સુરતમાં ખાડીપૂરનું સંકટ: CM ભૂપેન્દ્રભાઇ પટેલ, સી.આર. પાટીલ અને હર્ષભાઇ સંઘવીની મોટી બેઠક

કેન્દ્રીય મંત્રી અને ગૃહમંત્રીની વિશેષ ઉપસ્થિતિ

સુરતની કટોકટીપૂર્ણ સ્થિતિને પહોંચી વળવા યોજાયેલી આ બેઠકમાં કેન્દ્રીય જળશક્તિ મંત્રી સી.આર. પાટીલ (Central Minister C.R. Patil) અને રાજ્યના ગૃહમંત્રી હર્ષભાઇ સંઘવી (Harsh Sanghavi) ખાસ ઉપસ્થિત રહ્યા હતા. આ ઉપરાંત, સ્થાનિક પ્રશાસનને યોગ્ય માર્ગદર્શન પૂરું પાડવા માટે રાજ્ય સરકારના મંત્રીઓ અને સુરતના તમામ ધારાસભ્યો (MLAs) પણ આ સમીક્ષા બેઠકમાં જોડાયા હતા.

મનપાના અધિકારીઓ સાથે એક્શન પ્લાન

બેઠકમાં સુરત મહાનગરપાલિકા એટલે કે એસએમસી (SMC) ના પદાધિકારીઓ અને ઉચ્ચ અધિકારીઓ (SMC Officials) હાજર રહ્યા હતા. કમિશનર અને તેમની ટીમે ખાડીપૂરના કારણે અસરગ્રસ્ત થયેલા વિસ્તારોમાં પાણીના નિકાલ, રોગચાળો ન ફેલાય તે માટેની તકેદારી અને નાગરિકોને સલામત સ્થળે ખસેડવાની કામગીરીનો રિપોર્ટ મુખ્યમંત્રી સમક્ષ રજૂ કર્યો હતો. મુખ્યમંત્રીએ તમામ એજન્સીઓને પરસ્પર સંકલન સાધીને કામ કરવા આદેશ આપ્યા છે.

મુખ્યમંત્રી પોતે લેશે ગ્રાઉન્ડ ઝીરોની મુલાકાત

આ મહત્વની સમીક્ષા બેઠક પૂર્ણ થયા બાદ મુખ્યમંત્રી ભૂપેન્દ્રભાઇ પટેલ પોતે સુરતના ખાડીપૂરથી અસરગ્રસ્ત થયેલા વિવિધ વિસ્તારોની રૂબરૂ મુલાકાત લેશે. તેઓ ગ્રાઉન્ડ ઝીરો પર જઈને પૂરની સ્થિતિનું નિરીક્ષણ કરશે અને અસરગ્રસ્ત નાગરિકો સાથે સંવાદ સાધીને વહીવટી તંત્ર દ્વારા મળી રહેલી સુવિધાઓની જાતમાહિતી મેળવશે.

આ પણ વાંચો: ‘નવી ટેકનોલોજી અને ઈનોવેશન ગુજરાતનું બેકબોન બનશે’: CM ભૂપેન્દ્રભાઇ પટેલે ડેટા સેન્ટર પોલિસી કરી લોન્ચ