Surat Kidnapping Case: ગર્લ્ફ્રેન્ડે મિત્રતા તોડી, યુવક ગુસ્સો ફૂટ્યો, યુવતીના પિતાનું જ કરી લીધુ અપહરણ, 3ની ધરપકડ
સુરતના અલથાણમાં યુવતી સાથેની મિત્રતા તૂટતા યુવક રોષે ભરાયો હોવાનો આરોપ છે. યુવતી વાત કરતી ન હોવાથી યુવકે તેની માતાને ફોન કર્યો હતો અને બાદમાં યુવતી માફી માંગે તેવી જીદ પકડી હતી. યુવતીની ગેરહાજરીમાં તેના વેપારી પિતાનું પિસ્તોલ અને ચપ્પુ બતાવી અપહરણ કરાયું હોવાનો આક્ષેપ છે. પરિવારની ફરિયાદ બાદ અલથાણ પોલીસે ગણતરીના કલાકોમાં 3 આરોપીઓને ઝડપી પાડ્યા અને વેપારીને મુક્ત કરાવ્યો હતો.
Advertisement
Surat Kidnapping Case: સુરતના અલથાણ વિસ્તારમાં વેપારીના અપહરણની ચકચારી ઘટના સામે આવી છે. યુવતી સાથેની મિત્રતા તૂટી જતા યુવક રોષે ભરાયો હતો. યુવતી વાત કરતી ન હોવાથી યુવકે તેની માતાને ફોન કર્યો હતો. આ દરમિયાન માતા સાથે ગાળાગાળી અને દુર્વ્યવહાર કર્યો હોવાનો પણ આરોપ કરાયો છે. આ વાતને લઈને યુવતી માફી માંગે તેવી યુવક જીદ પકડી બેઠો હતો.