Surat: લાઈવ શોના નામે કરોડોની ઠગાઈ, બોલીવુડ સેલિબ્રિટીઝ સાથે ફોટા પડાવી લોકોને કરતો પ્રભાવિત

બોલીવુડ સેલિબ્રિટીઝના નામે ઠગાઈ

આ કેસના મુખ્ય આરોપીઓ મૂળ મુંબઈના છે. તપાસ દરમિયાન જાણવા મળ્યું છે કે મુખ્ય આરોપી હકીકતમાં એક સામાન્ય ફોટોગ્રાફર (Photographer) છે. આ વ્યક્તિનો ઠગાઈનો કીમિયો ખૂબ જ સાતિર હતો. તે બોલીવુડની દિગ્ગજ સેલિબ્રિટીઝ (Bollywood Celebrities) સાથે ફોટા પડાવતો અને તે ફોટા સોશિયલ મીડિયા પર અપલોડ કરતો હતો. આ તસવીરો જોઈને આયોજકો તેના પ્રભાવમાં આવી જતા અને તેને મોટા ગજાનો વ્યક્તિ માનવા લાગતા હતા.

લાઈવ શો કરાવવાની લાલચ આપી હતી

આરોપીઓએ શુભારંભ એન્ટરટેઈનમેન્ટને અરિજીત સિંહ (Arijit Singh), નોરા ફતેહી (Nora Fatehi) અને કપિલ શર્મા (Kapil Sharma) જેવા સુપરસ્ટાર કલાકારોના લાઈવ શો કરાવવાની લાલચ આપી હતી. આ શોના આયોજન માટે આયોજકો પાસેથી ફી (Fee), ટ્રાવેલિંગ (Traveling) અને બુકિંગ (Booking) ના નામે તબક્કાવાર 1.43 કરોડ રૂપિયા વસૂલ્યા હતા.

આરોપી

 ચેક બાઉન્સ થતા છેતરપીંડી બહાર આવી

પોતાનો વિશ્વાસ જમાવવા માટે આરોપીઓએ સિક્યુરિટી (Security) તરીકે ચેક પણ આપ્યા હતા. જોકે, જ્યારે નક્કી કર્યા મુજબ કાર્યક્રમો યોજાયા નહીં, ત્યારે આયોજકોને શંકા ગઈ અને તેમણે પોતાના નાણાં પરત માંગ્યા. આયોજકોને આપવામાં આવેલા 1.41 કરોડ રૂપિયાનો ચેક (Check) બાઉન્સ (Bounce) થતા જ આ આખી છેતરપીંડીનો પર્દાફાશ થયો છે.

પોલીસની કાર્યવાહી

આ સમગ્ર મામલે ભોગ બનનાર સંચાલકે ફરિયાદ નોંધાવતા ઉત્રાણ પોલીસે (Utran Police) તાત્કાલિક તપાસ હાથ ધરી હતી. ટેકનિકલ સર્વેલન્સ અને બાતમીના આધારે પોલીસે મુખ્ય આરોપીને મુંબઈથી દબોચી લીધો છે. પોલીસ તપાસમાં સામે આવ્યું છે કે આ છેતરપીંડીમાં મુંબઈની ત્રણ અલગ-અલગ એન્ટરટેઈનમેન્ટ કંપનીના ડિરેક્ટરો (Directors) પણ સામેલ છે. હાલ પોલીસે આરોપીઓની ધરપકડ કરીને છેતરપિંડીના આ નેટવર્કને તોડવા માટે વધુ તપાસ શરૂ કરી છે.

આ પણ વાંચોઃ Surat ઇકો સેલની મોટી કાર્યવાહી, કરોડોની છેતરપિંડી કેસમાં વધુ એક આરોપી ઝડપાયો, જાણો વધુ