World Drugs Day : સુરતના યુવાનનો ચોંકાવનારો કીર્તિમાન: દાંતથી એકસાથે ખેંચી 8 કાર, તોડ્યો વર્લ્ડ રેકોર્ડ

રાકેશ સૈનીનો ગિનીસ બુક માટે દાવો

કાર્યક્રમ દરમિયાન સુરતના પરાક્રમી યુવાન રાકેશ સૈનીએ (Rakesh Saini) પોતાના મજબૂત દાંત વડે એક-બે નહીં પરંતુ લાઈનબદ્ધ ઉભેલી 8 કારને (8 Cars) એકસાથે ખેંચીને નવો વર્લ્ડ રેકોર્ડ (World Record) સર્જ્યો હતો. આ પરાક્રમ જોઈને ત્યાં હાજર સૌ કોઈ દંગ રહી ગયા હતા. રાકેશ સૈનીએ પોતાનો જ અગાઉનો 5 કાર ખેંચવાનો રેકોર્ડ તોડીને આ નવો ઈતિહાસ રચ્યો છે અને ગિનીસ બુક ઓફ વર્લ્ડ રેકોર્ડ્સ (Guinness Book of World Records) માં પોતાનું નામ નોંધાવવા માટે દાવો ઠોક્યો છે.

અધિકારીઓની ઉપસ્થિતિમાં લીધા નશામુક્તિના શપથ

આ દેશભક્તિ અને સામાજિક જાગૃતિના અનોખા કાર્યક્રમમાં સુરત સ્પેશિયલ ઓપરેશન ગ્રુપ (SOG) ના ડીસીપી (DCP), સુરત જિલ્લા કલેક્ટર (District Collector) સહિતના ઉચ્ચ વહીવટી અને પોલીસ અધિકારીઓ ખાસ ઉપસ્થિત રહ્યા હતા. કાર્યક્રમમાં વાય જંક્શન ખાતે હાજર રહેલા સેંકડો યુવાનોને વ્યસનથી દૂર રહેવા અને સકારાત્મક જીવન જીવવા માટે નશામુક્તિના શપથ લેવડાવવામાં આવ્યા હતા.

મનોરંજન સાથે જાગૃતિ સંદેશ

યુથ નેશન (Youth Nation) સંસ્થાના ફાઉન્ડર વિકાસ દોશીએ (Vikas Doshi) ડિજિટલ યુગમાં ભટકતા યુવાનોને નશાના દૂષણથી દૂર રહીને સકારાત્મક જીવનશૈલી (Positive Lifestyle) અપનાવવા માટે હાર્દિક અપીલ કરી હતી. કાર્યક્રમને વધુ રસપ્રદ અને પ્રભાવી બનાવવા માટે દેશભક્તિના ગીતો સાથેનું મ્યુઝિકલ બેન્ડ (Musical Band) અને ઉત્સાહવર્ધક ઝુંબા ડાન્સનું (Zumba Dance) પણ આયોજન કરવામાં આવ્યું હતું, જેના માધ્યમથી યુવાનોને નશા વિરુદ્ધ મજબૂત સંદેશો આપવામાં આવ્યો હતો.

આ પણ વાંચો: AI Education: ડિજિટલ શિક્ષણ ક્ષેત્રે મોટો નિર્ણય: રાજ્યના વિદ્યાર્થીઓ હવે શાળામાં ભણશે AI