Influencer simran Case: ઈન્ફ્યુએન્સર સિમરને ગાંધીજી પર કરી અભદ્ર ટિપ્પણી, વિવાદિત વીડિયોથી વકર્યો વિવાદ

Instagram વીડિયો બાદ વિવાદ

ફરિયાદ મુજબ, ગાંધી જયંતિના અવસરને ધ્યાનમાં રાખીને 1 ઓક્ટોબરના રોજ એક વીડિયો બનાવવામાં આવ્યો હતો. વીડિયોમાં રૂ.500 ની ચલણી નોટ હાથમાં રાખવામાં આવી હતી અને મહાત્મા ગાંધીજીના ચિત્રનો ઉલ્લેખ કરીને કથિત રીતે બીભત્સ શબ્દોનો ઉપયોગ કરવામાં આવ્યો હોવાનો આક્ષેપ કરવામાં આવ્યો છે. આ વીડિયો સોશિયલ મીડિયા પર વાયરલ થયા બાદ મામલો ચર્ચામાં આવ્યો હતો. વીડિયો સામે વાંધો ઉઠાવતા સામાજિક અગ્રણી ધર્મેશ ગામીએ સુરત સાયબર ક્રાઇમ સેલમાં ફરિયાદ નોંધાવી હતી.

IT Act હેઠળ નોંધાયો કેસ

ફરિયાદ મળ્યા બાદ સુરત સાયબર ક્રાઇમ સેલે સમગ્ર મામલે પ્રાથમિક તપાસ હાથ ધરી હતી. ત્યારબાદ Instagram ID simran 14ના ધારક સામે IT Amendment Act 2008ની કલમ 67 હેઠળ ગુનો રજીસ્ટર કરવામાં આવ્યો છે.

વીડિયો મામલે તપાસ આગળ વધશે

હવે સાયબર ક્રાઇમ સેલ દ્વારા વીડિયો કોણે બનાવ્યો, કયા સંદર્ભમાં બનાવવામાં આવ્યો અને તેને સોશિયલ મીડિયા પર કેવી રીતે પ્રસારિત કરવામાં આવ્યો સહિતના મુદ્દાઓની તપાસ કરવામાં આવી રહી છે. પોલીસ દ્વારા સોશિયલ મીડિયા એકાઉન્ટ સંબંધિત વિગતો અને અન્ય ડિજિટલ પુરાવા પણ તપાસ હેઠળ લેવામાં આવી શકે છે. હાલ આ મામલે નોંધાયેલા ગુનાના આધારે આગળની કાયદેસરની કાર્યવાહી સુરત સાયબર ક્રાઇમ સેલ દ્વારા હાથ ધરવામાં આવી રહી છે.

Gujarat First LIVE https://t.co/TAEeLApyfT

— Gujarat First (@GujaratFirst) October 3, 2026

આ પણ વાંચો: Premanand Ashram Death Case : HC પહોંચ્યો પ્રેમાનંદ આશ્રમના મોતનો મામલો, વકીલે SIT ની માંગણી કરતી અરજી દાખલ કરી