ઐતિહાસિક જીત બાદ સુરતને મળશે 'Lady Mayor': આ 5 દાવેદારો પર મંડાયેલી છે સૌની નજર!
- Lady Mayor: સુરત મનપાની ચૂંટણીમાં ભાજપનો ફરી ભવ્ય વિજય થયો
- ઐતિહાસિક જીત બાદ હવે કોને મળશે મેયરનું મહત્વનું પદ?
- આ વખતે સામાન્ય વર્ગની મહિલા કેટેગરીના મેયરની ટર્મ
- ભાજપના 115 વિજેતામાંથી મહિલા બનશે નવા મેયર
SMC 'Lady Mayor' : સુરત (Surat) મહાનગરપાલિકાની તાજેતરની ચૂંટણીમાં ભાજપ (BJP) એ ફરી એકવાર પોતાની લોકપ્રિયતા સાબિત કરી દેખાડી છે. વિપક્ષને પછાડીને ભાજપે જંગી બહુમતી સાથે ઐતિહાસિક જીત નોંધાવી છે. આ ભવ્ય સફળતા બાદ હવે સુરતના રાજકારણમાં સૌથી મોટો પ્રશ્ન એ છે કે, આખરે સુરતનું નેતૃત્વ કરનાર નવો મેયર (Mayor) કોણ હશે?
સામાન્ય મહિલા કેટેગરીનો દાવ
આ વખતે સુરત મનપામાં મેયરની ટર્મ 'સામાન્ય વર્ગની મહિલા' (General Woman Category) માટે અનામત રાખવામાં આવી છે. ભાજપ પાસે વિજેતા થયેલા 115 કોર્પોરેટરોમાં મોટી સંખ્યામાં મહિલા નેતાઓ છે. આ જ કારણ છે કે પક્ષના મોવડી મંડળમાં હવે કઈ મહિલાને આ મહત્વનું પદ સોંપવું, તે અંગે મંથન શરૂ થઈ ગયું છે.
આ પણ વાંચો: ગુજરાતના શહેરોને મળશે Women Mayor : અમદાવાદથી સુરત સુધી કોણ સંભાળશે સત્તા?
Surat Municipal Corporation Election માં BJP ની ઐતિહાસિક જીત, હવે કોને મળશે મેયરનું પદ? | Gujarat First
સુરત મનપાની ચૂંટણીમાં ભાજપનો ફરી ભવ્ય વિજય થયો
ઐતિહાસિક જીત બાદ હવે કોને મળશે મેયરનું મહત્વનું પદ?
આ વખતે સામાન્ય વર્ગની મહિલા કેટેગરીના મેયરની ટર્મ
ભાજપના 115 વિજેતામાંથી… pic.twitter.com/xyt6qFg4nu— Gujarat First (@GujaratFirst) April 29, 2026
કોણ છે રેસમાં?
ભાજપના વિજેતા મહિલા કોર્પોરેટરોમાં ઘણા ચહેરાઓ અત્યારે મેયર પદની રેસમાં આગળ દેખાઈ રહ્યા છે. જેમાં મુખ્યત્વે વોર્ડ નંબર-3 માંથી વિજેતા થયેલા કાવ્યા કથીરિયાનું નામ સૌથી વધુ ચર્ચાઈ રહ્યું છે. તેમની કામગીરી અને લોકપ્રિયતાને જોતા તેઓ મજબૂત દાવેદાર માનવામાં આવે છે. વોર્ડ નંબર-9 માંથી ચૂંટાઈ આવેલા નેન્સી શાહ પણ મેયર પદ માટે પ્રબળ દાવેદાર તરીકે સામે આવ્યા છે. તો બીજી તરફ વોર્ડ નંબર-10 માંથી વિજેતા બનેલા ઉર્વશી પટેલ પણ પોતાની રાજકીય પકડને કારણે ચર્ચાના કેન્દ્રમાં છે. વોર્ડ નંબર-15 ના વિજેતા મનીષા આહીર અને વોર્ડ નંબર-11 માંથી વિજેતા થયેલા અલ્પા મહેતાના નામની પણ પક્ષના વર્તુળોમાં વ્યાપક ચર્ચા ચાલી રહી છે.
આગામી રણનીતિ
સુરત (Surat) ની જનતા હવે આતુરતાથી એ જોવાની રાહ જોઈ રહી છે કે, ભાજપનું મોવડી મંડળ કઈ મહિલા નેતા પર ભરોસો મૂકે છે. મેયર પદ એ માત્ર એક હોદ્દો નથી, પરંતુ શહેરના વિકાસ માટેના આયોજનનો મુખ્ય સ્તંભ છે. આગામી થોડા દિવસોમાં ભાજપ દ્વારા અંતિમ નિર્ણય લેવામાં આવશે. ભાજપની આ જીત અને નવી નિમણૂક સુરત (Surat) ના વિકાસની ગાથામાં એક નવું પ્રકરણ ઉમેરશે તે નક્કી છે.
આ પણ વાંચો: AMC માં રાજકીય ગરમાવો: Ahmedabad Mayor પદની રેસમાં કોણ બાજી મારશે?