સુરતના પૂર્વ મેયર હેમાલી બોઘાવાળાએ માર્યો મોટો લોચો: વીડિયો વાયરલ!

સ્ક્રિપ્ટ વાંચવામાં ગફલત અને મોટો લોચો

મળતી માહિતી મુજબ, હેમાલી બોઘાવાળાએ યુવાઓને રાજ્ય સરકારના મહત્વપૂર્ણ કાયદા અંગે જાણકારી આપવા માટે એક ખાસ વીડિયો બનાવ્યો હતો. કેમેરાની સામે રાખવામાં આવેલી એક લિખિત સ્ક્રિપ્ટ વાંચતી વખતે તેમનું ધ્યાન યોગ્ય રીતે ન રહેતાં ઉતાવળમાં વાક્ય રચના અને શબ્દોની ગોઠવણમાં મોટો લોચો પડી ગયો હતો. તેઓ 'એન્ટી પેપર લીક બિલ' ( Anti-Paper Leak Bill) બોલવા જતાં ભૂલથી "એન્ટી ચીટિંગ બિલ" (Anti Cheating Bill) પાસ કરાવી દીધું હોવાનું બોલી ગયા હતા.

ચેક કર્યા વિના જ વીડિયો કર્યો અપલોડ

આ ઘટનામાં સૌથી વધુ ચોંકાવનારી બાબત એ રહી કે, શૂટિંગ દરમિયાન થયેલી આ ગંભીર ભૂલ સુધાર્યા વગર અને વીડિયોનું ફાઇનલ એડિટિંગ કે રી-ચેકિંગ કર્યા વગર જ તેને સોશિયલ મીડિયા પ્લેટફોર્મ (Social Media Platform) પર પોસ્ટ કરી દેવામાં આવ્યો હતો. પોતાની જ ભૂલ સુધાર્યા વિના વીડિયો પોસ્ટ થઈ જતાં સોશિયલ મીડિયા પર લોકોએ તેને લઈને જાતજાતની પ્રતિક્રિયાઓ આપવાનું શરૂ કરી દીધું હતું.

Surat Former Mayor Viral Video: સુરતના પૂર્વ મેયર હેમાલી બોઘાવાળાએ ભાંગરો વાટ્યો
'પબ્લિક એક્ઝામ બિલ'ના બદલે 'એન્ટી ચીટીંગ બીલ' બોલ્યા
જોયા વગર જ સોશિયલ મીડિયામાં કરી દીધો અપલોડ
પેપર લીક વિરોધી કાયદા અંગે વીડિયો બનાવી કર્યો હતો અપલોડ
કેમેરાની સામે રાખેલી એક લિખિત સ્ક્રિપ્ટ વાંચતા… pic.twitter.com/JVRBANg0mB

— Gujarat First (@GujaratFirst) August 4, 2026

સોશિયલ મીડિયા પર ટ્રોલિંગ અને ચર્ચા

પૂર્વ મેયરનો આ વીડિયો વાયરલ (Viral Video) થતાં જ વિપક્ષ અને સામાન્ય યુઝર્સે તેમની ગંભીરતા પર સવાલો ઉઠાવ્યા છે. જવાબદાર પદ પર રહી ચૂકેલા નેતા દ્વારા આવી બેદરકારીપૂર્વકની સ્ક્રિપ્ટ રીડિંગ અને વીડિયો અપલોડિંગને લઈને અનેક લોકો ટિપ્પણીઓ કરી રહ્યા છે. મહત્વનું છે કે, નેતાઓ દ્વારા સોશિયલ મીડિયા પર પ્રચાર માટે વીડિયો બનાવતી વખતે પૂરતી સાવચેતી રાખવી કેટલી જરૂરી છે, આ ઘટના તેનો ઉત્તમ પુરાવો પૂરો પાડે છે.

આ પણ વાંચો : NEET-UG Counseling Process: NEET-UG રજિસ્ટ્રેશન શિડ્યુલ જાહેર, જાણો મહત્વની તારીખો