Surat News: કામરેજમાં ખોલવડની ફેક્ટરીમાં લિફ્ટ તૂટતા 32 વર્ષીય કામદારનું મોત

ફાયર વિભાગની રેસ્ક્યુ કામગીરી

દુર્ઘટનાની જાણ થતા જ સુરત શહેર અને સ્થાનિક તંત્રની ફાયર ટીમ તાત્કાલિક ઘટનાસ્થળે દોડી ગઈ હતી. લિફ્ટ તૂટવાના કારણે કાટમાળ અને ફસાયેલા યુવાનને બહાર કાઢવા માટે ફાયર જવાનો દ્વારા ભારે જહેમત ઉઠાવવામાં આવી હતી. ખૂબ જ મુશ્કેલી બાદ યુવાનના મૃતદેહને બહાર કાઢીને પોસ્ટમોર્ટમ અર્થે ખસેડવામાં આવ્યો છે.

સ્થાનિક પોલીસ દ્વારા તપાસ શરૂ

આ ગંભીર અકસ્માતની જાણ થતા જ સ્થાનિક પોલીસ કાફલો પણ ઘટનાસ્થળે પહોંચી ગયો હતો. પ્રાથમિક તપાસમાં લિફ્ટની ક્ષતિ કે ઓવરલોડિંગના કારણે આ દુર્ઘટના ઘટી છે કે કેમ, તેમજ ઔદ્યોગિક એકમમાં સેફ્ટીના સાધનો પૂરતા પ્રમાણમાં હતા કે નહીં તે તમામ બાબતોને ધ્યાનમાં રાખીને પોલીસે કાયદેસરની આગળની કાર્યવાહી હાથ ધરી છે. આ ઘટનાને પગલે મૃતકના પરિવારમાં શોકનો માહોલ છવાઈ ગયો છે.

આ પણ વાંચો: Kaun Banse Gujarat No Genius: રાજકોટના પાર્થ શ્યારાએ 'કોણ બનશે ગુજરાતનો જીનિયસ'નો પ્રથમ પડાવ કર્યો પાર