Surat: ડિસ્ટ્રિક્ટ કોર્ટમાં બોમ્બ મૂક્યો હોવાની મળી ધમકી
- Surat: ધમકી ભર્યો નનામી ફોન કોલ આવતા પોલીસ દોડતી થઈ
- સુરક્ષા કારણોસર આજના દિવસે વકીલ કે અરજદાર માટે કોર્ટ બંધ
- સ્થાનિક પોલીસ સહીત ડોગ સ્ક્વોર્ડની ટીમો ઘટના સ્થળે પહોંચી
Surat: સુરતમાં ડિસ્ટ્રિક્ટ કોર્ટમાં બોમ્બ મૂક્યો હોવાની ધમકી મળી છે. જેમાં ધમકી ભર્યો નનામી ફોન કોલ આવતા પોલીસ દોડતી થઈ છે. તથા સુરક્ષા કારણોસર આજના દિવસે વકીલ કે અરજદાર માટે કોર્ટ બંધ રહેશે. સ્થાનિક પોલીસ સહીત ડોગ સ્ક્વોર્ડની ટીમો ઘટના સ્થળે પહોંચી છે. તથા કોર્ટની તમામ રૂમ અને પરિસરની તપાસ કરવા આવી રહી છે.
ગઇકાલે Ahmedabad ગ્રામ્ય કોર્ટને ધમકી મળી હતી
ગઇકાલે Ahmedabad ગ્રામ્ય કોર્ટને ધમકી મળી હતી. અમદાવાદ ગ્રામ્ય કોર્ટનાં રજિસ્ટ્રી વિભાગને ઈમેલ થકી ધમકી મળી હતી. ત્યારે ગ્રામ્ય કોર્ટની ધમકી મળતા કોર્ટની કાર્યવાહી સ્થગિત કરાઈ હતી. તથા બોમ્બ સ્ક્વોડ ડોગ સ્ક્વોડ સહિતની ટીમો ગ્રામ્ય કોર્ટમાં તપાસ માટે પહોંચી હતી જેમાં કોઇ વાંધાજનક વસ્તુ મળી આવી ન હતી.
સુરતમાં ડિસ્ટ્રિક્ટ કોર્ટમાં બોમ્બ મૂક્યો હોવાની મળી ધમકી
સુરત કોર્ટના ઓફિસિયલ ઈમેઈલ પર આવ્યો હતો મેઈલ
સુરત ડિસ્ટ્રીક્ટ કોર્ટ બિલ્ડિંગ અને પરિસરમાં સઘન તપાસ
ડોગ સ્ક્વોડ અને બોમ્બ સ્ક્વોડ દ્વારા તપાસ કરવામાં આવી
હમણાં સુધી કોઈ વાંધાજનક વસ્તુ મળી નથી
મુખ્ય જિલ્લા સરકારી વકીલ નયન… pic.twitter.com/UYI1jPQauo— Gujarat First (@GujaratFirst) January 6, 2026
મહિના પહેલા ગુજરાત હાઈકોર્ટને બોમ્બની ધમકીભર્યો ઈ-મેલ મળ્યો હતો
મહિના પહેલા ગુજરાત હાઈકોર્ટને બોમ્બની ધમકીભર્યો ઈ-મેલ મળતા દોડધામ મચી હતી. ધમકીના પગલે બોમ્બ અને ડોગ સ્ક્વોડ હાઈકોર્ટ પહોંચી હતી અને તપાસ હાથ ધરી હતી. તેજ સમયે ઈન્ડિગોની ફ્લાઈટમાં બોમ્બ હોવાની ધમકી મળતા અમદાવાદ એરપોર્ટ પર ફ્લાઈટનું ઈમરજન્સી લેન્ડિંગ કરાયું હતુ. ત્યારે જ હાઈકોર્ટને પણ ધમકીભર્યો ઇ-મેલ મળ્યો હોવાનું સામે આવ્યું હતુ.
અજાણી વ્યક્તિ દ્વારા ધમકીભર્યો હાઈકોર્ટને ઇ-મેલ કરવામાં આવ્યો
20 ઓગસ્ટના રોજ પણ ગુજરાત હાઈકોર્ટને બોમ્બથી ઉડાવી દેવાની ધમકી મળી હતી. અજાણી વ્યક્તિ દ્વારા ધમકીભર્યો હાઈકોર્ટને ઇ-મેલ કરવામાં આવ્યો હતો. હાઈકોર્ટના રજીસ્ટ્રાર દ્વારા સોલા પોલીસને આ અંગે જાણ કરવામાં આવી હતી. જે બાદ પોલીસ દ્વારા તાત્કાલિક હાઈકોર્ટ પહોંચી તપાસ કરવામાં આવી હતી. BDDS સહિતની તમામ ટીમ તપાસમાં જોડાઈ હતી. તપાસના અંતે કોર્ટમાંથી કોઈપણ શંકાસ્પદ વસ્તુ મળી આવી નહોંતી.
આ પણ વાંચો: Weather News: હવામાન વિભાગે કરી બેવડી ઋતુની આગાહી, જાણો કયા પડશે વરસાદ અને ઠંડી