Surat: તાંત્રિક વિધિના બહાને લાખોની ઠગાઈ, કાઠિયાવાડની ઠગ ટોળકી રાજકોટથી પકડાઈ

રામાપીરના મંડળના નામે ઘરમાં પ્રવેશ મેળવી ખેલ પાડતા

પકડાયેલા આરોપીઓની ઓળખ કાળુનાથ નકુમ (Kalunath Nakum) અને દેવાયત રાઠોડ (Devayat Rathod) તરીકે થઈ છે. આ ઠગોની મોડસ ઓપરેન્ડી (Modus Operandi) જાણીને પોલીસ પણ ચોંકી ગઈ છે. તેઓ સૌપ્રથમ જે તે વિસ્તારમાં રેકી (Reece) કરતા હતા. ત્યારબાદ જે-તે ઘરે જઈને 'રામાપીરના મંડળમાં જમવા આવજો' તેમ કહીને લોકો સાથે ઓળખાણ વધારી ઘરમાં પ્રવેશ મેળવતા હતા. ઘરમાં ગયા બાદ પરિવારના સભ્યોને ડરાવતા કે, "તમારા ઘરમાં ભારે પિતૃદોષ (Pitrudosh) છે, જેના કારણે ઘરમાં બીમારી રહે છે અને પૈસા ટકતા નથી."

ઘરેણાં ઓગાળીને લંગડી બનાવી વેચી મારતા હોવાનો ખુલાસો

આ ભયનો લાભ ઉઠાવી તેઓ તાંત્રિક વિધિ (Tantrik Vidhi) શરૂ કરતા હતા. વિધિ દરમિયાન તેઓ ગ્લાસ, કંકુ, ચોખા અને પાણીની સાથે ઘરમાં રહેલા સોનાના દાગીના મંગાવતા હતા. જાપ કરવાના બહાને નજર ચૂકવીને તેઓ દાગીના પડાવી ત્યાંથી રફુચક્કર થઈ જતા હતા. આ શાતિર ઠગો ચોરી કરેલા સોનાના ઘરેણાંને તરત જ પીગળાવીને તેની સોનાની લંગડી (Gold Biscuit) બનાવી લેતા હતા જેથી કોઈ ઓળખી ન શકે, અને બાદમાં તેને બજારમાં વેચી મારતા હતા.

પોલીસે બે ગુના ઉકેલી 2 લાખથી વધુનો મુદ્દામાલ જપ્ત કર્યો

લસકાણા પોલીસે (Laskana Police) ટેકનિકલ સર્વેલન્સના આધારે આ બંને ઠગની રાજકોટ (Rajkot) થી ધરપકડ (Arrest) કરી લીધી છે. પ્રાથમિક પોલીસ તપાસમાં (Police Investigation) લસકાણા અને ઉત્રાણ વિસ્તારના બે મોટા ગુનાઓનો ભેદ ઉકેલાયો છે. પોલીસે આરોપીઓ પાસેથી 200000 થી વધુની કિંમતનો મુદ્દામાલ જપ્ત કર્યો છે. હાલ પોલીસ આ બંનેની સઘન પૂછપરછ કરી રહી છે, જેમાં સુરત સહિત ગુજરાતના અન્ય શહેરોમાં આચરેલા વધુ ગુનાઓનો ભેદ ઉકેલાય તેવી પૂરેપૂરી શક્યતા છે.

આ પણ વાંચો: Chhotaudepur: સુખી ડેમમાં ન્હાવા પડેલા કદવાલના યુવકનું ડૂબી જવાથી કરુણ મોત: પાવીજેતપુર પંથકમાં અરેરાટી