Surat: કેન્દ્રીય મંત્રી C.R Paatil ની ભવિષ્યવાણી સાચી પડી, AAP ના સૂપડા સાફ

• Surat: કેન્દ્રીય મંત્રી C.R Paatil એ AAP ને આપી હતી ચેલેન્જ
• તાકાત હોય તો 27 સીટ જાળવી બતાવો: સી.આર.પાટીલ
• તાકાત હોય તો 27 સીટ જાળવી બતાવો: સી.આર.પાટીલ
  

Surat: જળશક્તિ મંત્રી સી.આર. પાટીલ (C.R Paatil ) એ AAP ને આપેલી ચેલેન્જ સામે ટકી શકી નથી. સુરતમાં એક જ પેનલની જીત થઈ છે, બાકી તમામ જગ્યાએ ભાજપનો ભગવો લેહરાયો છે.  ચૂંટણી પ્રચાર દરમિયાન મંત્રીએ આમ આદમી પાર્ટી (AAP) ને ખુલ્લી ચેલેન્જ (Challenge) આપતા જણાવ્યું હતું કે જો તમારામાં તાકાત હોય તો ગત ચૂંટણીની જેમ ફરી 27 બેઠકો જાળવી બતાવો. પરિણામો જોતા સ્પષ્ટ થાય છે કે જનતાએ ભાજપના પક્ષમાં મહોર મારી છે અને વિપક્ષી પાર્ટીના તમામ ગણિતો ઊંધા પડ્યા છે. મંત્રી સી.આર. પાટીલની રણનીતિ સામે વિપક્ષના તમામ દાવપેચ નિષ્ફળ (Failed) સાબિત થયા છે.

AAP ની એક જ પેનલ વિજય બની

પરિણામોના વિશ્લેષણ મુજબ સુરતમાં આમ આદમી પાર્ટીની માત્ર એક જ પેનલ (Panel) વિજયી બની છે, જે ગત ચૂંટણીના દેખાવની સરખામણીએ ખૂબ જ કંગાળ પ્રદર્શન છે. મંત્રી સી.આર. પાટીલે અગાઉ જ કહી દીધું હતું કે લોકો 'આપ' ને મત આપીને પસ્તાઈ (Regretting) રહ્યા છે અને આ વખતે જનતા તેમને પાઠ ભણાવશે. મંત્રીનો આ આત્મવિશ્વાસ આજે મતોના સ્વરૂપમાં ફેરવાયો છે. AAP ના કોઈ પણ ષડયંત્રો કે લોકપ્રિય રણનીતિઓ ભાજપના મજબૂત સંગઠન સામે ટકી શકી નથી, જેના કારણે વિપક્ષી છાવણીમાં સન્નાટો વ્યાપી ગયો છે.

મતદારોએ વિકાસના કાર્યો પર ભરોસો મૂક્યો

ચૂંટણીના આ જંગમાં ભાજપનો ભવ્ય વિજય એ સાબિત કરે છે કે મતદારોએ વિકાસના કાર્યો પર ભરોસો મૂક્યો છે. મંત્રી સી.આર. પાટીલે કરેલા દાવા મુજબ વિપક્ષ પાસે કોઈ નક્કર આયોજન નહોતું, જેનો ફાયદો શાસક પક્ષને મળ્યો છે. સુરતના રાજકારણમાં (Politics) આ પરિણામોએ ફરી એકવાર સાબિત કર્યું છે કે ગ્રાઉન્ડ લેવલ પર કરેલી મહેનત અને લોકો સાથેનો સીધો સંપર્ક જ જીત અપાવી શકે છે. વિપક્ષે કરેલા તમામ પ્રચારો અને સોશિયલ મીડિયા કેમ્પેઈન (Campaign) અંતે જનતાના દરબારમાં ફિક્કા સાબિત થયા છે અને ભાજપે મજબૂત પકડ જાળવી રાખી છે.

'ભાજપનો વિજયરથ અવિરત આગળ વધી રહ્યો છે'

ગુજરાત સ્થાનિક સ્વરાજની ચૂંટણીમાં ભારતીય જનતા પાર્ટીના શાનદાર વિજય બાદ કેન્દ્રીય જળશક્તિ મંત્રી સી.આર. પાટીલે પ્રતિક્રિયા આપતા આ જીતને જનતાનો અતૂટ વિશ્વાસ ગણાવ્યો છે. તેમણે જણાવ્યું હતું કે, સમગ્ર ગુજરાતમાં ભાજપનો વિજયરથ અવિરત આગળ વધી રહ્યો છે અને મતદાતાઓએ ફરી એકવાર વડાપ્રધાન નરેન્દ્ર મોદી (PM Narendra Modi) ના નેતૃત્વ અને ભાજપની નીતિઓ પર સંપૂર્ણ ભરોસો વ્યક્ત કર્યો છે.

જનદેશ 2026: ભાજપના ભવ્ય વિજય પર કેન્દ્રીય મંત્રી સી.આર. પાટીલની Exclusive પ્રતિક્રિયા@CRPaatil @BJP4Gujarat #GujaratFirst #Janadesh2026 #CRPatil #GujaratElectionResults #BJPWin #SuratElection #NarendraModi #GujaratPolitics #LocalBodyElection #GujaratNews pic.twitter.com/qwmP1OB3h5

— Gujarat First (@GujaratFirst) April 28, 2026

ખોટો પ્રચાર કરવાવાળા ઘર ભેગા થઈ ગયા: કેન્દ્રીય મંત્રી C.R Paatil

વિરોધ પક્ષો પર આકરા પ્રહાર કરતા ઉમેર્યું કે, જે લોકોએ નકારાત્મક અને ખોટો પ્રચાર કર્યો હતો, તેમને જનતાએ જાકારો આપી 'ઘર ભેગા' કરી દીધા છે. સુરત મહાનગરપાલિકાના ઉદાહરણ સાથે તેમણે જણાવ્યું કે, મતદાતાઓએ ભૂતકાળની ભૂલો સુધારીને ભાજપને જબરજસ્ત બહુમતી અપાવી છે. આ ઐતિહાસિક સફળતા બદલ તેમણે ગુજરાતના તમામ મતદાતાઓનો આભાર માન્યો હતો અને પક્ષના કાર્યકરો તથા આગેવાનોને અભિનંદન પાઠવ્યા હતા. અંતમાં તેમણે ભારપૂર્વક કહ્યું કે, આ પરિણામો સાબિત કરે છે કે ગુજરાતમાં માત્ર વિકાસની રાજનીતિ જ સ્વીકાર્ય છે.

આ પણ વાંચોઃ ગુજરાતની કલાકાર જોડીનો કમાલ: Rajal Barot અને Neha Suthar એ રાજકારણના મંચ પર પણ મેદાન માર્યું