Surat News: હજીરામાં L&T કંપનીની બસ અને ટ્રક વચ્ચે અકસ્માત, 29 કર્મચારીઓ ઈજાગ્રસ્ત

Suratમાં બસ અને ટ્રક વચ્ચે અકસ્માત

મળતી માહિતી મુજબ, કર્મચારીઓથી ભરેલી L&T કંપનીની બસ હજીરા માર્ગ પરથી પસાર થઈ રહી હતી. આ દરમિયાન રસ્તાની સાઈડમાં એક ટ્રક ઉભો હતો, જેની પાછળ બસના ચાલકે કાબૂ ગુમાવતા બસ ધડાકાભેર અથડાઈ હતી. અકસ્માત એટલો જોરદાર હતો કે બસનો આગળનો ભાગ ક્ષતિગ્રસ્ત થઈ ગયો હતો. ઘટનાની જાણ થતાં જ આસપાસના લોકો અને સ્થાનિક તંત્ર દોડી આવ્યું હતું.

ઈજાગ્રસ્તોને L&T હોસ્પિટલમાં ખસેડાયા

અકસ્માતને પગલે સ્થાનિકોની મદદથી તમામ 29 ઈજાગ્રસ્ત કર્મચારીઓને તાત્કાલિક અસરથી સારવાર માટે નજીકની L&T હોસ્પિટલમાં ખસેડવામાં આવ્યા હતા. હોસ્પિટલના સૂત્રોના જણાવ્યા અનુસાર, ઈજાગ્રસ્તોને પ્રાથમિક સારવાર આપવામાં આવી રહી છે અને હાલ તેમની સ્થિતિ અંગે વધુ વિગતોની રાહ જોવાઈ રહી છે. ઘટનાસ્થળે પહોંચેલી પોલીસ દ્વારા અકસ્માત અંગેનો ગુનો નોંધી વધુ તપાસ હાથ ધરવામાં આવી છે.

આ પણ વાંચો: Patan News: વિધવા સહાયના દાખલા માટે માંગી રૂ. 800 ની લાંચ, ચાણસ્મામાં ACBના છટકામાં આઉટસોર્સ કર્મચારી