Surat Rain : મેઘરાજાની ધમાકેદાર બેટિંગ, અનેક વિસ્તારોમાં પાણી ભરાતા વાહનચાલકો પરેશાન

Surat Rain : રામનગર પાલ વિસ્તારમાં દુકાનોમાં ભરાયા પાણી

ઉલ્લેખનીય છે કે સુરતના રામનગર પાલ વિસ્તારમાં દુકાનોમાં વરસાદી પાણી ભરાઈ જતા વેપારીઓને મોટું નુકસાન વેઠવાનો વારો આવ્યો છે. સતત પડી રહેલા વરસાદના કારણે અનેક રસ્તાઓ પર પાણીના ભરાયા છે. જેના કારણે રાહદારીઓ અને વાહનચાલકોને ભારે હાલાકીનો સામનો કરવો પડી રહ્યો છે.

DEOએ શાળા જાહેર કરી રજા

દક્ષિણ ગુજરાતમાં ભારે વરસાદની આગાહી વચ્ચે સુરત શહેરમાં વહેલી સવારથી જ મેઘરાજાનું જોર યથાવત છે. વિદ્યાર્થીઓની સલામતીને સર્વોપરી રાખી જિલ્લા શિક્ષણ અધિકારી (DEO) દ્વારા શહેરની તમામ શાળાઓમાં રજા જાહેર કરવામાં આવી છે. આ સાથે જ ગ્રામ્ય વિસ્તારોમાં પણ વિદ્યાર્થીઓને શાળાએ ન બોલાવવા માટે સૂચના આપવામાં આવી છે. ભારે વરસાદના પગલે વહીવટી તંત્ર દ્વારા સતર્કતા રાખવામાં આવી રહી છે.

આ પણ વાંચો : Surat Rain : આગામી 48 કલાક ભારે ! સુરત સહિત દક્ષિણ ગુજરાતમાં રેડ એલર્ટ જાહેર