થઈ ન હતી અને ડ્રાઇવરનો ચમત્કારિક બચાવ થયો હતો. આ અકસ્માતના કારણે થોડા સમય માટે હાઈવે પર ટાફિક જામના દ્રશ્યો સર્જાયા હતા, પરંતુ પોલીસે સ્થળે પહોંચીને ટાફિક ક્લિયર કરાવ્યો હતો. અચાનક સર્જાયેલા આ અકસ્માતે હાઇવે પર વાહન ચલાવતા અન્ય ચાલકોમાં પણ ગંભીર ચિંતા ફેલાવી દીધી હતી, જ્યારે ડ્રાઇવરનો સુરક્ષિત બચાવ થતા સૌએ રાહતનો શ્વાસ લીધો હતો.

આ પણ વાંચો : Bhavnagar News : મેવાસા ગ્રામ પંચાયતની લાલ આંખ, દારૂ, જુગાર અને રખડતા ઢોર પર મૂકાયો કડક પ્રતિબંધ