• Surat Dhuleti Tragedy: ધો-10ના વિદ્યાર્થીનો 38 કલાક બાદ મૃતદેહ મળ્યો
• તાપી નદીમાં ડૂબી જતા ક્રિષ્ના ચૌહાણનું દુઃખદ અવસાન
• ધૂળેટીના દિવસે હોળી રમીને તાપી નદીમાં ન્હાવા ગયા હતા
• મિત્ર સાથે ઊંડા પાણીમાં ગરક થયો ધોરણ 10નો વિદ્યાર્થી
• 38 કલાક પછી ક્રિષ્ના ચૌહાણનો મૃતદેહ તાપી નદીમાંથી મળ્યો
• પરિવારનો એકનો એક દીકરો ગુમાવતા માતા-પિતા શોકમાં
• પિતા દુબઈમાં માતા હીરા કારખાનામાં કામ કરે છે
• બોર્ડના ત્રીજા પેપર પહેલા સુરતમાં કરુણ ઘટના બની

Surat Dhuleti Tragedy: ડાયમંડ સિટી સુરતમાં (Surat City) તહેવારની ખુશીઓ માતમમાં ફેરવાઈ ગઈ છે. ધૂળેટીના (Dhuleti Tragedy) પવિત્ર દિવસે મિત્રો સાથે હોળી રમીને તાપી નદીના (Tapi River) કિનારે ન્હાવા ગયેલા એક આશાસ્પદ કિશોરનું ડૂબી જવાથી મૃત્યુ થયું છે. ધોરણ 10માં (Standard 10) અભ્યાસ કરતા ક્રિષ્ના ચૌહાણ (Krishna Chauhan) નામના વિદ્યાર્થીનો મૃતદેહ ઘટનાના 38 કલાક બાદ નદીમાંથી મળી આવતા સમગ્ર વિસ્તારમાં અરેરાટી વ્યાપી ગઈ છે.

બોર્ડની પરીક્ષા વચ્ચે સર્જાયો કાળમુખો બનાવ

પ્રાપ્ત વિગતો અનુસાર, ક્રિષ્ના ચૌહાણ હાલમાં ચાલી રહેલી બોર્ડની (Board Exam) પરીક્ષાની તૈયારી કરી રહ્યો હતો. તેના બે પેપર પૂર્ણ થઈ ચૂક્યા હતા અને ત્રીજા પેપરની તૈયારીઓ વચ્ચે ધૂળેટીનો તહેવાર હોવાથી તે પોતાના મિત્રો અને માસીયાઈ ભાઈ (Cousin Brother) સાથે હોળી રમવા ગયો હતો. હોળી રમ્યા બાદ ન્હાવા માટે તેઓ તાપી નદીના કિનારે પહોંચ્યા હતા.

સુરતમાં ધોરણ 10ના વિદ્યાર્થીનો 38 કલાક બાદ મૃતદેહ મળ્યો
તાપી નદીમાં ડૂબી જતા ક્રિષ્ના ચૌહાણનું દુઃખદ અવસાન
ધૂળેટીના દિવસે હોળી રમીને તાપી નદીમાં ન્હાવા ગયા હતા
મિત્ર સાથે ઊંડા પાણીમાં ગરક થયો ધોરણ 10નો વિદ્યાર્થી
એક માસીયાઈ ભાઈ અને કિશોર ડૂબતા જોઈ યુવક બહાર નીકળ્યો
38 કલાક… pic.twitter.com/X0nlc8mLgY

— Gujarat First (@GujaratFirst) March 6, 2026

38 કલાકનું સર્ચ ઓપરેશન

નદીમાં ન્હાતી વખતે ક્રિષ્ના અને તેનો માસીયાઈ ભાઈ અચાનક ઊંડા પાણીમાં ગરક થવા લાગ્યા હતા. સાથે રહેલા અન્ય યુવકોએ બચાવવા પ્રયાસ કર્યો હતો, પરંતુ પાણીનો પ્રવાહ વધુ હોવાથી ક્રિષ્ના ઊંડાણમાં ખેંચાઈ ગયો હતો. ઘટનાની જાણ થતા જ ફાયર વિભાગની (Fire Department) ટીમે તાત્કાલિક સ્થળ પર પહોંચીને સર્ચ ઓપરેશન (Search Operation) હાથ ધર્યું હતું. અંતે, સતત 38 કલાકની શોધખોળ બાદ ક્રિષ્નાનો મૃતદેહ મળી આવ્યો હતો.

માતા-પિતાનો આધાર છીનવાયો

આ ઘટનાથી ચૌહાણ પરિવાર પર આભ તૂટી પડ્યું છે. ક્રિષ્ના પરિવારનો એકનો એક દીકરો હતો. તેના પિતા લાંબા સમયથી રોજગારી માટે દુબઈમાં (Dubai) કામ કરે છે, જ્યારે તેની માતા સુરતમાં હીરાના કારખાનામાં (Diamond Factory) મજૂરી કરીને ઘર ચલાવે છે. પુત્ર ભણી-ગણીને આગળ વધશે તેવી આશા સાથે મહેનત કરતા માતા-પિતાએ પોતાનો લાડકવાયો ગુમાવતા ભારે આક્રંદ કરી રહ્યા છે. જે ઘરે બોર્ડના રિઝલ્ટની આતુરતા હતી, ત્યાં આજે મરણની ચીસો સંભળાઈ રહી છે.

સ્થાનિક પોલીસ (Local Police) દ્વારા હાલમાં અકસ્માતે મોતનો ગુનો નોંધીને મૃતદેહને પોસ્ટમોર્ટમ (Post-mortem) માટે સિવિલ હોસ્પિટલ (Civil Hospital) ખાતે ખસેડવામાં આવ્યો છે. તહેવારોના સમયે નદી કિનારે જતી વખતે રાખવામાં આવતી બેદરકારી કેવી રીતે જીવલેણ સાબિત થઈ શકે છે, તેનો આ જીવતો જાગતો કિસ્સો છે.

આ પણ વાંચો: ધૂળેટીની મજા સજામાં ફેરવાઈ! રાજ્યના અલગ-અલગ જિલ્લાઓમાં 17 લોકોના ડૂબી જવાથી મોત