Surat: સચિન GIDC માં હૃદયદ્રાવક અકસ્માત, 4 વર્ષીય માસૂમનું કારની ટક્કરે મોત

માસૂમ આયુષ માતાના ખોળામાં હતો

મૃતક બાળકનું નામ આયુષ વિનેશ ગરાસીયા (Ayush Vinesh Garasiya) હોવાનું જાણવા મળ્યું છે. આયુષ મૂળ રાજસ્થાનનો વતની હતો અને તેનો પરિવાર સુરતમાં મજૂરીકામ (Labor work) કરી પોતાનું ગુજરાન ચલાવી રહ્યો હતો. પ્રાપ્ત માહિતી અનુસાર, અકસ્માત સમયે માસૂમ આયુષ તેની માતાના ખોળામાં હતો. તે જ સમયે પૂરઝડપે આવેલી એક ઇકો કારે જોરદાર ટક્કર મારી હતી, જેના કારણે કાર સીધી બાળક પર ચઢી ગઈ હતી.

કારચાલક ફરાર

પરિવારજનોના જણાવ્યા અનુસાર, અકસ્માત સર્જીને કારચાલક (Car Driver) ઘટનાસ્થળ પરથી ફરાર થઈ ગયો છે. આ ગંભીર બેદરકારીને લઈને પરિવારજનોએ કારચાલક સામે કડક કાર્યવાહીની માગ કરી છે. અકસ્માત બાદ બાળકને ગંભીર હાલતમાં તાત્કાલિક સારવાર માટે નજીકની હોસ્પિટલ ખસેડવામાં આવ્યો હતો, પરંતુ ફરજ પરના તબીબોએ તેને મૃત જાહેર કર્યો હતો.

પરિવારમાં ભારે આક્રંદ

બાળકના મોતથી પરિવાર પર આભ તૂટી પડ્યું છે. હોસ્પિટલના પોસ્ટમોર્ટમ રૂમ (PM Room) બહાર પરિવારમાં ભારે શોક જોવા મળ્યો હતો.  માતા-પિતાના હૃદયદ્રાવક આક્રંદથી ત્યાં હાજર સૌ કોઈની આંખો ભીની થઈ ગઈ હતી.

સમાજ અગ્રણી હિતેશભાઈએ જણાવ્યું હતું કે, આ માસૂમ જીવના મોત માટે જવાબદાર વ્યક્તિ સામે કાયદાકીય રાહે કડકમાં કડક પગલાં લેવામાં આવે તેવી અમારી માગ છે. હાલ સચિન પોલીસ (Sachin Police) આ મામલે ગુનો નોંધીને ફરાર ચાલકની શોધખોળ હાથ ધરી રહી છે.

આ પણ વાંચોઃ Surat માં શરમજનક ઘટના, પિતાએ રોકેલા વકીલે જ પુત્રી પર દુષ્કર્મ આચર્યું, ઘટના જાણી હચમચી જશો