Surat News : રેકોર્ડબ્રેક વરસાદના પગલે લીંબાયત વિસ્તાર પાણીમાં ગરકાવ, અસંખ્ય લોકોનું કરાયું રેસ્ક્યું

Surat News : લિંબાયતમાં અસંખ્ય લોકોનું કરાયું રેસ્ક્યુ

ઉલ્લેખનીય છે કે સ્થિતિની ગંભીરતાને જોતા પાલિકા તંત્ર અને ફાયર વિભાગ દ્વારા યુદ્ધના ધોરણે બચાવ કામગીરી શરુ કરવામાં આવી છે. મોડી રાત સુધી ચાલેલા ઓપરેશનમાં અસંખ્ય લોકોને સ્ટીમર બોટની મદદથી સુરક્ષિત સ્થળે ખસેડવામાં આવ્યા હતા. ડુંભાલ વોટર ટેન્ક વિસ્તાર સુધી પાણી ફરી વળતા સમગ્ર પંથક બેટમાં ફેરવાયો હોય તેવા દ્રશ્યો જોવા મળ્યા હતા. હાલમાં પણ પાણી ઓસરવાનું નામ નથી લઈ રહ્યા, જેને લઈને સ્થાનિક લોકોમાં ભારે ચિંતા જોવા મળી રહી છે.

દક્ષિણ ગુજરાતમાં ભારે વરસાદથી 11 લોકોના મોત

આ કુદરતી આફતમાં અત્યાર સુધી દક્ષિણ ગુજરાતમાં 11 લોકોએ પોતાના જીવ ગુમાવ્યા હોવાના અહેવાલો છે, જેનાથી સમગ્ર રાજ્યમાં અરેરાટી વ્યાપી ગઈ છે. સ્થિતિની ગંભીરતાને ધ્યાનમાં રાખીને વહીવટી તંત્ર દ્વારા યુદ્ધના ધોરણે રાહત અને બચાવ કામગીરી શરૂ કરવામાં આવી છે. સુરત શહેરમાંથી અત્યાર સુધીમાં 2100 જેટલા નાગરિકોનું સુરક્ષિત સ્થળોએ સ્થળાંતર કરવામાં આવ્યું છે. લોકોની સુરક્ષાને સર્વોપરી રાખીને નવસારી, વલસાડ અને સુરત જિલ્લાની તમામ શાળાઓ તેમજ કોલેજોમાં રજા જાહેર કરી દેવામાં આવી છે.

આ પણ વાંચો : Rain Report : રાજ્યમાં 24 કલાકમાં 195 તાલુકામાં મેઘમહેર,પલસાણામાં સૌથી વધુ 18 ઈંચ ખાબક્યો વરસાદ