Surat Rain : રસ્તો બેસી ગયો, ઈમારતની ગેલેરી ધરાશાયી, સુરતમાં પહેલો વરસાદ જ આફત બનીને ત્રાટક્યો ! જુઓ Video

Surat Rain : પાંડેસરામાં  ઈમારતની ગેલેરીનો ભાગ ધરાશાયી

સુરતના પાંડેસરામાં મૂશળધાર વરસાદ વરસતા એક ઈમારતની ગેલેરીનો ભાગ ધરાશાયી થઈ હોવાની ઘટના બની છે. ઈમારત અતિજર્જરીત હોવાથી ગેલેરીનો ભાગ પડી ગયો હોવાનું પ્રાથમિક જાણકારી મળી રહી છે. જો કે ઈમારતના પહેલા માળે ફસાયેલી મહિલાનું રેસ્ક્યુ પણ કરવામાં આવ્યું હતું, પાંડેસરામાં ભારે વરસાદના કારણે જર્જરીત ઇમારતનો ભાગ ધરાશાયી થયો હતો પરંતુ સદનસીબે કોઈ પણ પ્રકારની જાનહાનિ થઈ નથી.

વરાછામાં ભારે વરસાદથી વૃક્ષ ધરાશાયી

બીજી તરફ ભારે વરસાદના કારણે વરાછા વિસ્તારમાં આવેલી ઈશ્વરકૃપા સોસાયટીમાં વૃક્ષ ધરાશાયી થયું હોવાની ઘટના બની હતી. આજે વહેલી સવારથી શહેરના અનેક વિસ્તારોમાં પવન સાથે ધોધમાર વરસાદ ખાબકતા વૃક્ષ પડ્યું હતુ. જેની જાણ સ્થાનિકો દ્વારા ફાયર વિભાગને કરવામાં આવી હતી. ફાયર વિભાગની કોલ મળતા જ ઘટના સ્થળે આવી રાહત કામગીરી હાથ ધરી હતી. જોકે વૃક્ષ ધરાશાયી થવાની ઘટનામાં પણ કોઈ પણ પ્રકારની જાનહાનિ થઈ ન હતી.

ચોમાસાના પહેલા વરસાદમાં જ 300 મીટર રોડ બેસી ગયો

ડાયમંડ સિટી સુરતમાં ચોમાસાના પહેલા વરસાદે જ પાલિકા તંત્રની પોલ ઉઘાડી પાડી છે. મોટા વરાછામાં નવો રોડ બેસી જતા વિવાદ સર્જાયો છે. પ્રથમ વરસાદમાં જ તંત્રની કામગીરી પર સવાલો ઉભા થયા છે. અંદાજિત 300 મીટર રોડ બેસી જતા લોકો હેરાન થયા છે. મોટા વરાછામાં નવો બનેલો રોડ અચાનક બેસી જવાની ઘટનાએ તંત્રની કામગીરી સામે ગંભીર સવાલો ઉભા કર્યા છે. કલાકુંજ બ્રિજ નજીક આશરે 300 મીટર રોડ બેસી જતાં સુરત મેયર માયા માવાણીએ તાત્કાલિક સ્થળ પર પહોંચી સ્થિતિનો તાગ મેળવ્યો હતો.

 

View this post on Instagram

 

A post shared by Gujarat First (@gujaratfirst)

નીચાણવાળા વિસ્તારમાં ભરાયા ઘૂંટણસમા પાણી

આ તરફ ભારે વરસાદને પગલે કીમ નજીક કુડસદ GIDC વિસ્તારમાં સ્થિતિ અત્યંત ગંભીર બની છે. રસ્તાઓ બંધ થતાં કામદારો અને વાહનચાલકો પાણીમાં ફસાયા હતા. ગટર લાઈનો બ્લોક થવાથી કડોદરાની શ્રીનિવાસ સોસાયટીઓ અને નીચાણવાળા વિસ્તારોમાં ઘૂંટણસમા પાણી ભરાયા છે. દુકાનોમાં પાણી ઘૂસી જતાં વેપારીઓને મોટું આર્થિક નુકસાન થયું છે, જેના કારણે સ્થાનિક રહીશો મુશ્કેલીમાં મુકાયા છે.

આ પણ વાંચો :Dabhoi Rain : ડભોઈમાં મેઘરાજાની ધમાકેદાર એન્ટ્રી! ધોધમાર વરસાદથી વાતાવરણમાં પ્રસરી ઠંડક