Surat fraud: પાલમાં વિઝા કૌભાંડનો પર્દાફાશ, વિદેશના નામે 2.13 કરોડની છેતરપિંડી કરનાર ટ્રાવેલ એજન્ટ ઝડપાયો

Surat fraud: મહાકાલ ટ્રાવેલ ટ્રેલ્સના નામે ચાલતો હતો ખેલ

પોલીસ તપાસમાં (Investigation) જાણવા મળ્યું છે કે પકડાયેલ આરોપી વરુણ રાજુભાઈ પરમાર "મહાકાલ ટ્રાવેલ ટ્રેલ્સ" (Mahakal Travel Trails) નામની એજન્સી ચલાવતો હતો. આ એજન્ટ વરુણ પરમારે કુલ 13 જેટલા ક્લાયન્ટોને પોતાની જાળમાં ફસાવ્યા હતા. તેણે લોકોને ફિનલેન્ડના ઈ-વર્ક પરમિટ વિઝા (E-Work Permit Visa) અને કેનેડાના પરમિટ વિઝા (Canada Permit Visa) ખૂબ જ સરળતાથી અપાવી દેવાની લાલચ આપી હતી. ભોગ બનનારા લોકોએ વિદેશ જવાની ઉતાવળમાં એજન્ટની વાતોમાં આવીને લાખોની રકમ ચૂકવી દીધી હતી.

આ પણ વાંચો----- Rajkot: રાજકોટમાં અમિત જ્વેલર્સમાં ત્રાટકેલી ગેંગ ઝડપાઈ, તિજોરી ન ખુલતા ઉઠાવી ગયા હતા મશીન

Surat fraud: કરોડો રૂપિયા પડાવ્યા બાદ એજન્ટ થયો હતો ફરાર

આરોપી એજન્ટ વરુણ પરમારે 13 વ્યક્તિઓ પાસેથી અલગ-અલગ સમયે કુલ 2.13 કરોડ રૂપિયાની માતબર રકમ (Amount) પડાવી લીધી હતી. નાણાં મેળવી લીધા બાદ લાંબો સમય વીતવા છતાં વિઝા ન મળતા ક્લાયન્ટોને (Clients) પોતાની સાથે છેતરપિંડી થઈ હોવાનો અહેસાસ થયો હતો. છેવટે ભોગ બનનારાઓએ ન્યાય માટે પાલ પોલીસ મથકનો (Police Station) સંપર્ક સાધ્યો હતો. પોલીસે આ મામલે ગુનો નોંધીને તપાસ તેજ કરી હતી, જે દરમિયાન લાંબા સમયથી નાસતા-ફરતા આરોપી વરુણને દબોચી લેવામાં સફળતા મળી છે.

Surat fraud: વિઝા ફ્રોડથી સાવધ રહેવા પોલીસની અપીલ

સુરત પોલીસ અત્યારે આરોપી વરુણ પરમારની કડક પૂછપરછ (Interrogation) કરી રહી છે કે તેણે આટલી મોટી રકમ ક્યાં છુપાવી છે અથવા ક્યાં રોકાણ કર્યું છે. આ કૌભાંડમાં (Scam) અન્ય કોઈ મોટા માથાઓ સામેલ છે કે કેમ તે દિશામાં પણ તપાસ લંબાવવામાં આવી છે. પોલીસે જાહેર જનતાને પણ અપીલ કરી છે કે કોઈપણ ટ્રાવેલ એજન્ટને નાણાં આપતા પહેલા તેની અધિકૃતતા (Authorization) અને રેકોર્ડની ચકાસણી અચૂક કરવી જોઈએ. સાયબર યુગમાં વધતા જતા વિઝા ફ્રોડના કિસ્સાઓ વચ્ચે સાવચેતી એ જ ઉત્તમ સુરક્ષા (Security) છે.

આ પણ વાંચો----- Surat: સુરત પોલીસનું 'નો ડ્રગ્સ ઇન સિટી' અભિયાન, ઉમરા વિસ્તારમાં ગાંજાના સોદાગરની ધરપકડ!