Nasirnagar Demolition Case: મીડિયાકર્મીઓ પર સુરક્ષાકર્મીઓનો હુમલો, સવાલોથી ભાગતા અધિકારીઓ

સુરક્ષાકર્મીના વેશમાં ગુંડાઓ?

મળતી માહિતી મુજબ, ડિમોલિશનની વિગતો કવર કરવા પહોંચેલા પત્રકારોને હોલમાં જતા અટકાવવા માટે સુરક્ષા કર્મચારીઓ ગુંડાગીરી પર ઉતરી આવ્યા હતા. બ્રાઉન શર્ટ પહેરેલા કેટલાક શંકાસ્પદ લોકો સુરક્ષા કર્મી છે કે ગુંડા તે અંગે મોટા સવાલો ઉભા થયા છે. આ સુરક્ષા કર્મીઓએ પત્રકારો પર ડંડા ઉગામવાનો અને તેમને ધમકાવવાનો પ્રયાસ કર્યો હતો. મનપા (SMC) ના અધિકારીઓ દ્વારા ડિમોલિશનનું સત્ય છુપાવવા માટે આ પ્રકારનો દબાણપૂર્વકનો પ્રયાસ કરવામાં આવ્યો હોવાના આક્ષેપો થઈ રહ્યા છે.

કમિશનર કેમ ભાગ્યા?

આ સમગ્ર હંગામા બાદ બેઠક રૂમની બહાર ચુસ્ત પોલીસ બંદોબસ્ત (Police Protection) ગોઠવી દેવામાં આવ્યો હતો. આટલું જ નહીં, જ્યારે મીડિયા દ્વારા તીખા સવાલો પૂછવામાં આવ્યા ત્યારે મ્યુનિસિપલ કમિશનર (Municipal Commissioner) પાસે કોઈ યોગ્ય જવાબ ન હોવાને કારણે તેઓ મીડિયાના કેમેરાથી બચીને ભાગતા નજરે પડ્યા હતા. એક તરફ તંત્ર પોઝિટિવિટી (Positivity) ની વાતો કરે છે, તો બીજી તરફ ચોથા સ્તંભ સમાન મીડિયાને દબાવવાનો આ પ્રયાસ સરમુખત્યારશાહી દર્શાવે છે. મીડિયા પ્રતિનિધિ રાકેશ બ્રહ્મભટ્ટ (Rakesh Brahmbhatt) અને અન્ય પત્રકારોએ મજબૂતાઈથી ન્યાયની માંગ કરી છે.

આ પણ વાંચો: નાસિરનગર ડિમોલિશન કેસમાં વિવાદ: સુરત મનપાની દાદાગીરી? મિડિયાને કેમ અટકાવ્યું, સત્ય છૂપાવવાનો પ્રયાસ?