Surat News: આ નકલી સાબુ તમે તો નથી વાપરતા ને? જાણીતી બ્રાન્ડના સાબુની બનાવટી ફેક્ટરી ઝડપાઈ, લાખોનો મુદ્દામાલ જપ્ત

Surat ના સરથાણામાં જાણીતી બ્રાન્ડના સાબુની બનાવટી ફેક્ટરી ઝડપાઈ

આ દરોડા દરમિયાન જાણીતી બ્રાન્ડના નામે સાબુ બનાવવા માટે વપરાતી ડાઈ, તૈયાર બનાવટી સાબુ, સ્ટીકર્સ અને પેકિંગ કવર મળી આવતા પોલીસે કુલ 6.67 લાખ રૂપિયાની મત્તા કબજે કરી હતી. તપાસમાં સામે આવ્યું છે કે, ઓનલાઇન ખરીદી કરતા ગ્રાહકોને ફસાવવા માટે 10 અલગ-અલગ વેબસાઈટ્સ દ્વારા બનાવટી સાબુનું વેચાણ કરવામાં આવતું હતું.

પોલીસે કારખાનેદારની ધરપકડ કરી કાર્યવાહી હાથ ધરી

પોલીસે ઘટનાસ્થળેથી કારખાનેદારની ધરપકડ કરીને તેની સામે કાયદેસરની કાર્યવાહી હાથ ધરી છે. આ ઘટનાને પગલે ઓનલાઇન ખરીદી કરતા ગ્રાહકોમાં ફાળી પડ્યો છે અને સુરતની ઓળખ 'ડુપ્લીકેટિંગ હબ' તરીકે ઉભરી આવતા તંત્રની કામગીરી સામે પણ સવાલો ઉઠી રહ્યા છે.

આ પણ વાંચો:  Morbi News: જેતપરમાં ખેડૂતોના આમરણાંત ઉપવાસનો 5 મો દિવસ, હકાભા ગઢવીની સરકારને જગતના તાતની માંગણીઓ સ્વીકારવા અપીલ