Surat: બિલ્ડિંગ પરથી યુવકે પડતું મૂકતાં નીચે ઉભેલા વાહનમાં પછડાયો, પછી..!
- Surat શહેરના લાલગેટ વિસ્તારમાં યુવકનો આપઘાત
- યુવકે બિલ્ડીંગમાંથી નીચે પડતું મૂકી આપઘાત કર્યો
- રાત્રિના સમયે આપઘાત કરી લેતા વિસ્તારમાં ચકચાર
- યુવકના નીચે કુદતા હચમચાવનારા CCTV આવ્યા સામે
Surat: ડાયમંડ સિટી તરીકે ઓળખાતા સુરત (Surat) શહેરમાંથી એક અત્યંત આઘાતજનક ઘટના બની છે. શહેરના લાલગેટ વિસ્તાર(Lalgate Police) માં એક યુવકે બિલ્ડિંગના ઉપરના માળેથી પડતું મૂકીને જીવન ટૂંકાવ્યું છે. રાત્રિના અંધકારમાં બનેલી આ ઘટનાએ સમગ્ર વિસ્તારમાં અરેરાટી મચાવી દીધી છે. આ સમગ્ર ઘટના નજીકમાં લાગેલા CCTV કેમેરામાં કેદ થઈ છે, જેના ફૂટેજ જોઈને કોઈપણનું કાળજું કંપી ઉઠે તેમ છે.
શું છે સમગ્ર ઘટના?
મળતી માહિતી મુજબ લાલગેટ વિસ્તારમાં આવેલી એક બિલ્ડિંગમાં ગત મોડી રાત્રે આ ઘટના બની હતી. મૃતક યુવકની ઓળખ દાનિશ મુનાફ મોતિયાણી (Danish Munaf Motiani) તરીકે થઈ છે. રાત્રિના સમયે જ્યારે રસ્તાઓ પર અવરજવર ઓછી હતી, ત્યારે દાનિશે અચાનક બિલ્ડિંગના ઉપરના ભાગેથી છલાંગ લગાવી હતી. કમનસીબે, જ્યારે તે નીચે પડ્યો ત્યારે રસ્તા પર ઉભેલા એક વાહન પર જોરથી પટકાયો હતો. આ પછડાટ એટલી ભયંકર હતી કે યુવકને ગંભીર ઇજાઓ પહોંચી હતી અને તેનું ઘટનાસ્થળે જ કરુણ મોત (Death) નીપજ્યું હતું.
CCTV ફૂટેજમાં કેદ થઈ ઘટના
આ ઘટનાના જે CCTV ફૂટેજ સામે આવ્યા છે તે ખરેખર હચમચાવનારા છે. વીડિયોમાં જોઈ શકાય છે કે યુવક ઉપરથી સીધો જ નીચે ઉભેલા વાહનમાં પડે છે. અચાનક થયેલા મોટા અવાજને કારણે આસપાસના રહીશો અને દુકાનદારો તુરંત ઘટનાસ્થળે દોડી આવ્યા હતા. લોકોએ લોહીલુહાણ હાલતમાં પડેલા દાનિશને બચાવવાનો પ્રયત્ન કર્યો હતો, પરંતુ ત્યાં સુધીમાં તેનું પ્રાણ પંખેરુ ઉડી ગયું હતુ.
Surat: પોલીસ તપાસ
ઘટનાની જાણ થતા જ લાલગેટ પોલીસ (Lalgate Police) નો કાફલો સ્થળ પર પહોંચી ગયો હતો. પોલીસે મૃતદેહ (Dead body) ને કબજે કરી પોસ્ટમોર્ટમ માટે સિવિલ હોસ્પિટલ ખસેડ્યો છે. પ્રાથમિક દ્રષ્ટિએ આ આત્મહત્યાનો મામલો હોવાનું જણાઈ રહ્યું છે, તેથી પોલીસે આત્મહત્યાનો ગુનો નોંધી આગળની તપાસ હાથ ધરી છે. દાનિશે આ અંતિમ ડગલું કેમ ભર્યું? શું તે કોઈ માનસિક તણાવમાં હતો કે અન્ય કોઈ અંગત કારણ હતું? તે દિશામાં પોલીસ અત્યારે ઝીણવટભરી તપાસ કરી રહી છે. યુવાન દીકરાના અકાળે અવસાનથી મોતિયાણી પરિવાર પર આભ તૂટી પડ્યું છે અને વિસ્તારમાં શોકનું મોજું ફરી વળ્યું છે.
આ પણ વાંચોઃ Surat: 'હું તો કહું છું હેલ્મેટ ન પહેરે તો ફૂલો જ આપો', જાણો નાયબ મુખ્યમંત્રીએ આવું કેમ કહ્યું?