• CM ભૂપેન્દ્રભાઈ પટેલની Surat Visit
• સાંજે યોજાશે મુખ્યમંત્રીની વિશાળ જનસમર્થન યાત્રા
• નાના વરાછાથી હીરાબાગ સુધી યોજાશે ભવ્ય રોડ શો
• વોર્ડ નં-3 અને 4 ના કાર્યાલયોએ થશે સ્વાગત
• સાંજે 4 વાગ્યે જનસમર્થન યાત્રાનો થશે પ્રારંભ
• ચૂંટણી પહેલા ભાજપની રાજકીય ગતિવિધિઓ તેજ
• સાંસદો, ધારાસભ્યો અને સંગઠનના હોદ્દેદારો જોડાશે
• શહેર ભાજપ દ્વારા રોડ શો માટે તડામાર તૈયારીઓ
• મુખ્યમંત્રીના આગમનને લઈને સુરતમાં લોખંડી સુરક્ષા

CM Bhupendrabhai Patel Surat Visit: ગુજરાતના મુખ્યમંત્રીની આજે સુરત (Surat) શહેરની મુલાકાત નિર્ધારિત કરવામાં આવી છે. આ વીવીઆઈપી મુલાકાતને અનુલક્ષીને સુરત મહાનગરપાલિકા (Surat Municipal Corporation - SMC) દ્વારા સુરક્ષાના કારણોસર મોટો નિર્ણય લેવામાં આવ્યો છે. વહીવટી તંત્રની સૂચના મુજબ, આજે સુરત સિટી બસ (City Bus) અને બીઆરટીએસ (BRTS) સેવાના નવ જેટલા રૂટ સંપૂર્ણપણે બંધ રાખવામાં આવશે, જ્યારે કેટલાક રૂટ પર બસોના સમય અને માર્ગમાં ફેરફાર કરવામાં આવ્યો છે.

આ રૂટ પર બસ સેવા રહેશે બંધ

મુખ્યમંત્રીના આગમનને પગલે શહેરના કેટલાક વિસ્તારોમાં સુરક્ષા વ્યવસ્થા સઘન બનાવવામાં આવી છે. આ રૂટ પર બંદોબસ્તના સમયગાળા દરમિયાન બસ સેવા બંધ રહેશે, જેના કારણે દરરોજ મુસાફરી કરતા સામાન્ય નાગરિકોને મુશ્કેલીનો સામનો કરવો પડી શકે છે. પાલિકા તંત્ર દ્વારા મળતી માહિતી મુજબ, જે રૂટ બંધ રાખવામાં આવ્યા છે તેમાં ચોક ટર્મિનલ (Chowk Terminal) થી પી.કે. પીઠાવાલા કોલેજ (P.K. Pithawala College), ઉમરા ગામ (Umra Gam) થી કાપોદ્રા (Kapodra), ચોક ટર્મિનલથી ભીમપોર (Bhimpor), ચોક ટર્મિનલથી કાંડી ફળિયા જહાંગીરપુરા (Kandi Faliya Jahangirpura), કડોદરા (Kadodara) થી કડોદરા, કોસાડ ડેપો (Kosad Depot) થી સચિન જીઆઈડીસી (Sachin GIDC), રેલવે સ્ટેશન (Railway Station) થી ઉતરાયણ આરઓબી (Uttran ROB), ઓએનજીસી કોલોની (ONGC Colony) થી કોસાડ ઈડબલ્યુએસ (Kosad EWS) અને કામરેજ ટર્મિનલ (Kamrej Terminal) થી પાલ આરટીઓ (Pal RTO) સહિતના કુલ 8 મુખ્ય રૂટનો સમાવેશ થાય છે.

બસોના રૂટમાં પણ ફેરફાર

માત્ર રૂટ બંધ જ નહીં, પરંતુ કેટલીક બસોના રૂટમાં પણ ફેરફાર કરવામાં આવ્યો છે. મુસાફરોની સુવિધા માટે તંત્રએ આ આયોજન કર્યું છે. જે મુજબ, એરપોર્ટ (Airport) થી રેલવે સ્ટેશન (Railway Station) તરફ જતી બસ સેવાને અઠવા ગેટ (Athwa Gate) સુધી જ દોડાવવાનો નિર્ણય લેવાયો છે. આ ઉપરાંત રેલવે સ્ટેશન થી વિવેકાનંદ કોલેજ (Vivekanand College), રાંદેર ગામ (Rander Gam) અને ગ્રીન સિટી (Green City) તેમજ વરિયાવ ગામ (Variyav Gam) થી રેલવે સ્ટેશન (Railway Station) સુધીની બસ સેવાઓને વાયા રીંગરોડ (Ring Road) રૂટ પર દોડાવવામાં આવશે.

ટ્રાફિક વ્યવસ્થામાં કામચલાઉ ફેરફાર

શહેરના વહીવટી તંત્ર દ્વારા નાગરિકોને અપીલ કરવામાં આવી છે કે તેઓ આ ફેરફારોને ધ્યાનમાં રાખીને જ મુસાફરીનું આયોજન કરે. વીવીઆઈપી સુરક્ષાના કારણોસર ટ્રાફિક વ્યવસ્થામાં આ ફેરફાર કામચલાઉ ધોરણે કરવામાં આવ્યા છે, જેની અસર આજે દિવસ દરમિયાન મુસાફરો પર જોવા મળશે.

આ પણ વાંચો: CM Bhupendrabhai Patel ની બોટાદમાં જાહેરસભા, કહ્યું,-'PM મોદીની વિકાસની રાજનીતિથી ફાયદો થયો'